🇮🇷🇺🇸Reuters-ը հայտնում է, որ Իրանի ու Իսրայելի միջև պատերազմի մեկնարկից ի վեր ԻԻՀ արտգործնախարար Աբբաս Արաղչին և ԱՄՆ նախագահի՝ Մերձավոր Արևելքի հարցերով հատուկ բանագնաց Սթիվ Ուիտքոֆֆը մի քանի անգամ հեռախոսազրույց են ունեցել։

📍Ըստ լրատվամիջոցի՝ կողմերը քննարկել են ուրանի հարստացման համար տարածաշրջանային կոնսորցիում ստեղծելու ԱՄՆ առաջարկը (ինչը ենթադրում է ուրանի հարստացում Իրանից դուրս), սակայն Թեհրանը շարունակում է մերժել այդ նախագիծը։

📍Արաղչին նաև հայտնել է, որ քանի դեռ Իսրայելի հարվածները շարունակվում են, Թեհրանը բանակցային սեղան չի վերադառնա։

@IRI2day

📌Ըստ իրանական ԶԼՄ-ների՝ հայտնի ռեփեր Թումաջ Սալեհին նորից ձերբակալվել է։ Այս անգամ՝ Իսրայելի օգտին լրտեսության մեղադրանքով։

📍Սալեհին իր կատարումներում միշտ սուր քննադատության է ենթարկել Իրանի իշխանություններին։

📍Նախկինում նա մի քանի անգամ ձերբակալվել է։ 2023-ին «Իրանի պետական համակարգի դեմ քարոզչության» մեղադրանքով դատապարտվել էր 6 տարվա ազատազրկման, սակայն 2024-ի դեկտեմբերին ազատ էր արձակվել։

🔍Սալեհիի ու նրա կատարումների մասին ավելի մանրամասն գրել եմ այստեղ։

@IRI2day

🔴Իրանական ԶԼՄ-ները հայտնում են, որ օրեր առաջ երկրի հետախուզական ուժերը կանխել են արտգործնախարար Աբբաս Արաղչիի դեմ մահափորձը։

@IRI2day

❗Իրանի արտգործնախարար Աբբաս Արաղչին հերքել է, որ ամերիկյան կողմի հետ շփումներ են ունեցել։

Միաժամանակ նա վերահաստատել է, որ քանի դեռ Իրանի դեմ ագրեսիան չի դադարել բանակցություններից խոսելն է անիմաստ է։

@IRI2day

📌Իրանի արտգործնախարարի տեղակալ Սաիդ Խաթիբզադե.«Իրանցի պաշտոնյաներն ԱՄՆ հետ որևէ շփում և նրանց համար ուղերձ չեն ունեցել։ Առաջին իսկ ժամերին Սպիտակ տունը տարածաշրջանային և եվրոպական խողովակներով մեզ ուղերձներ է փոխանցել։

📍Մենք փոխադարձ հարձակման չենք դիմել։ Մեր դեմ հարձակում է եղել, և մենք օրինական ինքնապաշտպանվում և պատասխանում ենք։

📍Իրանը երբեք միջուկային զենքի չի ձգտել և ապագայում ևս երբեք այդ ուղղությամբ չի շարժվելու»։

@IRI2day

📍Իրանի և Գերմանիայի, Ֆրանսիայի, Մեծ Բրիտանիայի արտգործնախարարների հանդիպմանն իրանական կողմը վերահաստատել է, որ Իսրայելի հարձակումների դադարեցման դեպքում պատրաստ է ընդառաջ գնալ դիվանագիտական ուղուն։

📍Աբբաս Արաղչին հայտարարել է, որ Իրանի հրթիռային կարողությունների հարցը որևէ կերպ քննարկման ենթակա չէ (ինչպես որ նախկինում միշտ պնդել են)։

📍Նա նաև նշել է, որ Իրանը պատրաստ է շարունակել եվրոպական կողմի հետ քննարկումները։

@IRI2day

🔴ԱՄՆ-ն գիշերը հարվածներ է հասցրել Իրանի Նաթանզի, Սպահանի, Ֆորդոյի միջուկային օբյեկտներին։

❗Ըստ Թրամփի՝ հիմնական թիրախը եղել է Ֆորդոն։ (Մինչև այս հաղորդվում էր, որ այս օբյեկտն Իսրայելի հարձակումներից առանձնապես չէր տուժել)։

