⚡️Այսօր Արևելյան Ատրպատական և Արդաբիլ նահանգների սահմանային շրջաններում ԻՀՊԿ ցամաքային զորքերի զորավարժության հիմնական փուլն է անցկացվելու։ Կարգախոսը՝ «Հզոր Իրան»։
Զորավարժությանը խաղարկվելու են հետևյալ ուշագրավ գործողությունները՝

❗️Դեսանտի իջեցում,
❗️Արաքս գետի վրա կամուրջի անցկացում,
❗️Հաղորդակցական ճանապարհների գրավում և վերահսկողության հաստատում,
❗️Բարձունքների գրավում։

🔴Ըստ ԻՀՊԿ ցամաքային ուժերի հրամանատար Մոհամմադ Փաքփուրի՝ զորավարժությունը հարևան երկրների համար խաղաղության , բարեկամության, կայուն անվտանգության ամրապնդման ուղերձն ունի, իսկ թշնամիների համար ուղերձ է առ այն,որ Իրանի զինված ուժերը պատրաստ են պաշտպանել երկրի սահմաններն ու վճռական պատասխան տալ ցանկացած սպառնալիքի։

#Արցախըչիլինելուադրբեջանիկազմում
@IRI2day

📊Թեհրանի միջազգային հետազոտությունների ինստիտուտը գիտական էլիտայի (Թեհրանի համալսարան, Ալլամեհ Թաբաթայի համալսարան,Թավրիզի, Գիլանի, Շիրազի, Քերմանշահի Ռազի համալսարաններ), Կովկասի հարցերով զբաղվող վերլուծաբանների ու փորձագետների շրջանում Հարավային Կովկասում զարգացումների և Հայաստանի դեմ Ադրբեջանի վերջին հարձակման վերաբերյալ հարցում է անցկացրել: Հարցմանը մասնակցել է 384 հոգի: Հարցման արդյունքներից՝

📌Հարցմանը մասնակցածների 52 տոկոսը Հարավային Կովկասում վերջին լարվածության սրման պատճառ են համարել տարածաշրջանային ակտիվ դերակատարների սադրանքները, 31 տոկոսը՝ Ուկրաինայում ՌԴ զբաղվածությունը, մյուսները՝ կողմերից մեկի կամ երկուսի՝ ձեռք բերված պայմանավորվածություններին հավատարիմ չմնալը, ինչպես նաև գերտերությունների միջամտությունը:
📌Հարցվածների 41 տոկոսը ընթացող զարգացումները Թուրքիայի օգտին է համարում, 34 տոկոսը՝ Ադրբեջանի,
📌57 տոկոսը համարում է, որ Թուրքիան ամենաշատ ազդեցությունն ունի Ադրբեջանի արտաքին քաղաքականության վրա, ըստ 24 տոկոսի՝ Իսրայելը,
📌43 տոկոսը համարում է, որ Հարավային Կովկասն Իրանի համար կարևորվում է աշխարհաքաղաքական շահերի տեսանկյունից, 26 տոկոսը՝ մշակութային և քաղաքակրթական, 18 տոկոսը՝ տնտեսական, 13 տոկոսը՝ քաղաքական, անվտանգային տեսանկյունից: 📌39 տոկոսը համարում է, որ համեմատած մյուս դերակատարների՝ Իրանն ավելի պասիվ է, 36 տոկոսը համարում է, որ Իրանի դիվանագիտական ապարատի գործողությունները Հարավային Կովկասում զարգացումների նկատմամբ ազդեցիկ չեն եղել, 19 տոկոսը կարծում է, որ Իրանն աջակցում է լարվածության կառավարմանը,
📌Ըստ հարցվածների 43 տոկոսի՝ Հարավային Կովկասում աշխարհաքաղաքական փոփոխությանը դիմակայելու համար Իրանի համար պետք է առաջնահերթություն լինի անվտանգային և ռազմական կանխարգելիչ գործողությունների իրականացումը, ըստ 28 տոկոսի՝ Հայաստան-Իրան-ՌԴ եռակողմ համագործակցությունը, մյուսները, որպես առաջնահերթություն, մատնանշել են Հայաստանի հետ ռազմական համագործակցությունը, Ադրբեջանի հետ ակտիվ դիվանագիտությունը:

#Արցախըչիլինելուադրբեջանիկազմում
@IRI2day

📌ԻՀՊԿ հրամանատար Հոսեյն Սալամի՝

🔻«Ցավոք սրտի, սիոնիստական ռեժիմը ներթափանցել է Իրանի հարավային և հյուսիսարևմտյան հարևան երկրներ: Այդ երկրների կառավարություններին ասում ենք՝ Իսրայելին ձեր երկրում տեղ մի տվեք, քանի որ սիոնիստական ռեժիմը անկայունության աղբյուր է:

