#Matbuot_anjumani

✅Prezident ta'lim muassasalari agentligi tomonidan "Prezident ta'lim muassasalari agentligi tizimidagi maktablarga 2022-2023-o'quv yili uchun qabul” mavzusida matbuot anjumani tashkil etildi.

Matbuot anjumanida Agentlik direktori Hilola Umarova, direktorning birinchi o'rinbosari Dilshod Kenjayev, direktor o'rinbosari Alisher Ubbiyev va yo'nalishlar bo'yicha mutaxassislar ishtirok etishdi.

Tadbirda:
▶️Prezident, ijod va Agentlik tizimida yangi tashkil etilgan ixtisoslashtirilgan maktablarga qabul jarayonlari,
▶️Prezident maktablari metodikasi asosida maxsus tayyorlangan ta'lim dasturlarining yangi tashkil etilgan ixtisoslashtirilgan maktablarga tatbiq etilishi,
▶️Mazkur ixtisoslashtirilgan maktablarga pedagog-kadrlarning tanlov asosida qabul qilinishi kabi mavzularda so'z bordi.

❗️Matbuot anjumani YouTube orqali to'g'ridan-to'g'ri jonli efirda namoyish etildi va jurnalistlar hamda ijtimoiy tarmoqlar orqali kelib tushgan savollarga javob berildi.

👉Batafsil saytimizda o'qing.

#Matbuot_anjumani

⚡️Bugun Prezident ta'lim muassasalari agentligi tomonidan Agentlik tizimida yangi tashkil etilgan ixtisoslashtirilgan maktablarga qabul imtihonlari yakuni yuzasidan matbuot anjumani bo'lib o'tdi.

✔️ Matbuot anjumanida Agentlik va Xalq ta'limi vazirligi mas'ullari ishtirok etishdi.

Unda imtihon jarayonlari qanday tashkil etilganligi yangi o'quv yiliga ko'rilayotgan tayyorgarlik jarayonlari xususida soʻz yuritildi.

📌Bundan tashqari, Agentlikka o‘tkazilishi belgilangan 14 ta maktabning ayrim binolari Agentlik tizimiga o‘tkazilib, qolgan binolarida umumtaʼlim maktablari sifatida o‘z faoliyatini davom ettirishi, bunda 3 789 nafar o‘qituvchidan 725 nafarining (19,1 foiz) ish joylari saqlanib qolishi ma’lum qilindi.

Qolgan 5 277 nafar boshlang‘ich va 33 994 nafar yuqori sinf o‘quvchilari Agentlik tizimiga o‘tkazilgan 99 ta maktabda taʼlim olishni davom ettiradi.

❗️Bunda o‘quvchilarning kirish imtihonidan muvaffaqiyatli o’tganlari mazkur maktablarning ixtisoslashtirilgan sinflarda tahsil olishadi.

Kirish imtihonidan o’ta olmaganlari esa shu maktablarning umumta'lim sinflarida o’qishni davom ettiradi.

🔗 Ushbu havola orqali matbuot anjumanini koʻrishingiz mumkin.

#matbuot_anjumani

“Yangi O‘zbekiston” universitetiga 2024/2025 o‘quv yili uchun o‘qishga hujjatlar qabuli joriy yilning yanvar oyidan boshlanib, iyul oyiga qadar davom etishi belgilandi

Bu haqda AOKAda Ixtisoslashtirilgan ta’lim muassasalari agentligi, "Yangi O‘zbekiston" universiteti rahbariyati ishtirokida o‘tkazilgan matbuot anjumanida ma’lumot berildi:

Qabul shartlariga ko‘ra o‘qishga ariza topshiruvchi talabgorlardan ingliz tilini eng kamida V2 darajada bilishni tasdiqlovchi sertifikatga ega bo‘lishi talab etiladi. Bunda talabgorlar IELTS 5.5, CEFR B2 va TOEFL iBT 46 kabi minimum natijalarga ega bo‘lishi kerak.

Ingliz tilini bilish darajasini tasdiqlovchi sertifikati bo‘lmagan abituriyentlarning ham arizalari qabul qilinadi. Ammo ular 26-avgustga qadar talab etilgan minimum darajaga ega ekanliklarini tasdiqlovchi sertifikatni qabul bo‘limiga taqdim etishlari kerak bo‘ladi.

Akademik litsey, kollej va maktablarning oxirgi sinf o‘quvchilari ham hozirdan o‘qishga ariza topshirishlari mumkin va ulardan 26-avgustga qadar bitiruv attestatini qabul bo‘limiga topshirishlari talab etiladi.

O‘qishga arizalar Kimyo va materialshunoslik muhandisligi, Mexanika muhandisligi, Dasturiy ta’minot muhandisligi, Kibr xavfsizlik, Sun’iy intellekt va robototexnika, Amaliy matematika, Iqtisodiyot va ma’lumotlar tahlili, Pedagogika va Sanoat boshqaruvi kabi 9 ta ta’lim yo‘nalishining bakalavriat bosqichiga qabul qilinadi.

Universitetda qabul imtihonlarida yuqori natija qayd etgan talabgorlarga turli miqdordagi bir yillik grantlar ajratiladi.

Batafsil

Telegram | Facebook | Instagram | YouTube