❗Իրանական կողմն առայժմ հայտարարել է, որ հարձակումների հետևանքով աղտոտում չկա։

❗Իրանի արտգործնախարար Աբբաս Արաղչին էլ ընդգծել է, որ Թեհրանն օրինական ինքնապաշտպանության շրջանակներում պատասխանելու իրավունք ունի և օգտագործելու է բոլոր միջոցները իր ինքնիշխանության, շահերի և ժողովրդի անվտանգության պաշտպանության համար։

❗Նախքան ԱՄՆ հարձակումը իրանական դաշտում շրջանառվում էր, որ ԱՄՆ միջամտության դեպքում Իրանն էլ կարող է հարվածներ հասցնել տարածաշրջանում ԱՄՆ բազաներին։ Առաջ քաշված տարբերակներից էր նաև Հորմուզի նեղուցը փակելը։

@IRI2day

📌Իրանի խորհրդարանի ազգային անվտանգության և արտաքին քաղաքականության հանձնաժողովն արտահերթ նիստ է անցկացնելու, որի ժամանակ քննարկելու են ԱՄՆ գործողությանը պատասխանելու Իրանի տարբերակները։

📍Հանձնաժողովի անդամներից մեկի խոսքով՝ քննարկվող տարբերակներից են Միջուկային զենքի չտարածման պայմանագրից դուրս գալը, Հորմուզի նեղուցը փակելը։

@IRI2day

❗Լուրեր են շրջանառվում, որ Իրանն այժմ հարվածներ է հասցնում Կատարում և Իրաքում ԱՄՆ բազաներին։

Իրանական կողմից պաշտոնական հայտարարություն առայժմ չկա։

@IRI2day

❗Իրանի ԶՈւ-ն հաստատեց, որ հարվածել են Կատարում ԱՄՆ ավիաբազային՝ «ուղերձ հղելով, որ Իրանի դեմ ագրեսիան անպատասխան չի մնում»։

@IRI2day

📌Հրադադարի մասին իրանական կողմից առայժմ հայտարարված տեղեկությունն այն է, որ երկրի ԶՈւ-ն Իսրայելին հարվածներ է հասցրել մինչև ժամը 4-ը։

Այդ ընթացքում Իսրայելն էլ իր հերթին է հարվածներ հասցրել Իրանին։

Առայժմ պարզ չէ, թե ենթադրյալ հրադադարը որքան կտևի (կիմանանք, երբ խախտվի)։ Բնականաբար, սրանով իրանա-իսրայելական հակամարտությունը չի ավարտվում։

@IRI2day

📌Իրանի խորհրդարանում հաստատել են օրինագիծ, որով Իրանի ատոմային էներգիայի կազմակերպությունը պարտավորվում է դադարեցնել Ատոմային էներգիայի միջազգային գործակալության հետ համագործակցությունը։

📍Համագործակցությունը կշարունակվի Իրանի միջուկային օբյեկտների ու գիտնականների անվտանգության ապահովման, Իրանի տարածքային ամբողջականության ու ինքնիշխանության, խաղաղ նպատակներով ուրանի հարստացման իրավունքի հարգման դեպքում։

Օրինագիծը դեռ պետք է հաստատի նաև Պահապանների խորհուրդը։

@IRI2day

🇮🇷🇦🇿Բաքվում Իրանի նորանշանակ դեսպան Մոջթաբա Դեմիրչիլուն իր հավատարմագրերի պատճենն է հանձնել Ադրբեջանի արտգործնախարար Ջեյհուն Բայրամովին։

Հանդիպմանը երկուստեք ընդգծվել է երկկողմ հարաբերությունների զարգացման անհրաժեշտությունը և այն որակվել որպես առաջնահերթություն։

Իրանի դեսպանը, անդրադառնալով Իսրայելի գործողությանը, հայտարարել է, որ Իսրայելի նպատակներից մեկը տարածաշրջանում լարվածություն ստեղծելն է, և հարևանները պետք է զգոն լինեն։

@IRI2day

🇮🇷🇦🇿 Հեռախոսազրույց են ունեցել Իրանի ու Ադրբեջանի նախագահները։

❗Ըստ իրանական կողմի հաղորդագրության՝ Մասուդ Փեզեշքիանը կոչ է արել ուսումնասիրել և ստուգել Ադրբեջանի տարածքից Իրանի դեմ իսրայելական ԱԹՍ-ների թռիչքների մասին լուրերը։

