🌳 Endi daraxtlarga ham pullik obuna bo’lish mumkin — Reddit'ning sobiq bosh direktori shunday startapga asos soldi. Sem Altman uning birinchi investorlaridan biri bo’ldi.

Oyiga 25 dollar evaziga ular Gavayada siz uchun ko’chat ekib, u o’sayotgan vaqtida muntazam ravishda foto-hisobot jo’natib turishadi. Keyin ushbu suratlardan misol uchun, chiroyli taymlaps yig’ish mumkin.

Bu ketishda ishqilib, kislorod uchun ham obunani chiqarishmasa bo’ldi :)

📟 DigiTech

🧠 SI inson kabi fikrlashni o'rgandi. Polshaning Pathway startapi modelini tirik miyaning nusxasiga aylantirishdi.

Modelning o’zi neyronlar klasterlarini hosil qilib, fikrlash jarayonida odamlar kabi ular orasidagi aloqalarni mustahkamlamoqda. Shuningdek, u o’rganilgan ma'lumotlarni shunchaki takrorlamasdan, tahlil qilib, xulosalar chiqarmoqda.

📟 DigiTech

🧠 Neuralink bemori aqli bilan robot qo’lni qanday boshqarayotganini ko’rsatdi, bu unga ko’p yillardan so’ng birinchi bor obyektlarni mustaqil ravishda olish imkonini berdi.

Nik Rey amyotrofik lateral sklerozdan aziyat chekmoqda, neyrochip esa unga 2025-yil iyul oyida implantatsiya qilingan. Hozirda u mexanik qo’lga shunchalik o’rganib qolganidan, suhbat chog'ida u bilan ishora qila boshladi.

«Ko’p yillar davomida birinchi bor shlyapani o’zim kiydim, mikroto’lqinli pechda bir nechta taomlarni isitdim va ovqatlandim. Muzlatgich va gazlangan suv idishlarini ochishni o’rgandim. Hatto aravachani biroz boshqarishga muvaffaq bo’ldim!» — deydi Nik.

Neuralink yordamida fikr kuchidan foydalangan holda kompyuter o’yinlarini o‘ynash ham mumkin, 2026-yilda esa kompaniya ko’rish qobiliyatini tiklovchi chipni sinovdan o’tkazishni rejalashtirmoqda.

📟 DigiTech

⚡️O’zbekistonda 2141 nafar mansabdor shaxs sun’iy intellektga almashtiriladi — farmon allaqachon Prezident tomonidan imzolangan.

Farmon 1-noyabrdan kuchga kiradi va ishdan bo‘shatishlar bir vaqtning o’zida bir nechta vazirliklarga to’g’ri keladi. Ularning 1863 tasi byudjet shtat birliklari, 278 tasi esa byudjetdan tashqari jamg’armalar bilan bog’liq bo‘lgan shtat lavozimlaridir.

Eng katta qisqartirishlar Soliq qo’mitasiga to’g’ri kelmoqda (486 ta o’rin), Suv xo’jaligi vazirligida (224 ta o’rin), Qishloq xo’jaligi vazirligida (200 ta o’rin), Bandlik vazirligida (163 ta o’rin) qisqartiriladi.

📟 DigiTech

⚡️Amerikalik ayol ChatGPT va Perplexity yordamida sudda g’alaba qozondi. Chatbotlar unga kamida 73 000 dollar tejab qolishga yordam berishdi.

Linn Uayt treyler parkida ijara to’lovini kechiktirgan. Garchi Los-Anjeles qonunlari bo’yicha 12 oylik imtiyozli davrga ruxsat bor bo’lsa-da, mahalliy advokat ishni yutqazgan.

Shundan so’ng Linn apellyatsiya berishga qaror qildi va maslahat uchun neyron tarmoqlarga murojaat qildi. U barcha hujjatlarni ChatGPT'ga yukladi va bot ishni qayta ko’rib chiqish uchun protsessual xatolarni aniqlashga yordam berdi. Qo’shimchasiga Perplexity Pro'ni ham ulab, himoyasini mustahkamlash uchun zarur qonunlarni o’rgandi.

Oxir-oqibat, sud uning tarafini oldi. Linn 55 000 dollar jarima va 18 000 dollar qarzdorlik to’lovidan ozod etilib, ko’chish to’g’risidagi bildirishnomani bekor qilishga muvaffaq bo’ldi.

📟 DigiTech

🎥 «G’alati narsalar» serialining beshinchi fasli har biri 90-120 daqiqadan davom etadigan va har birining byudjeti 60 million dollargacha bo’lgan sakkizta to’liq metrajli filmlardir.

• Ijodkorlar mavsumni «bittada sakkizta blokbasterlar» deb atashmoqda — bunaqasi hali televideniyada bo’lmagan.
• Syujet yo’qolgan Veknani qidirishga qaratilgan bo’ladi.
• Har bir epizod byudjeti 60 million dollargacha boradi — solishtirish uchun eng mashhur seriallardan biri «Taxtlar o’yini»ning har bir epizod uchun byudjeti faqat 15 million dollarni tashkil qilgan.

Popkornlarni tayyorlang, premyera — 27 noyabrda.

📟 DigiTech

⚡️Nanozarrachalarga asoslangan yangi saraton vaksinasi sinovlari muvaffaqiyatli o’tdi: u 88% hollarda sichqonlarni saratonning ko’p shakllaridan himoya qildi.

Preparat tanani zararli o’simtalarga qarshi kurashishga va hatto metastazlardan himoya qilishga o’rgatadi. Sinov jarayonida sichqonlar saraton kasalligiga uzoq muddatli immunitetga ega bo’lishdi.

Endi olimlar preparatni yanada yaxshilab, odamlarda sinab ko’rishga tayyorlanishmoqda.

📟 DigiTech