🇺🇿🇺🇿🇺🇿🇺🇿🇺🇿

Talabalarning Davlat kadastrlari palatasidagi navbatdagi o‘quv seminari

🌟Bugun, Davlat kadastrlari palatasida O‘zbekiston Milliy universitetining “Geografiya va geoaxborot tizimlari” fakulteti Kartografiya kafedrasining “Geodeziya, kartografiya va kadastr” yo‘nalishi bitiruvchi talabalari uchun navbatdagi o‘quv seminari tashkil etildi.

➖ Navbatdagi dars jarayonlari "O‘zboshimchalik bilan egallab olingan yer uchastkalariga hamda ularda qurilgan binolar va inshootlarga bo‘lgan huquqlarni e’tirof etish to‘g‘risida"gi qonun mazmun-mohiyatiga bag'ishlandi.

◼️Seminarda palata mutasaddilari ishtirok etib, talabalarga soha bo‘yicha zarur bilimlarni taqdim etishga alohida e’tibor qaratdilar. Bu kabi o‘quv darslari doimiy ravishda tashkil etilib, bo'lajak mutaxassislarning amaliy bilimlarini oshirishga, ularning kasbiy ko‘nikmalarini rivojlantirishga xizmat qilmoqda.

#DavKadastrPalata #o_quv_darslari

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

DKPda "Men donorman" aksiyasi

🌟 Bugun, Davlat kadastrlari palatasi markaziy apparatida respublikamiz bo'ylab o'tkazilayotgan “Qon donorligi haftaligi” doirasida Sog‘liqni saqlash bosh boshqarmasi “Qon preparatlari” ilmiy ishlab-chiqarish korxonasi ishtirokida qon topshirish xayriya aksiyasi bo'lib o'tdi.

🩸 Ushbu aksiyada palataning bir qancha ko'ngilli xodimlari qatnashib, beg'araz donorlik harakatlarida o'z faolliklarini namoyish etdilar va shu orqali qonga muhtoj bo'lgan insonlar hayotini saqlab qolishda o'z hissalarini qo'shdilar.

🤝 Zero, qon topshirilishi nafaqat insonning o‘ziga foydali, balki buning ortidan bir necha xayotlar saqlanib qolinib, donorga ehtiyoji bor insonlar salomatligini tiklashlarida katta yordam bo‘lishi mumkin.

#DavKadastrPalata #qon_donorligi

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

Noqulay ob-havoga qaramay xatlov ishlari jadallik bilan davom etmoqda

🌟Xabaringiz bor, Davlat kadastrlari palatasi mutaxassislari respublikamiz bo'ylab Kadastr agentligi tomonidan tasdiqlangan reja-jadval asosida xatlov jarayonlarini olib bormoqdalar. Bu ishlar mahallalardagi ko'chmas mulklarni texnik inventarizatsiyadan o'tkazish va to'liq ro'yxatga olishni o'z ichiga oladi.

🌨 Noqulay ob-havo sharoitlariga va sovuq kunlarga qaramay, hamkasblarimiz har kuni o'z vazifalarini sidqidildan bajarmoqdalar. Har bir hududdagi ishlar belgilangan tartibda va tez sur'atlar bilan o'z vaqtida bajarilishi ta'minlanmoqda.

▫️Jizzax viloyati
▫️Farg'ona viloyati
▫️Navoiy viloyati
▫️Surxondaryo viloyati
▫️Qashqadaryo viloyati
▫️Namangan viloyati
▫️Toshkent viloyati

#DavKadastrPalata #xatlov2024

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

DKPda diktantlar tanlovi

⚡️ Bugun, Davlat kadastrlari palatasida ma'naviy-ma'rifiy ishlar samaradorligini oshirish va davlat tili to‘g‘risidagi qonun hujjatlariga rioya etilishini ta'minlash maqsadida xodimlar o'rtasida diktant yozish boyicha tanlov o'tkazildi.

📝 "Davlat tilida to‘g‘ri va chiroyli yozamiz!" shiori ostida o'tkazilgan mazkur tanlovda Markaziy apparat xodimlari faol ishtirok etib, o'z bilimlarini mustahkamladilar.

✍️ Tanlov natijalar haqida yana batafsil ma'lumot beriladi.

#DavKadastrPalata #tanlov

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter

🇺🇿🇺🇿🇺🇿🇺🇿🇺🇿

🇺🇿Bugun Prezident Shavkat Mirziyoyev raisligida tadbirkorlikni har tomonlama qo‘llab-quvvatlash bo‘yicha joriy yil yakunlari va 2025-yilga asosiy rejalar yuzasidan videoselektor yig‘ilishi hamda yetakchi tadbirkorlar bilan muloqot bo'lib o'tdi.

