Hurmatli Vatanimiz himoyachilari!

IT ta'lim Uyushmasi Qurolli Kuchlarimiz tashkil etilganining 33-yilligi va Vatan himoyachilari kuni bilan muborakbod etadi.

Sizlarga har doim kuchli hamda qat’iyatli bo‘lib qolishingizni, o‘z kuchingizga ishonishingiz, har qanday vaziyatda barcha muammolarni mohirona hal eta olishingizni tilaymiz.

Mustahkam sog‘lik, uzoq umr hamda oilaviy hotirjamlik, boshlagan ishlaringizda omad va zafarlar yor bo‘lsin!

Siz bizning tayanchimiz, himoyamiz va g‘ururimiz ekanligingizni unutmang. Mardlik va jasorat bayrami sanalgan — Vatan himoyachilari kuni yana bir bor muborak bo‘lsin!

Jamoamizga xush kelibsiz!

IT ta’lim Uyushma tomonidan amalga oshirilayotgan “O‘zbekistonda IT va raqamli ta’lim landshaftini rivojlantirish” loyihasi doirasida jurnalist Fotima O‘ktamova bilan Mehnat shartnomasi imzolandi.

Fotima O‘ktamova — Buyrak yetishmovchiligi xastaligi tufayli doimiy ravishda gemodializ qabul qiladi (Gemodializ - bu Sun’iy buyrak apparati yordamida o‘tkir va surunkali buyrak yetishmovchiligini davolash).

Farg‘onada istiqomat qilayotgan Fotima O‘ktamova Loyiha doirasida masofadan ishlash imkoniyatini berib, ular bilan Mehnat shartnomasini imzoladik.

Fotima O‘ktamova 2-guruh nogironi bo‘lishiga qaramay juda harakatchan ekanliklarini ilk kunning o‘zida ko‘rsatdilar, o‘z hududlarida nogironligi bor AyTi bilan shug‘ullanayotgan shaxslarni topib, ular bilan IT soxasining imkoniyatlari haqida materiallar tayyorlashga kirishib ketdilar.

Xullas shunaqa qilib, Fotima O‘ktamova Shveysariya taraqqiyot va hamkorlik agentligi tomonidan IT ta’lim Uyushmasi NNTga ajratilgan O‘zbekistonda axborot texnologiyalari va raqamli ta’lim sohasini rivojlantirishga qaratilgan Grant loyihasining bir qismiga aylandi.

Mazkur Loyiha kelajakda yoshlarning IT savodxonligini oshirish, malaka oshirish imkoniyatlarini yaratish, shuningdek, qishloqlarda yashovchi yoshlar va ayollarni ish bilan ta’minlashni nazarda tutadi. Loyihaning dastlabki bosqichida hududlarda IT savodxonligi va ko‘nikmalari bo‘shliqlarini tahlil qilish, bunda maqsadli auditoriya sifatida yoshlar, qishloq aholisi, ayollar va qizlar, kam ta’minlangan oilalar, nogironlar qamrab olinadi.

Fotima O‘ktamova bilan hamkorlikdagi faoliyatimiz samarali va hamma uchun manfaatli bo‘ladi deb umid qilamiz.

Agar atrofingizda Fotima opaning qahramonlariga aylanishi mumkin bo‘lgan IT bilan shug‘ullanayotgan mutaxassislar bo‘lsa biz bilan bo‘lishing. Biz IT’ning cheksiz imkoniyatlari barcha uchunligini ko‘rsatmoqchimiz.

Masofadan turib ishlash jismoniy imkoniyati cheklangan odamlar uchun ko‘pincha yagona imkoniyat sanaladi. Raqamli kasblarning tarqalishi ular uchun mehnat bozori eshiklarini ochib, texnologiyalar ularga ishlash jarayonida yordam beradi.

Marg’ilonlik 14 yoshli Muhammadumar Ibrohimjonov orqa miya churrasi tashxisi billan tugílganligi sababli mustaqil harakatlanish imkoniga ega emas, lekin shunga qaramay Muhammadumar onasi ko’magida Marg‘ilon shahridagi Raqamli texnologiyalar Markaziga qatnab AyTi sohasini o’rganmoqda.

Ushbu shu soha uning kelajakka bo’lgan umidini uyg’otib, hayotga bo’lgan ishtiyoqi oshirmoqda.

