АБДУКОДИРЖОН ВА АБДУМЎМИНЖОН ПАВЛОНИЯЛАРНИ “ТИРИЛТИРИШДИ”

Назокат дугонам университетларнинг бирида талабаларга дарс беради. Ҳар куни бекатга чиқиб, автобус кутади. Бекат Учтепа тумани, Г9Ада. Бекат орқасига ҳар йили Учтепа тумани ободонлаштириш бошқармаси ходимлари томонидан “қуритиш” учун кўчатлар экилади. Ёзда бу кўчатлар тик туриб “жон” беради. Ҳар йили аҳвол шу. Ўша атрофда кўп қаватли уйларнинг  24 уйи 17 хонадонида Назокат дугонамнинг 5 ёшли Абдукодиржон ва 4 ёшли Абдумўминжон исмли неваралари яшайди. Улар бир неча бор бувисини ишга кузатишган, ишдан қайтишида кутиб олишган. Бекат ортидаги қуриётган павлония дарахтларини кўриб, ҳар куни қўлларига баклашкаларда сув кўтариб, павлонияларга қўйишни бошлашган. Мақсади, бувижониси дарахтлар соясида автобус кутишини кўриш. Йигитчалар ҳар куни эринмасдан павлонияларга сув қўявериб, эндигина “ўламан” деб турган дарахтларга жон бахш этишди. Дарахтларни қуришдан асрашди. Улар сув қўйган павлониялар барг чиқаришди.
Абдукодиржон ва Абдумўминжон биз катталарга кўзгу тутишди. Қанийди, ҳаммамиз ҳам шу ишни қилганимизда эди атрофимиз яшил маконга айланган бўлармиди... Шу йигитчаларни тарбия қилган ота-онасига ва бувижонисига минг раҳмат!

Хонбиби ҲИММАТ қизи, журналист

https://t.iss.one/Hurfikruznews

Ҳар хил буюмлардан воз кечиш орқали инсон руҳи кучайиб боради.

Клод Андриан Гелвеций

https://t.iss.one/Hurfikruznews

Манглай теринг билан топилган мол,
Танингга ҳалол

Ўзбек халқ мақоллари

https://t.iss.one/Hurfikruznews

Юрак учун фойдали ва мазали комбинация: олма + қора шоколад!

Агар ҳам фойдали, ҳам ширин нарса ейишни истасангиз — олма билан қора шоколадни бирга тановул қилинг!

Нима учун?
– Яллиғланишга қарши таъсир қилади
– Қонда тромб (ивиш) ҳосил бўлишининг олдини олади
– Қон айланишини яхшилайди
– Юрак хасталиклари хавфини камайтиради

Бу икки маҳсулотда юрак учун жуда фойдали антиоксидант моддалар бор. Энг муҳими — ҳар иккаласи ҳам оддий бозорда бор, осон топилади ва жуда мазали!

https://t.iss.one/Hurfikruznews

Бир донишманддан энг ёмон аёл ҳақида сўрашганида, шундай жавоб қилади:
— Тез-тез ўзини касалга соладиган;
— Сабабсиз йиғлайдиган;
— Ажабланмаса ҳам куладиган;
— Кўчада ясаниб очиқ-сочиқ кийиниб, уйда эса бир аҳвол бўлиб юрадиган;
— Гаплари қўпол, овози қаттиқ;
— Яхшиликни билмайдиган, ёмонликка йўядиган;
— Машаққатга сабр қилмайдиган;
— Эрига қарши бошқаларни қўллайдиган;
— Эрини қувватламайдиган;
— Эрининг оиласига беписанд;
— Ғазабланса, ёмон сўзларни ишлатадиган;
— Кўрмаган нарсасига ҳам гувоҳлик берадиган;
— Уйи бетартиб ва файзсиз;
— Кўз ёши ёлғон;
— Доим жанжал қиладиган;
— Сеҳргарга қатнайдиган аёлдир!

https://t.iss.one/Hurfikruznews

Женевада Россия вакили Ирина Матвиенко сўзлаган пайт зал бўшаб қолди.

Литва, Германия, Швеция, Финляндия, Латвия, Люксембург ва бошқа давлатлар делегациялари унинг чиқиши пайтида зални тарк этди.

https://t.iss.one/Hurfikruznews

Ҳиндистонлик сартарош ўз иш жойида телевизор ўрнатиш ўрнига, ўз навбатини кутаётган мижозлар учун кичик бир кутубхона ташкил қилди ва "Китоб ўқиган инсонларга 30% чегирма бор" деб ёзиб қўйди.

