#rasmiy_munosabat

"ШЕРМУХАММАД ҚОРИ ОТА" қабиристони ер майдонлари бўйича фуқаро томонидан 8 маротаба йўллаган мурожаатларига бошқарма томонидан қонуний жавоб хатлари юборилган.

Фуқаро М.Хожиматовнинг вилоят ҳокимлигига турли даврларда қилган мурожаати бўйича вилоят Ер ресурслари ва давлат кадастри бошқармасининг 19.05.2016 йил кунги ФБ/795-02-сонли, 03.03.2017 йил кунги ФБ/502-02-сонли, 14.06.2017 йил кунги ФБ/1362-02-сонли, 03.11.2021 йил ФБ/2469-02-сонли, 27.05.2018 йил кунги ФБ/1136-02/05-сонли, Андижон шаҳар прокурорига қилган мурожаатига 05.09.2019 йил кунги 05-12-2396-сонли, “Давергеодезкадастр” қўмитасига қилган мурожаатига 17.07.2020 йил кунги 01-12-1415-сонли “Ермулккадастр” давлат корхонаси Андижон шаҳар филиали томонидан 18.01.2020 йил кунги ХХ/11-01/01-сонли жавоб хатлари берилганлиги маълум бўлди.

Батафсил бу ерда ўқишингиз мумкин.

Давлат кадастрлари палатаси вилояти бошқармаси ахборот хизмати ижтимоий тармоқларда.

Telegram|Instagram|Twitter|Facebook| You tube | Tik Tok

#rasmiy_munosabat

Телеграм ижтимоий тармоғида эълон қилинган "Видеомурожаат!" сарлавҳаси остидаги берилган мақолада ноқонуний қурилишлар дея иддао қилинган ҳолатлар ўз тасдиғини топмади.

Telegram Instagram YouTube Facebook

​​#Kadastr #RASMIY_MUNOSABAT

Bugun soat 10:21 da O‘zbekiston Respublikasi Bosh prokuraturasi huzuridagi Iqtisodiy jinoyatlarga qarshi kurashish departamentining rasmiy telegram kanalida “Andijon tumanida fuqaroga kadastr hujjatlarini tayyorlab bermoqchi bo‘lgan mutaxassis ushlandi” mavzusi bilan post eʼlon qilindi.

Mazkur postda Bosh prokuratura huzuridagi Departamentning Andijon tuman bo‘limi tomonidan o‘tkazilgan tezkor tadbirda, “Yer tuzish va ko‘chmas mulk kadastri” agentligi Andijon tuman filiali mutaxassisi B.Q. fuqaro M.ning yashash xonadonining kadastr hujjatlarini tayyorlab, yuqori lavozimlarda ishlovchi tanishlari orqali qaror chiqartirib berish evaziga 300 AQSH dollarini olgan vaqtida ashyoviy dalillar bilan ushlangani va holat yuzasidan Jinoyat kodeksining 168-moddasi (firibgarlik) va 28, 211-moddasi (pora berish) bilan jinoyat ishi qo‘zg‘atilib, tergov harakatlari o‘tkazilayotgani aytilgan.

Mazkur xabarda “Yer tuzish va ko‘chmas mulk kadastri” agentligi Andijon tuman filiali mutaxassisi deb keltirilgan B.Q. aslida 2020-yil 25-sentabrda O‘zbekiston Respublikasi Mehnat kodeksining 99-moddasi 1-qismi (taraflarning kelishuviga ko‘ra) ishdan bo‘shagan bo‘lib, bugunga qadar Kadastr agentligi tizimida faoliyat olib bormagan va qonunan u soha xodimi hisoblanmaydi.

Har qanday axborot shiddat bilan tarqalayotgan davrda to‘g‘ri, xolis va har tomonlama tekshirilgan axborotni ommaga taqdim etish barchamizning masʼuliyatimiz hisoblanadi. Noto‘g‘ri axborot jamiyatni davlat idoralariga bo‘lgan ishonchsizligiga olib kelishi mumkin. Shu o‘rinda Kadastr agentligi hamkorlikka doim tayyor ekanligini maʼlum qilamiz.

Telegram Instagram YouTube Facebook Web-sayt

RASMIY MUNOSABAT

▫️7 fevral 2022 yil “KUN.UZ” saytida hamda EFFECT.UZ saytining rasmiy Telegram kanalida e’lon qilingan “Buxoroda madaniy meros ob’ekti auksion savdoga chiqarilgani aniqlandi” va «Gazeta.uz» saytining rasmiy kanali hisoblangan “Новости Узбекистана” ijtimoiy tarmog‘ida bugun berilgan “В Бухарской области незаконно выставили на аукцион участки на территории мемориалного комплекса Чор-Бакр, объекты которого построены в XVI—XX веках. Памятник номинирован в Список всемирного наследия ЮНЕСКО.” sarlavhalari ostidagi maqolalar yuzasidan Kadastr agentligining Davlat kadastrlari palatasi o‘rganish ishlarini olib bormoqda.