✔️ Tadbirkorlarni qo‘llab-quvvatlash bo‘yicha jamoatchilik kengashi aʼzolari davlat va tadbirkorlar o‘rtasida ko‘prik bo‘lib, aniq takliflarni o‘rtaga qo‘yib kelayotgani alohida taʼkidlandi. Natijada joriy yilning o‘zida tadbirkorlar faoliyati uchun g‘oyat muhim ahamiyatga ega bo‘lgan 5 ta qonun, 101 ta farmon va qarorlar qabul qilindi.

✔️ So‘nggi yillarda iqtisodiyotimizda pul ko‘paygani, investitsiya loyihalarini barqaror moliyalashtirishning mustahkam asosi yaratilgani taʼkidlandi.

✔️Biznes uchun yo‘l, suv, elektr, gaz, temir yo‘l kabi infratuzilma obyektlarini yaxshilashga bu yil 35 trillion so‘m yo‘naltirildi. Kelgusi yil yana 43 trillion so‘m ajratish rejalashtirilgan.

✔️ Savdoni rivojlantirish bo‘yicha alohida kompaniya ochilib, eksportni moliyalashtirish uchun 350 million dollar ajratildi. Natijada berilgan har 1 dollar hisobiga tadbirkorlar 6 dollarlik eksport qildi. Kelgusi yilda bunga yana 300 million dollar berilishi belgilandi.

✔️ Tadbirkorlar bu yilda 11,5 trillion so‘mlik 3 mingta davlat mulki va 4 ming gektar yerni sotib olib, biznesini boshladi. Kelayotgan yilda yana 4,5 mingta bino va 6 ming gektar yer tadbirkorlarga taklif qilinadi.

✔️ Temir yo‘l sohasida raqamlashtirish va operatsion samaradorlikni oshirish hisobiga yuk tashish muddatlari 40 foizga qisqardi.

✔️ Prezidentimiz mintaqadagi eng qulay va jozibador biznes muhitini saqlab qolish uchun barqaror soliq siyosati davom ettirilishini taʼkidladi.

✔️ Yig‘ilishda Jahon savdo tashkilotiga aʼzo bo‘lish jarayonlari yakuniy bosqichga kirayotgani aytildi. AQSH, Xitoy kabi yirik davlatlar bilan kelishuvlarga erishildi.

✔️ Umuman, murakkab geosiyosiy sharoitga qaramay, iqtisodiyotimiz 6,3 foizga oshib, 111 milliard dollardan ko‘paygani taʼkidlandi.

✔️ Kelgusi yilda marrani katta olib, yalpi ichki mahsulotni 120 milliard dollarga, eksportni 30 milliardga yetkazish, investitsiyani 42 milliarddan oshirish, 5 million aholini band qilish, 1,5 million odamni kambag‘allikdan chiqarish reja qilinmoqda.

✔️ Savdo-sanoat palatasi xalqaro konsalting kompaniyalarini jalb qilib, tadbirkorlarning tashqi moliya bozorlariga chiqishiga ko‘maklashuvchi markaz ochishi muhimligi qayd etildi.

✔️ Prezident boshqa salohiyatli tadbirkorlarni ham qo‘llab-quvvatlab, “chempion” tadbirkorlarni ko‘paytirish kerakligini taʼkidladi.

✔️ Oxirgi 3 yilda Bojxona kodeksining 100 dan ortiq moddasiga o‘zgartirish kiritildi. Lekin uning qoidalari ham Jahon savdo tashkiloti, ham tadbirkorlarning talabiga mos emas. Shu munosabat bilan har tomonlama yangilangan Bojxona kodeksi loyihasini ishlab chiqish zarurligi qayd etildi.

✔️ Yig‘ilishda ichki bozor bilan cheklanmasdan, eksportni yana-da ko‘paytirish muhimligi qayd etildi.

✔️ Yetishtirilgan meva-sabzavotni qayta ishlash uchun xarid qilingan uskunalarga 1 milliard so‘mgacha subsidiya ajratiladi.

✔️ Davlatimiz rahbari tadbirkorlarning ezgu maqsad bilan ilgari suradigan har qanday g‘oya va tashabbusini qo‘llab-quvvatlashga tayyorligini bildirdi. O‘z navbatida ular ham jamiyatimizning eng ilg‘or vakillari bo‘lib, islohotlarimizni yana-da ilgari surishda tayanch va suyanch bo‘lishiga ishonch bildirdi.

✔️ Shu bilan tadbirkorlikni har tomonlama qo‘llab-quvvatlash bo‘yicha joriy yil yakunlari va 2025-yilga asosiy rejalar yuzasidan videoselektor yig‘ilishi hamda yetakchi tadbirkorlar bilan muloqot o'z yakuniga yetdi.

#Prezident #DavKadastrPalata

Ijtimoiy tarmoqlardagi sahifalarimiz:
Web-sayt I Telegram I Instagram I YouTube I Facebook I Twitter