🔻Մենք ցանկացած պայմաններում վճռականորեն կպաշտպանենք մեր անվտանգությունը, բայց դուք խնդիրներ կունենաք:

🔻Հարևանների հետ մեր քաղաքականությունը հիմնված է բարեկամության,բարիդրացիության և քաղաքական փոխգործակցության վրա, բայց եթե այս հարևանների միջոցով վտանգվի Իրանի ժողովրդի անվտանգությունը և մեր երկրի համար սպառնալիք ստեղծվի, ապա մեր քաղաքականությունը նույնպես կփոխվի»:

📍Հիշեցնեմ, որ հոկտեմբերի սկզբին Ադրբեջան էր այցելել Իսրայելի պաշտպանության նախարարը, ինչը Թեհրանում ընկալվել էր որպես Իրանի դեմ ուղղված այց:

#Արցախըչիլինելուադրբեջանիկազմում
@IRI2day

📌Երեկ ԻՀՊԿ-ն իր զորավարժության շրջանակներում իրականացրել է Արաքս գետի վրա կամուրջի տեղադրման և դրանով զինտեխնիկայի տեղափոխման գործողություններ:

❓Շատերի մոտ հարց է առաջացել՝ ինչպես է ԻՀՊԿ-ն անցնում Արաքսը, եթե ափի այն կողմում այլ երկրներ են:

❗️Ամենայն հավանականությամբ, ԻՀՊԿ զինվորականները վարժանքները խաղարկել են Արաքսի այն հատվածներում, որոնք գետի ճյուղավորվման արդյունքում գտնվում են սահմանի իրանական կողմում:

#Արցախըչիլինելուադրբեջանիկազմում
@IRI2day

🇮🇷🇦🇲Իրանի արտգործնախարար Ամիր Աբդոլլահիանն այսօր այցելելու է Հայաստան

Վաղը նա մասնակցելու է Կապանում ԻԻՀ գլխավոր հյուպատոսության բացման հանդիսավոր արարողությանը:

#Արցախըչիլինելուադրբեջանիկազմում
@IRI2day

🇮🇷🇦🇲Աբդոլլահիանը Երևանում՝

🔸Հայաստանի և Իրանի միջև երկարաժամկետ համագործակցության շուրջ ճանապարհային քարտեզ է գծվելու,
🔸Երկու երկրներն այս տարածաշրջանում համատեղ համագործակցության շատ ուղղություններ ունեն,
🔸Երևանն ու Թեհրանը նաև ընդհանուր մտահոգություններ ունեն, որոնց լուծման համար ջանքեր են գործադրում,
🔸Իրանը դեմ է տարածաշրջանում օտարների ներկայությանը՝ թե՛ Ադրբեջանում, թե՛ Հայաստանում:

#Արցախըչիլինելուադրբեջանիկազմում
@IRI2day

🇮🇷🇦🇲Իրանի գլխավոր հյուպատոս Աբեդին Վարամինը News.am-ին տված հարցազրույցում հայտարարել է. «Կապանի ժողովրդին խորհուրդ կտամ չանհանգստանալ, մենք այստեղ ենք հայ ժողովրդի համար»։

#Արցախըչիլինելուադրբեջանիկազմում
@IRI2day

🇮🇷🇦🇲Մի քանի կարևոր հայտարարություն Իրանի արտգործնախարարից և գլխավոր հյուպատոսից

🔻Աբդոլլահիան. «Իրանի Իսլամական Հանրապետությունը Հայաստանի և տարածաշրջանի անվտանգությունը համարում է իր անվտանգությունը: Մեր քաղաքականությունն է՝ հարգել Հայաստանի տարածքային ամբողջականությունը և միջազգայնորեն ճանաչված սահմանները:

🔻Իրանը պատրաստակամ է, որ փոխադարձաբար Թավրիզում Հայաստանի հյուպատոսություն հիմնվի»:

🔻Վարամին. «Մենք՝ իրանցիներս, ավելի շատ գործի մարդ ենք, քան թե խոսքի։ Հուսով ենք, որ որևիցե երկիր իրեն թույլ չի տա իր երկրի սահմաններից դուրս գործողություններ իրականացնել։ Հակառակ դեպքում Իրանը կցուցաբերի համապատասխան հակազդեցություն։ Որպես դիվանագետ կարող եմ միայն ասել, որ Իրանի հակազդեցությունը կլինի տվյալ գործողությանը համահունչ:

🔻Օտարների ներկայության անթույլատրելիության մասին խոսելիս՝ արտգործնախարար Աբդոլլահիանը գուցե նկատի է ունեցել օտարերկրյա ռազմական ներկայությունը»:

#Արցախըչիլինելուադրբեջանիկազմում
@IRI2day

❗️Իրանի ԱԳՆ խոսնակ Նասեր Քանանին՝ ԵՄ դիտորդների մասին. «Մենք բազմիցս հայտարարել ենք, որ տարածաշրջանում օտարերկրյա ուժերի տեղակայումը չի նպաստելու տարածաշրջանի կայունությանը, անվտանգությանն ու խաղաղությանը: Օտարերկրյա ուժերը գերազանցապես իրենց շահերի և նպատակների համար են ձգտում տարածաշրջանի երկրների սահմանային շրջաններում ներկայություն ունենալ: Այդ իսկ պատճառով մենք դեմ ենք օտարերկրյա ուժերի ներկայությանը և մեր ընդհանուր սահմաններին չենք ընդունելու նրանց ներկայությունը, որ երկրից էլ որ լինեն, այդ թվում՝ Եվրոպայից, դա մեր կարմիր գիծն ենք համարում»:

#Արցախըչիլինելուադրբեջանիկազմում
@IRI2day

📌Ըստ իրանական ԶԼՄ-ների՝ ԻՀՊԿ-ն իր զորավարժությունն անցկացրել էր Սիահռուդ կոչվող շրջանում՝ Նախիջևանի հետ սահմանին։

📌Այս օրերին երկրի հյուսիս-արևմուտքում զորավարժություն են անցկացնում նաև Իրանի բանակի ցամաքային զորքերը։ Զորավարժությունն Իրաքի հետ սահմանին է (հայկական լրատվադաշտում տարածվել է, թե Թուրքիայի հետ սահմանին է)։

#Արցախըչիլինելուադրբեջանիկազմում
@IRI2day

🔍Թեև Իրանում ցույցերի տեմպը որոշակիորեն թուլացրել էր, սակայն այս օրերին դրանք նորից թեժացնելու փորձեր են արվում:
📍Հարևան երկրում ցույցեր շատ հաճախ են լինում, սակայն դրանք հիմնականում սոցիալ-տնտեսական խնդիրներով են պայմանավորված: Սեպտեմբերի կեսերից մեկնարկած ցույցերն ունեն հետևյալ առանձնահատկությունները՝
🔸Տևողություն․ ակցիաները տևել են ավելի երկար, քան Իրանում վերջին տարիների բոլոր խոշորամասշտաբ ցույցերը,
🔸Աջակցություն․ ակցիաները լայն հնչեղություն ստացան ամբողջ աշխարհում, և տարբեր երկրներում բնակվող իրանցիներն ու ոչ իրանցիները աջակցող ցույցեր են անցկացնում,
🔸Քաղաքական բաղադրիչի գերակշռում:
📍Իրանի վերջին նախագահական ընտրությունները փաստեցին՝հասարակությունը հիասթափված է բոլորից: Հասարակության լայն շերտերի մոտ ձևավորվել է այն կարծիքը, որը երկրում դրական փոփոխությունների համար անհրաժեշտ է պետական համակարգի փոփոխություն: Ուստի իշխանություն-հասարակություն ճեղքվածի և սոցիալ-տնտեսական խնդիրների պայմաններում բողոքի կուտակում կար, և Մահսա Ամինիի մահը հերթական առիթն էր այդ դժգոհության ձայնը բարձրացնելու համար։
📍Իրանի սոցիալ-տնտեսական դրությունից ելնելով այս երկրում ցույցերը շարունակվելու են և խնդիրների խորացմանը զուգահեռ՝ յուրաքանչյուր անգամ նոր թափ են առնելու: Ցույցերին ամեն անգամ ներգրավվելու են նոր խմբեր՝ հասարակության տարբեր շերտերից: Այս համատեքստում ցույցերը կարելի է բնութագրել որպես ուսումնական զորավարժություն՝ թե՛ մասնակիցների, թե՛ այդ ցույցերին աջակցողների համար։
📍Հետևաբար, յուրաքանչյուր հաջորդ խոշորամասշտաբ ցույց կարող է լինել ավելի կազմակերպված, ավելի երկարատև: Իրանի համար սա նշանակում է մշտական լարվածություն ու անկայունություն, որից կարող են օգտվել նրա հակառակորդները՝ սկսած անջատողական հրահրումներից, վերջացրած համակարգի փոփոխման փորձերով:
📎Ավելի մանրամասն, այդ թվում՝ այս ցույցերին պանթյուրքական հոսանքների, Ադրբեջանի ու Թուրքիայի ակտիվության մասին կարող եք կարդալ այս հղումով:

#Արցախըչիլինելուադրբեջանիկազմում
@IRI2day

🇧🇾🇮🇷Մոտ ապագայում Բելառուսի նախագահ Ալեքսանդր Լուկաշենկոն այցելելու է Իրան: Այցի ընթացքում Իրանի ու Բելառուսի միջև երկարաժամկետ համագործակցության մասին փաստաթուղթ է ստորագրվելու:
#Արցախըչիլինելուադրբեջանիկազմում
@IRI2day

◾️Իրանում եռօրյա սուգ է հայտարարվել՝ ի հիշատակ Շիրազ քաղաքի Չահչերաղ դամբարանում ահաբեկչության զոհերի:
Երեկ տեղի ունեցած ահաբեկչության հետևանքով զոհերի թիվը նախնական տվյալներով 15 է:
#Արցախըչիլինելուադրբեջանիկազմում
@IRI2day

🇮🇷🇦🇿Իրանի և Ադրբեջանի արտգործնախարարներ Ամիր Աբդոլլահիանն ու Ջեյհուն Բայրամովը հեռախոսազրույց են ունեցել:

Աբդոլլահիանն ընդգծել, իսկ Բայրամովը վերահաստատել է՝

🔹Տարածաշրջանում օտարների ներկայության անթույլատրելիությունը,
🔹Տարածաշրջանային մեխանիզմների, այդ թվում՝ 3+3-ի շրջանակներում հակասությունների կարգավորման անհրաժեշտությունը:

#Արցախըչիլինելուադրբեջանիկազմում
@IRI2day

🔴Իրանի հետախուզության նախարարությունն ու ԻՀՊԿ հետախուզական ծառայությունը երկրում ցույցերի առնչությամբ համատեղ հայտարարություն են տարածել, որտեղ հիշատակվել է նաև Հայաստանը:

Մի քանի կետեր հայտարարությունից՝

🔻Երկրում անկարգությունները հրահրվել են օտարերկրյա լրտեսական ծառայությունների կողմից, որոնք օգտվել են հասարակության շրջանում առկա որոշ դժգոհություններից,

🔻Առաջամարտիկը ԱՄՆ հետախուզական ծառայությունն է (CIA) , որին աջակցում են նաև Մեծ Բրիտանիայի, Իսրայելի, Սաուդյան Արաբիայի և այլ երկրների հետախուզական ծառայությունները,

🔻Դեռ նախքան ընթացիկ ցույցերը սկսելը վերոնշյալ կոալիցիան այլ առիթներով էր փորձում համընդհանուր շարժում առաջացնել, օրինակ՝ որևէ իրադարձության տարելից, ուկրաինական ինքնաթիռի խոցում, Աբադանում բազմահարկ շենքի փլուզում, նպաստների, հիջաբի խնդիր և այլն,

🔻Մարդու իրավունքների և ժողովրդավարության զարգացման քողի տակ ԱՄՆ հետախուզական ծառայությունները միլիարդավոր դոլարներ են հատկացրել, մարդկանց հավաքագրել: Ձևավորված ցանցը զբաղվել է կեղծ պահանջների և օրակարգերի գեներացմամբ, հասարակական դժգոհության հրահրմամբ,

🔻Կազմակերպվել են դասընթացներ՝ հիբրիդային պատերազմների, «փափուկ հեղաշրջումների» թեմաներով: Դասընթացներին սովորեցրել են տարբեր թեմաների շուրջ քարոզչության վարում, ինչպես նաև քաղաքային պատերազմի և ապստամբությունների մեթոդներ ու տեխնիկա:

🔻Դասընթացները մինչև այժմ անցկացվել են Թուրքիայում, ԱՄԷ-ում, Նիդերլանդներում, Հայաստանում, Վրաստանում, Մալայզիայում, Ինդոնեզիայում, Թաիլանդում, Չեխիայում, ՀԱՀ-ում, Իտալիայում, Սեյշելյան կղզիներում՝ նշված երկրների կառավարությունների իմացությամբ կամ առանց իմացության: Դասընթացները հիմնականում անցկացվել են այն երկրներում, որտեղ մեկնելու համար Իրանի քաղաքացիները վիզայի կարիք չունեն:

🔻Երրորդ երկրներում վերապատրաստումները հաճախ իրականացվում են անհատների և կազմակերպությունների կողմից՝ ԱՄՆ արտաքին գործերի նախարարության գրասենյակների և գործակալությունների միջոցով:

#Արցախըչիլինելուադրբեջանիկազմում
@IRI2day

🔶Իրանի ճանապարհների և քաղաքաշինության նախարարը հայտնել է, որ 2023թ. գարնանը իրանական ընկերությունները կսկսեն կառուցել Հյուսիս-Հարավ ավտոմայրուղու մաս կազմող Քաջարանի 7,2 կմ թունելը:

#Արցախըչիլինելուադրբեջանիկազմում
@IRI2day