Тошкент шаҳри ва Фарғона вилоятида акциз маркасиз тамаки маҳсулотларини муомалага киритилишининг олди олинди

Бош прокуратура ҳузуридаги Департаментнинг Бектемир туман бўлими ва ИИБ ходимлари ҳамкорлигида ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган У.Х ва бошқалар умумий баҳоси 104,9 млн сўм бўлган 2 турдаги хорижда ишлаб чиқарилган жами 6 970 қути акциз маркасиз тамаки маҳсулотларини Тошкент шаҳрида сотиш мақсадида олиб келган вақтида ашёвий далиллар билан ушланган.

Шу каби, Департаментнинг Қувасой шаҳар бўлими, ДХХнинг чегара қўшинлари ва ИИБ ходимлари ҳамкорлигида ўтказилган тезкор тадбирда қонунга хилоф равишда тамаки маҳсулотлари савдоси билан шуғулланиб келган фуқаро Т.М. ўз уйида умумий баҳоси 101,3 млн сўмлик тегишли ҳужжатлари бўлмаган хорижда ишлаб чиқарилган 7 500 қути акциз маркасиз тамаки маҳсулотларини сотиш мақсадида сақлаб келганлиги аниқланиб, ушбу тамаки маҳсулотлари ашёвий далил сифатида олинган.

Мазкур ҳолатлар юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Юридик институтга давлат гранти асосида ўқишга киритиб қўйишни ваъда қилган фирибгар ушланди

Бош прокуратура ҳузуридаги Департаментнинг Олмалиқ шаҳар бўлими, ДХХ ва ИИБ ходимлари ҳамкорлигида “Корзинка” савдо мажмуаси автотураргоҳида ўтказилган тезкор тадбирда фуқаро З.Ю. (муқаддам фирибгарлик жинояти учун судланган) фуқаро С.Х.нинг ишончига кириб, уни танишлари ёрдамида қўшни Қирғиз Республикаси Ўш шаҳридаги Юридик институтга давлат гранти асосида ўқишга киритиб қўйиши эвазига 5 000 АҚШ долларини олган вақтида ашёвий далиллар билан ушланган.

Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Ахборот 24 | Қорақалпоғистон Республикасида яширин иқтисодиётга қарши курашиш бўйича профилактик тадбирлар

👉@Department_uz

Шаҳрисабзда 9 500 қути акциз маркасиз тамаки маҳсулотлари ашёвий далил сифатида олинди

Бош прокуратура ҳузуридаги Департаментнинг Қашқадарё вилоят бошқармаси, божхона ва ИИБ ходимлари ҳамкорлигида ўтказилган тезкор тадбирда Шаҳрисабз шаҳри "Сариосиё" МФЙ да жойлашган қурилиши тугалланмаган бино ҳовлисида турган “Isuzu” русумли автомашина юк хонаси кўздан кечирилганида фуқаро Б.А. умумий баҳоси 168,5 млн сўмлик 6 турдаги жами 9 500 қути акциз маркасиз тамаки маҳсулотларини келгусида вилоят бўйлаб ўтказиш мақсадида сақлаб келаётганлиги аниқланиб, ушбу маҳсулотлар ашёвий далил сифатида олинган.

Мазкур ҳолат юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят иши қўзғатилиб, тергов ҳаракатлари ўтказилмоқда.

👉@Department_uz

Хоразм ва Жиззах вилоятларида ҳайдовчилик гувоҳномаларини олиб беришни ваъда қилган фирибгарлар ушланди

Бош прокуратура ҳузуридаги Департаментнинг Боғот туман бўлими ва ДХХ ходимлари ҳамкорлигида ўтказилган тезкор тадбирда фуқаро Х.Б. 5 нафар фуқарога гўёки вилоят ЙҲХБда ишловчи танишлари ёрдамида ҳайдовчилик гувоҳномаларини олиб бериши эвазига фуқаро С.М.дан 2 400 АҚШ доллари ва 1,2 млн сўм пулларни олган вақтида ашёвий далиллар билан ушланган.

Шу каби, Департаментнинг Дўстлик туман бўлими ва ДХХ ходимлари ҳамкорлигида ўтказилган тезкор тадбирда фуқаро С.Ж. фуқаро Ф.Б.га ўзини Жиззах шаҳридаги “Д.Ш.” МЧЖ автомактаби инструктори деб таништириб, унга “В.С.” тоифадаги ҳайдовчилик гувоҳномасини олиб бериши эвазига 1 700 АҚШ доллари олган вақтида ашёвий далиллар билан ушланган.

Мазкур ҳолатлар юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Тамаки маҳсулотлари савдоси билан шуғулланиб келган шахслар ушланди

Бош прокуратура ҳузуридаги Департаментнинг Тошкент шаҳар бошқармаси ва Олмазор туман бўлими ходимлари томонидан ўтказилган тезкор тадбирда, қонунга хилоф равишда тамаки маҳсулотлари савдоси билан шуғулланиб келган фуқаролар А.С., С.М. ва З.Ш. фуқаролар М.Ш ва Б.Х.га хорижда ишлаб чиқарилган умумий баҳоси 319,1 млн сўмлик жами 10 000 қути “Esse Change” номли акциз маркасиз тамаки маҳсулотини сотган вақтларида ашёвий далиллар билан ушланган.

Шу каби, Департаментнинг Асака туман бўлими, ИИБ ва солиқ инспекцияси ходимлари ҳамкорлигида ўтказилган тезкор тадбирда ўз уйида қонунга хилоф равишда тамаки маҳсулотлари савдоси билан шуғулланиб келган Б.Қ. харидор Н.Д.га акциз маркасиз тамаки маҳсулотини сотаётган вақтида ушланиб, келгусида сотиш мақсадида сақлаб қўйилган турли номдаги жами 4 460 қути тамаки маҳсулотлари ашёвий далил сифатида олинган.

Худди шундай, Департаментнинг Тошкент вилоят бошқармаси томонидан ўтказилган тезкор тадбирда фуқаролар А.И. ва И.А. хорижда ишлаб чиқарилган 2 500 дона электрон тамаки маҳсулотини фуқаро А.С.га 52 млн сўмга сотган вақтларида ушланиб, И.А.нинг бошқарувидаги автомашинадан яна 3 200 дона электрон тамаки ва 290 қути “Parlament super slim” номли акциз маркасиз тамаки маҳсулотлари ашёвий далил сифатида олинган.

Департаментнинг Наманган туман бўлими томонидан ўтказилган тезкор тадбирда эса “H.Z.” МЧЖ сотувчиси И.С. харидорга “Ignite” номли электрон тамаки маҳсулотини сотган вақтида ушланиб, 21 турдаги хорижда ишлаб чиқарилган 458 қути тамаки маҳсулотлари ашёвий далил сифатида олинган.

Мазкур ҳолатлар юзасидан Жиноят кодексининг 186-1-моддаси (этил спирти, алкоголли маҳсулот ва тамаки маҳсулотини қонунга хилоф равишда ишлаб чиқариш ёки муомалага киритиш) билан жиноят ишлари қўзғатилиб, тергов ҳаракатлари ўтказилмоқда.

👉@Department_uz

Махсус репортаж|Бухоро вилоятида яширин иқтисодиётга қарши курашиш бўйича профилактик тадбирлар

👉@Department_uz