Инсонлар ўзгариши учун ҳамма нарсани ҳокимят қилиши шарт эмас. Сиз ҳам кичик ҳаракатингиз орқали онгни ривожига улкан ҳисса қўша оласиз!

https://t.iss.one/Hurfikruznews

Озарбайжон ТАССдан узр сўрашни талаб қилди, чунки Россия агентлиги ўз мақоласида Ханкенди шаҳрини “Степанакерт” деб атаган.

ТАСС кеча арманлар Степанакерт, озарбайжонлар эса Ханкенди деб атайдиган шаҳарда 2021-йилда ўрнатилган Иван Аивазовский ҳайкали бузилиши ҳақида мақола чоп этди. Унда Ханкендини Степанакерт деб атаган.

Озарбайжон Ташқи ишлар вазирлиги узр сўрашни ва “Озарбайжон топонимларини бузиб кўрсатишни бас қилишни” талаб қилди: "Россия Федерациясининг ТАСС расмий давлат агентлиги нашрида Хонкенди шаҳрининг “Степанакерт” деб номланиши мамлакатимиз ҳудудий яхлитлигига ҳурматсизлик ва тажовузкор қадам сифатида баҳоланмоқда. ТАСС ахборот агентлигидан бу масала бўйича узр ва тузатиш кутамиз. Акс ҳолда, қонунга мувофиқ, Озарбайжондаги ТАСС фаолиятига қарши чоралар кўрилади." дейилган талабномада.

https://t.iss.one/Hurfikruznews

Вазирлар Маҳкамаси қарори: “Sea Breeze” лойиҳаси бўйича жамоатчилик билдирган эътироз ва хавотирлар инобатга олинди

Аввал кўплаб баҳсларга сабаб бўлган асосий масала Тошкент шаҳрининг ичимлик суви ресурслари масаласи эди. Олинган инсайдерлик маълумотларига кўра, энди расмий қарор билан аниқ белгилаб қўйилaди: Чорвоқ сув омборига, ҳатто Чирчиқ дарёсига ҳам сув ташлашга рухсат берилмайди. Агар инвестор ушбу шартни бузса, қурилиш тўхтатилади, инвестиция шартномаси бекор қилинади ва ер олиб қўйилади. Бу жамоатчилик босими орқали эришилган муҳим ютуқ.

Лойиҳа босқичма-босқич ва давлат назорати остида амалга оширилади. Ҳар қандай техник ёки қурилиш ечимлари фақат ваколатли идоралар билан олдиндан келишилади. Бош прокуратура ва Вазирлар Маҳкамаси ҳар бир босқични бевосита назорат қилади.

Бу қарор шундан далолат берадики, жамоатчиликнинг фикри инкор этилмади. Ташвишлар эшитилди, ўрганилди ва асосли эътирозлар асосида лойиҳа қайта шакллантирилди.

Бизни эшитишди бу бефарқ бўлмаган фуқароларнинг ғалабаси. Бу ютуқ бир зумда эмас, очиқ фикр ва ўринли хавотирлардан кейин қўлга киритилди.

https://t.iss.one/Hurfikruznews

Сиз мени Франция ҳукмдори деб биласиз. Лекин, агар билсангиз,  эркин матбуот шароитида уч ой ҳам ҳокимиятда қололмайман

Наполеон

https://t.iss.one/Hurfikruznews

ОИЛА ВА ХОТИН-ҚИЗЛАР ҚЎМИТАСИ ДИҚҚАТИГА!
МИРЗО УЛУҒБЕК ТУМАНИ ҲОКИМЛИГИ ДИҚҚАТИГА!

АЁЛ НЕГА ЁШ БОЛАСИ БИЛАН КЎЧАДА САРСОН?