Ալիևը հավաստիացրել է, որ իր երկրի տարածքը չի օգտագործվել և չի օգտագործվելու «բարեկամական ու եղբայրական Իրանի դեմ»։

@IRI2day

🇦🇿🇮🇷Ալիևն այսօր ընդունել է Իրանի նորանշանակ դեսպանի հավատարմագրերը։

Նա նորից վստահեցրել է, որ «լիարժեք վերահսկում են երկրի տարածքը և այնտեղից Իրանի դեմ որևէ սպառնալիք կամ գործողություն թույլ չեն տվել ու թույլ չեն տալու»։

@IRI2day

📌Իրանի ԱԳՆ խոսնակը ՝ Իսլամական համագործակցության կազմակերպության փաստաթղթի մասին, որտեղ տեղ էին գտել հակահայկական կետեր.

«Համատեղ փաստաթղթում կազմակերպության անդամ երկրները կարող են հարցեր առաջ քաշել, որոնք պարտադիր չէ, որ արտահայտեն բոլոր անդամների դիրքորոշումը։

(Update)Մենք միշտ աջակցել ենք Հայաստանի ու Ադրբեջանի միջև խաղաղության գործընթացին և կողմերին խրախուսել հնարավորինս շուտ ստորագրել խաղաղության համաձայնագիրը։

Հարավային Կովկասում խաղաղությունն ու կայունությունը մեզ համար ռազմավարական նշանակություն ունի

Կազմակերպության կողմից ընդունված փաստաթղթի կետում որոշ հասկացությունների, բառերի և արտահայտությունների օգտագործումը մեր կողմից ընդունելի չէ։ Մենք համոզված ենք, որ նման բառերի և արտահայտությունների օգտագործումը, որոնք կարող են ակնարկել աշխարհաքաղաքական փոփոխությունների ցանկություն, բոլորովին կառուցողական չեն և չպետք է դառնան տարածաշրջանի երկրների գործնական քաղաքականության հիմք»։

@IRI2day

📌Իրանի ԱԳՆ խոսնակ.

Առանց բացառության, բոլոր հարևան երկրները մեզ վստահեցրել են, որ որևէ դեպքում թույլ չեն տա, որ սիոնսիտական ռեժիմն իրենց երկրի օդային կամ ցամաքային տարածքն օգտագործի Իրանի դեմ ագրեսիվ գործողությունների համար։

Դեպքերը, որոնք զեկույցներում նշվել են, մենք այդ երկրներին տեղեկացրել ենք, և նրանց բացատրությունները լսել։ Ես այստեղ հստակ հայտարարում եմ՝ բոլոր այն դեպքերը, որ մեր կողմից ներկայացվել են, դրա հասցեատեր երկրների կողմից հստակ և վճռականորեն հերքվել են, և մեզ վստահեցրել են, որ ոչ միայն նման բան թույլ չեն տվել, այլև ապագայում ևս թույլ չեն տալու։

@IRI2day

❗Իրանի նախագահ Մասուդ Փեզեշքիանը մեկնել է օկուպացված Ստեփանակերտ՝ մասնակցելու Տնտեսական համագործակցության կազմակերպության գագաթնաժողովին։

@IRI2day

🔷 Իլհամ Ալիևն Իրանի նախագահ Փեզեշքյանի հետ Շուշիում է։

🔷 Զրուցում են ադրբեջաներեն։

🔷 Տեսահոլովակում պարզ լսվում են Ալիևի հետևյալ խոսքերը.

Շուշիում 17 մզկիթ է եղել։ 17 թաղ է եղել և 17 մզկիթ։ Հայերը դրանցից 16-ը քանդել են ամբողջությամբ, իսկ մեկը կիսատ են քանդել։

📝@caspian_frontiers

❗️ԻԻՀ ԱԳՆ խոսնակը՝ «միջանցքի» հարցում Իրանի դիրքորոշման մասին․

Մեր դիրքորոշումը հստակ է, և մենք այն բազմիցս հայտարարել ենք։ Մենք աջակցում ենք տարածաշրջանի երկրների միջև հարաբերությունների ընդլայնմանը։ Միաժամանակ մենք միշտ ընդգծել ենք, որ այդ երթուղիների ստեղծումը ոչ մի կերպ չպետք է խաթարի որևէ երկրի ինքնիշխանությունը, տարածքային ամբողջականությունը, միջազգայնորեն ճանաչված սահմանները կամ փոփոխություն առաջացնի տարածաշրջանի աշխարհաքաղաքականությունում։

@IRI2day