Bu gün islam alimlərinin və ruhaniyyətin əsas problemlərindən biri budur ki, strateji düşünüb, eyni zamanda praktiki addımlar ata bilmirlər. Yəni 10 il, 20 il üçün proqramları olsun və eyni zamanda praktiki addımlar ata bilsin.

Bu zəiflikdir. İmam Seyyid Əli Xameneinin bir xüsusiyyəti var. Bu insan həm fəqihdir, həm filosofdur, həm arifdir və həm də nəzəriyyəçidir.
Buyurur: Dini hökümətin vəzifəsi bu olmalıdır ki, (əlbəttə ki, burda Məhdəvi hökümətdən söhbət gedir) insanlarda təhlil qüdrətini yuxarı aparsın, amma istibdad və zülm əsasında qurulan ölkələrdə bir qayda var, insanları düşünməyə icazə vermirlər. Buna görə əsasən istibdad və tağut ölkələrində həddindən artıq diskotekalar, əyləncə mərkəzləri, şoular qurulur. Niyə? Təhlil qüdrətini cəmiyyətdən götürmək üçün. Düşüncədən onları məhrum etmək üçün.
Əgər biz istəyiriksə zühur üçün zəminə yaradaq, bizim ən böyük vəzifələrmizdən biri budur ki, düşüncəni yuxarı aparaq. Bu, tək kişilərə də aid deyil. Həm kişilər və həm qadınlar. Allah eləməsin bir cəmiyyətdə düşünən və təhlil qüdrəti olmayan qadınlar olsun. Bunlar anadırlar, əgər özləri təhlil qüdrətinə malik olmasalar, bunların tərbiyə etdiyi övladlarda da təhlil qüdrəti olmayacaq.
İmam Hüseyn (ə) Kərbəlada tək qalanda dedi: “Mən şücaəti anam Zəhradan (s.ə) öyrəndim”. Halbuki Əli (ə) şücaəti ilə tanınırdı.
Dini hökumətin, dini cəmiyyətin, ruhaniyyətin, dindarların vəzifəsi budur ki, özlərinin təhlil qüdrətlərini yuxarı aparsınlar və cəmiyyəti də təhlilə təşviq etsinlər. Əks halda bu cəmiyyət zühur cəmiyyəti olmayacaq.
Biz nəyə görə deyirik ki, İmam Məhdi (ə) gələndə insanların ağıl və düşüncə səviyyəsi yuxarı qalxacaq? Yəni təhlil qüdrəti yuxarı qalxacaq. Təhlil qüdrəti yuxarı qalxanda bunlarda proqnozlaşdırma qüdrəti yuxarı gedəcək. Yəni biləcəklər ki, bunları hansı xətərlər gözləyir, hansı bəlalar gözləyir. Məgər İslam ümmətinə gələn bütün bəlalar buna görə deyil ki, bizim təhlil və proqnoz qüdrətimiz olmayıb? Buna görə olub həqiqətdə.
Bu, çox incə bir mətləbdir ki, İslam hökumətinin vəzifəsi təhlil qüdrətini yuxarı aparmaqdır. Tağut hakimyəti isə əksinə, kütləşdirir cəmiyyəti. Bir cür xəbərlər ötürməklə, şoular qurmaqla və s. kütləşdirirlər cəmiyyəti...

Şeyx Orxan Məmmədovun çıxışlarından

https://t.iss.one/Huseyniyyun_Az

#Hüseyniyyun

🔷 Azərbaycan Araşdırma Mərkəzi

.