Тошкент вилояти Қибрай тумани Оққовоқ ҚФЙ Интизор кўчаси 22 уйда вақтинча яшаётган Мафтуна исмли аёл 10 ойдан буён адолат излаб юрганини, борар жойи бўлмаганлиги сабабли уни ва боласини ҳақ-ҳуқуқларини ҳимоя қилишларини сўраб шикоят юборган. Шикоятни қисқароқ қилиб таништиришни лозим топдим.
“Xamraeva Maftuna Toirjon qizi 2023 yil 27 iyun kuni Toshkent shahri Mirzo Ulug'bek tumani FHDYO bo'limida Xamraev Sharofiddin Alisherovich bilan nikohdan o'tganman.  2023 yil 8 iyul kuni Toshkent shahri Mirzo Ulug'bek tumani Temur Malik 3-berk ko'cha 1-uyga kelin bo'lib tushganman. Kelinlik uyim buzilish rejasiga kiritilgani, meni  yangi uyimizga propiskaga qo'yilishimni va'da qilib erim meni propiskaga kiritmagan. Qizlik uyimdagi propiskada qolganman. 2024 yil 10 aprelda tug'ilgan Xamraeva Umayra Sharofiddinovna ismli bir nafar qiz farzandimiz bor. Afsuski bizdan yashirishgan ko'p haqiqatlarni to'yimizdan keyin bildim. To'yimizdan bir qancha vaqt o'tib erimni aslida avvaldan zararli odatlaridan bo'lgan ichib, chekish, ba'zida giyohvandlik moddasi qabul qilishlarini, avval qo'shmanchilikda sudlanganlari   bilib qoldim. Bu payt hamma gapni o'zlari aytar,  arzimagan narsaga meni uydan haydab chiqarmoqchi bo'lib xo'rlar, tahdid ham qilar edi. Ertasi kuni mastliklari tarqagandan keyin hech narsani eslolmas edi.  Bundan qattiq qo'rqar edim, lekin borar joyim yo'qligi, yaqinlarim, o'zimni sha'nimni o'ylab ham ketolmasdim, qaynonam ezgilab, meni yaqinlarimni mensimay, ular kelishganda dilxiralik qilardi, uyda bo'lishib uyga kiritishmagan holatlar ham bo'lgan, qaynonam menga yoki eringni yoki qizlik uyingdagilarni tanlaysan deb shart ham qo'yib, erimni menga qarshi qilishib, erim ikkimizni oramizga sovuqchilik tushirardi.
2024 yil yozda kelinlik uyim buziladigan bo'lib Mirzo Ulug'bek tumani hokimiyati tomonidan uy va har bir kishi boshi uchun pul berildi. Bizga ajratilgan pulga erim o'zlari, men va farzandimiz bilan birga yashashimiz uchun Do'rmondan "karobka" holatidagi hovli oldi. Hovlimizni ta'mirlash ishlari tugaguncha 2024 yil iyun oyidan vaqtincha Qibray tumani Zebunuso 5 mahallasida kvartirada erim, men va qizimiz bilan birga  yashadik. 2024 yil 30 avgust kuni erim mast holatda kirib keldi va birga gaplashib o'tirgan paytimiz 4 oylik qizim qattiq yig'lab qolgani uchun birdan bola tomon yugurdim va erim men gapirayotgan payt faqat meni eshitishing, bolagayam qarashing kerak emas deb arzimagan narsaga janjal chiqardi. Qo'rquvdan va bu holatlarida gaplashib bo'lmasligini bilib ham tinchlantirmoqchi bo'ldim. Оrada uyidagilari bilan telefonda gaplashib yarim kechasi narsalarimni yig'ishtirdi.Vaziyatni yumshatmoqchi bo'lib ertasi kuni tinch holatlarida gaplashishimizni, arzirli sabab yo'qligini aytsam ham menga bola ham  kerak emas javobingni beraman dedi. Qizim isitmayaloyatgani uchun hech bo'lmasa vaqtincha yashab turishimizni iltimos qildim. Ertasiga qizim yana isitmalab, opam bilan birga doktorga olib borib, dori-darmon qilib kelgunimizcha eshik qulfini almashtirib, bizni uyga kiritmadi. Oxiri katta opam uylariga olib ketdi. Shu bilan 17 oktabr kuni erim menga nima bo'lganini eslay olmayotganlarini aytib kechirim so'radi. Yomon odatlarini tashashlarini iltimos qilib oilamizni saqlab qolishga imkon berdim lekin erim hozircha bizni olib keta olmasliklarini, qaynonam o'zlariga kelishlarini kutishni aytdi. Ammo erim va erim tomondagilardan oilamizni saqlab qolish uchun hech kim harakat ham qilmadi,
nabiralaridan ham xabar olishmadi.