U ayni vaqtda modellashtirish, dizayn yo'nalishlarida bilimlarini mustahkamlab, bo‘sh vaqtida ingliz tilini ham o‘rganishga jiddiy kirishgan. Uning kelgusidagi maqsadi raqamli imkoniyatlardan foydalangan holda Amerika, Korea kabi davlatlarida masofadan faoliyat yuritish.

Mazkur lavha Shveysariya taraqqiyot va hamkorlik agentligining "O‘zbekistonda IT va raqamli ta’lim landshaftini takomillashtirish" loyihasining tadqiqot bosqichi doirasida Fotima Mansurova tomonidan tayyorlandi.

Hatto bloger Bobur Mansurov ham kasbini o‘zgartirib, aytishnik bo‘lishga qaror qilibdi, siz hali ham kim bo‘lsam ekan deb o‘ylab o‘tiribsizmi😀

Agar siz ham IT sohasini bepul o’rganib, o’qish davridayoq ish taklifini olishni istasangiz, bunday imkoniyatni Sizga poytaxtimizda o’z ishini boshlagan School 21 ta'lim muassasasi taqdim etadi.

Bu yerda siz talabgir kasb, bepul ta’lim, kafolatlangan amaliyot va 24/7 tartibidagi erkin jadval bilan o‘qish paytida majburiy stajirovkadan o‘tib o‘z yo‘nalishingiz bo‘yicha ishlash imkoniga ega bo’lasiz.

School 21 ishtirokchilarining 100 foizi amaliyotga chiqadi, va ularning 95 foizi bugungi kunda doimiy ish takliflarini olishgan.

School 21 bu:

✔️ Toshkent va Samarqandda kechayu kunduz ochiq bo‘lgan kampuslar
✔️ Mobil dasturlashdan Data Sciencegacha bo‘lgan dolzarb yo‘nalishlar
✔️ Har bir bosqichda sizni qo‘llab-quvvatlaydigan kuchli jamoa
✔️ Soft va Hard ko‘nikmalarni rivojlantiruvchi o‘ziga xos Peer-to-Peer metodologiyasi

🖥 Birinchi qadamni tashlashga tayyormisiz?

27-yanvar kuni bir vaqtning o‘zida ikkita shaharda «hovuzlar» boshlanadi:
🌟 Samarqand
🌟 Toshkent
⏳ Hujjatlar 22-yanvargacha qabul qilinadi.

👉 Batafsil ma’lumot va ro‘yxatdan o‘tish: 21-school.uz

Farg‘ona viloyatining Marg‘ilon shahridagi Yangi bog‘ mahallasida yashovchi 19 yoshli Hikmatullo Madaliyev bugungi lavhamiz qahramoni.

U bolalikdan oyog‘idagi nuqsoni sababli tushkunlikda, o'zini tengdoshlaridan ajralib qolgan his bilan yashagan. Keyinchalik Hikmatillo IT sohasini o'rganish orqali xalqaro maydonda daromad topish imkoniyatidan xabar topib, bor fikrini sohada eng kuchli mutaxassis bo'lishga qaratdi.

Ana shu maqsadda Hikmatillo Marg‘ilon shahridagi raqamli texnologiyalar markaziga kelib Ayti sohasini o‘rgana boshladi.Dastlab mobil telefonlari, turli komyuter o‘yinlarini qanday yaratilishiga qiziqqan Hikmatillo keyinchalik odamlarga manfaat keltiruvchi loyihalar yaratish haqida o‘ylay boshladi.

Undagi intilish, shijoatni ko‘rgan ustozlari Hikmatulloni ushbu markazni o‘ziga ishda olib qolishdi hamda sohada salohiyatini rivojlantirish uchun barcha imkoniyat va qulayliklarni yaratib berishdi.

Ayni vaqtda qahramonimiz o‘zi faoliyat yuritayotgan markazda o‘z ustida Ayti sohasidagi mahoratini oshirib, bu jarayonda AyTi sohasiga kirib kelayotgan yoshlarni yangi va zamonaviy loyihalarni amalga oshirishga ruhlantirib kelmoqda.

Qahramonimiz bilan intervyuni ushbu lavhada tomosha qilishingiz mumkin

Mazkur lavha Shvetsariya taraqqiyot va hamkorlik agentligining "O‘zbekistonda IT va raqamdi ta’lim landshaftinp takomillashtirish" loyihasining tadqiqot bosqichi doirasida tayyorlandi.