Ixtisoslashtirilgan maktablar imtihonidan o'ta olmagan o'quvchilar nima qilishi kerak?!

Och sher kiyikni quvmoqda. Kiyik jon saqlash uchun qochmoqda. Qaysi biri harakatdan to'xtasa, o'sha MAG'LUBDIR.

Avvalo o'quvchilardan hech qachon mag'lub bo'lmaslikni, harakatdan to'xtamaslikni so'rab qolamiz. Ular imtihonga tayyorlanish uchun o'rgangan qimmatli bilimlaridan oqilona foydalanishi lozim.

✅ Agar Siz Namangan, Qashqadaryo, Navoiy, Surxondaryo va Toshkent viloyatidan bo'lsangiz, tayyorgarlikni keyingi yilga ochiladigan Al-Xorazmiy maktablari uchun davom ettiring. Ushbu hududlarda hali Al-Xorazmiy maktablari filiallari ochilmagan bo'lib, keyingi yillarda ochilishi va barcha sinflarni qabul qilishi kutiladi.

✅ Agar siz tabiiy fanlarga qiziqsangiz Agentlik tizimidagi 6-sinfni tamomlagan o'quvchilarni qabul qiladigan Ixtisoslashgan maktablar yoki Ibn Sino maktabiga tayyorlaning. Bu maktablarda ingliz tili va tabiiy (science) fanlaridan imtihon bo'ladi. Yoki Matematika va ingliz tilini davom ettirib 6-sinfni tamomlagan o'quvchilarni qabul qiladigan Mirzo Ulug'bek maktabiga tayyorlaning.

✅ Matematika olimpiadalariga tayyorlaning. Maktab, tuman, viloyat, Respublika va xalqaro darajadagi olimpiadalarning oldingi yillardagi savollarini o'rganib bilimlaringizni mustahkamlab boring. Balki aynan siz Matematika xalqaro olimpiadasida hali hech bir o'zbek bolasi qo'lga kirita olmagan oltin medalni olarsiz. Balki, o'sha 1 mlrd 30 mln so'm yutuqni ota-onangizga taqdim etarsiz.

‼️Eng muhimi shuni bilingki, maktab bu oliy ta'limga yo'l, bu aynan prezident yoki al-Xorazmiy bo'lishi shart emas.

✅ Oliy ta'limga hozirdan tayyorlaning. Buning uchun ingliz tili darajasini har yili kamida bir pog'ona oshirib borishni rejalashtiring. 8-sinfgacha IELTS, CEFR yoki TOEFL til sertifikatlari birini yoki bir nechtasini olishga harakat qiling. Matematikani chuqurroq o'rganib, bir sinf oldinda yuring, A-level, SAT yoki Milliy sertifikatlarni olib maktabni bitirmasdan oldin Universitetlarni naqd qilib oling.

✅ Agar dunyodagi eng zo'r Universitetlarga kirmoqchi bo'lsangiz 8-sinfgacha kuchli tayyorgarlik ko'ring va Al-Beruniy (Garvardchilar) maktabiga imtihon topshiring.

O'quvchilar hammasi endi boshlanyapti, Sizlardan umidimiz katta. Mag'lub bo'lish bizga emas, biz to'xtamaymiz...

👉👉 t.iss.one/pmtests