2024 yil dekabr oyidan boshlab bolam bilan boradigan joyimiz yo'qligi,  uy-joyga majburiy tartibda kiritish masalasi bo'yicha juda ko'p davlat tashkilotlariga murojaat qilib, yosh bolam bilan sarson bo'ldim, birortasi meni masalamni ijobiy hal qilishmadi. Avvaliga Xotin-qizlar bo'limiga u yerdan Toshkent viloyati Chirchiq Fuqarolik Sudiga murojaat qilganimda ular Toshkent shahri Mirzo Ulug'bek tumani hokimligi Oila va Xotin- qizlar bo'limiga, so'ng ular ham hal qila olishmagandan keyin Toshkent shahri Mirzo Ulug'bek tumani hokimiga, kelin bo'lib tushgan va erim ro'yxatda turgan MFYga, bundan ham ijobiy natija ololmaganimdan keyin aprel oyida Mirzo Ulug'bek tumani Fuqarolik sudiga murojaat qildim. 10 oy umrim yosh bolam bilan sarsongarchilikda turli davlat tashkilotlari eshigida o'tdi.
Afsuski, Toshkent shahar Mirzo Ulug'bek tumani Fuqarolik sudi ham men bilan bolamni haq-huquqlarimizni himoya qila olmadi.  Men kelin bo'lib tushgan uy buzilgan. Erim bizga ajratilgan uyni qaynonamni nomiga olgan ekan. Va birga yashayotgan paytimiz erim, men va farzandimiz birga yashamoqchi bo'lib olganliklarini sudda tan oldi, buni tasdiqlagan gaplarini yozdirib ham olganman. Lekin hamma uy, men bilan bolamni majburiy tartibda kiritilishini so'ragan uy ham qaynonamni nomida bo'lgani uchun, erim men bilan ajrashmoqchi bo'lgani uchun qaynonam va erim men bilan bolamni uyga kiritmasliklarini aytdi.
Hech bo'lmaganda erim bilan yashayotgan davrimizda olingan uydan men bilan bolamni haqqini berib, yordam berishlarini, boradigan joyimiz yo'qligi, bola bilan sarson ekanligimizni aytib, so'rasam ham yordam bermasliklari, bolam bilan qayerga borishim meni muammoyim ekanini aytdi.
2024 yil iyun oyida ham yonimga kechirim so'rab, oilamizni tiklab qolmoqchiman deb keldi va men farzandimiz uchun hammasiga ko'z yumib yana imkon berdim. Bir qancha vaqtdan keyin yana ajrashmoqchiliklarini aytib, bolam ikkimizni uy- joyga kiritilmasligimiz, haqqimizni ololmasligimiz uchun menga asossiz ayb, tuxmatlar, tahdidlar qilib, ma'suliyatdan qochib, meni nohaq ayblab, o'zlarini oqlab qolmoqchi bo'layabdi.
Men va qizimni, hayotimizni o'yin qilishmoqda.
6 oy ichida chaqalog'i bilan ko'chada qolgan ayol, emizikli bolasini kimga, qayerga qoldirishni bilmasa o'z-o'zidan uy-joyli, mablag'li bo'lib yo'lini topib keta oladimi?
Bu men va men kabi ko'plab ayollarni og'riqli nuqtasi bo'lib qolmoqda, albatta adolat qaror topadi, ayol va bola haq- huquqlari himoya qilinadi”.
Аёл нега ёш боласи билан кўчада сарсон юриши керак?
Аёлни ким ҳимоя қилади?
Қачонгача аёлларимиз болалари билан эр уйига сиғмайдиган бўлиб қолди?
Аёл боласи билан қаерга борсин энди?
Аёлни таҳдиду тазйиқлардан ким қутқаради?
Мутасаддилардан жавоб кутамиз!

Хонбиби Ҳиммат қизи, Hurflkr. uz сайти мухбири

https://t.iss.one/Hurfikruznews

Путин мигрантлар учун янги турдаги божлар жорий қилди — ОАВ

Россия президент Владимир Путин бугун 2025 йилнинг сентябр ойидан бошлаб Россиядаги мигрантлар учун янги давлат божлари жорий этилиши, илгари амалда бўлган божлар қиймати эса оширилиши тўғрисидаги қонунни имзолади.

Мазкур қонунга кўра, 1 сентябрдан бошлаб, чет эл фуқароларини яшаш жойи бўйича ҳисобга қўйиш учун 500 рубл (6 доллар), вақтинча бўлиш муддатини узайтириш учун 1 минг рубл (12 доллар) миқдорида бож жорий этилади.

Шунингдек, патент бериш ёки уни қайта расмийлаштириш учун 4,2 минг рубл (50 доллар) миқдорида бож амал қила бошлайди. Ишлаш учун рухсатноманинг амал қилиш муддатини узайтириш учун мигрантлар 4,2 минг рубл (50 доллар), унинг дубликатини бериш ёки рухсатномага тузатишлар киритиш учун эса 2,1 минг рубл (25 доллар) тўлаши керак бўлади.

https://t.iss.one/Hurfikruznews

Бакалаврда 4 йил ўқийсан! Қўлингда давлат берган дипломинг бор.

Лекин вақтлар ўтиб, Сертификат деган бало чиқади. Қўлингда дипломинг бўлсада, Сертификат йўқлиги учун ишдан бўшатишади.

Майли, ишдан бўшатсин, лекин нега айнан Инглиз тили? Бошқа фанларда ҳам сертификат борку?!

Нега бошқа фан ўқитувчиларидан сертификат талаб қилинмайди? Фақат инглиз тили?)))

4 йил ўқитиб ўзи берган дипломини ўзи тан олмайди! Раз билими бўлмаса, 1-курсда четлатвориш керак эди!

Мантиқ йўқ!

Малака сертификатини бакалаврни битираётганида олсин ва шунга кўра диплом берилсин. Диплом бериб бўлгач, унга ишончсизлик билдириш қонунан тўғри эмас.

https://t.iss.one/Hurfikruznews

Мингоёқнинг личинкалари катта бўлиши учун онасини еб битирар экан. Буни қарангки, биз одам болалари ҳам шу қуртлардан фарқ қилмаган ҳолатда катта бўлганимизча ота-онамизни еб битирар эканмиз. Баъзида катта бўлганимиздан кейин ҳам ейишда давом этар эканмиз...

https://t.iss.one/Hurfikruznews

Кетга тепувчилар

Эски бир ҳикоя, лекин айтиб берадиган жойи чиқиб қолди. Бир бозорда бозорқум бўлган экан, шу бозорқум бир куни бозорга киришни пуллик қилиб қўйибди. Олдинига одамлар норози бўлади, бозорга ҳеч ким келмай қолади деб қўрққан экан.

Лекин қараса ҳаммаси жойида, ҳеч ким норозилик билдирмабди, бир-икки одам сал-пал норози бўлгандай бўлибди, лекин ҳамма яна ўша ҳолидай бозорга келаверибди.

Ҳалиги бозорқумнинг ақлига яна бир ғоя келибди, ҳа, энди мансаб тегди, мендан нима кетди деб “энди ҳар бир бозорга кирадиган одамдан олдин пулини олиб кейин кетидан битта тепилсин” деган қарор чиқарибди.

Қараса, яна одамлар тинчгина келиб кетаётган эмиш, ҳеч ким норози бўлмас эмиш, бир-иккитаси сал-пал гапирибди, аммо бир неча ойда ҳаммаси изга тушиб кетибди.

Орадан сал вақт ўтиб ҳалиги бозорқумнинг ўзи ҳайрон бўлибди, нима қилсам бу бозорга келадиган халқ мени қароримга қарши бўлади, нима қилсам, ҳақиқий норозилигини кўрсатади деб ўйлабди ва “энди ким бозорга келса, олдин пул тўлайди, кейин кетидан уч марта тепиб бозорга киради” деб қарор чиқарибди.

Орадан бир-икки кун ўтгач бозор эшиги олдида ғала ғовур, ур-йиқит бошланибди. Бозорқум ҳам “ана бошланди, ҳа, буларда ҳам тил бор экан, норози бўлар экан” деб бозор дарвозасига югуриб борибди.

Борса, ҳалиги одамлар кетга тепувчиларни кўпайтириб қўйинглар, навбат кутиб қоляпмиз деб жанжал қилаётган экан.

——-

Ўзбекистон сенаторлари 90 кун ёки ундан ортиқ муддат чет элда бўлиб қайтган ўзбекистонликлар ва ишлашга келган хорижликларни ОИВга мажбурий тиббий кўрикдан ўтказиш кўзда тутилган қонунни маъқуллаб, имзолаш учун президентга юборди.

P.S. Бир илтимос, кетга тепувчиларни ҳам тайёрлаб қўявериш ҳақида бир ўйлаб кўринглар, барибир шунга келамиз-ку. Бирдан кетга тепувчиларни тайёрлаш бўйича бир университет ҳам очинглар, олий маълумотли кетга тепувчилар бўлса, яхши-да, чет элликлар олдида шарманда бўлмаймиз.

Бектош Хатамов

https://t.iss.one/Hurfikruznews

"Кўз учун кўз"  ақидаси бутун дунёни кўрга айлантиради.

Маҳамат Ганди

https://t.iss.one/Hurfikruznews