▫️O‘rganish natijalari yuzasidan tez orada ma’lumot taqdim etiladi.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram | Facebook| Instagram |

▫️Rasmiy munosabat▫️

26 may 2022 yilda ijtimoiy tarmoqlarda Davlat kadastrlari palatasi Farg‘ona viloyati boshqarmasi tizimidagi xodimlar nomidan yozilgan aprel oyi oylik maoshi berilmayotgani to‘g‘risidagi murojaatnoma bo‘yicha Davlat kadastrlari palatasi Markaziy apparati quyidagilarni ma’lum qiladi:

- 2020 yil 7 sentyabrdagi O‘zbekiston Respublikasi Prezidenti qarori bilan Kadastr agentligining Davlat kadastrlari palatasi tashkil etilganidan boshlab, Davlat kadastrlari palata tomonidan xodimlarni ijtimoiy qo‘llab-quvvatlash maqsadida bir qancha amaliy ishlar amalga oshirilgan. Jumladan, Farg‘ona viloyati boshqarmasi xodimlarining joriy yil 1-choragi davomida o‘tgan yilning mos davriga nisbatan oylik ish haqlari o‘rtacha 50%ga oshirilgan.

- O‘zbekiston Respublikasi Vazirlar Mahkamasining 12.02.2021 yildagi 66- son qaroriga ko‘ra, Davlat kadastrlari palatasining hududiy boshqarmalari alohida yuridik xo‘jalik sub’ekti hisoblanib, kadastr ishlari va boshqa daromadlaridan o‘zining barcha xarajatlarini, jumaladan xodimlarga oylik maoshi bo‘yicha, birinchi darajali zaruriy xarajatlarini va boshqa ishlab chiqarish xarajatalarini amalga oshirishi belgilangan.

Qarorda xodimlarning oylik maoshlari to‘lanadigan mablag‘lar Palata Markaziy apparati tomonidan moliyalashtirilishi ko‘zda tutilmagan. Tasdiqlangan daromad-xarajat smetasiga asosan hududiy boshqarma xodimlarining oylik maoshlari har oyda amalda oladigan daromadlari hisobidan qoplanishi belgilangan.

Davlat kadastrlari palatasi Farg‘ona viloyati boshqarmasining tushum va xarajatlarini noto‘g‘ri hisoblanishi va taqsimlanishi natijasida yuzaga kelgan masala bo‘yicha Palata markaziy apparati tomonidan ishchi guruh tuzilib, hozirda o‘rganish olib borilmoqda. Jarayon yakunlariga ko‘ra masala yuzasidan batafsil ma’lumot beriladi.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram | Facebook| Instagram |YouTube

▫️Rasmiy munosabat▫️

◻️Ijtimoiy tarmoqlardagi Davlat kadastrlari palatasi Farg‘ona viloyati boshqarmasi tizimidagi xodimlar nomidan yozilgan aprel oyi oylik maoshi berilmayotgani to‘g‘risidagi murojaatnoma bo‘yicha Davlat kadastrlari palatasi Markaziy apparati tomonidan ishchi guruh ajratilib, o‘rganish ishlari olib borilayotgani haqida ma’lumot bergandik.

Ishchi guruh tomonidan Davlat kadastrlari palatasi Farg‘ona viloyati boshqarmasining iqtisodiy ko‘rsatkichlari pasayib ketganligi, tartib intizom buzilganligi va ijro intizomining izdan chiqqanligi tanqidiy ko‘rib chiqildi.

O‘rganish natijalariga ko‘ra:
➖Boshqarma ma’sullari tomonidan boshqarmaning moliyaviy holatini o‘rganmasdan ustama va moddiy yordam hamda rag‘batlantirishlar notug‘ri hisoblanganligi;

➖Zahira yer maydonlari uchun to‘lovlar undirilmaganligi;

➖Shuningdek, boshqarmaning xarajatlari moliyaviy ahvoliga qaramasdan daromadlar qismidan oshib ketganligi aniqlandi.

Davlat kadastrlari palatasi Farg‘ona viloyati boshqarmasining tushum va xarajatlarini noto‘g‘ri hisoblanishi va taqsimlanishi sabab xodimlarda tushunmovchilik va e’tiroz yuzaga kelgan.
Yuqoridagi xato va kamchiliklarga yo‘l qo‘yganlarga nisbatan intizomiy jazo choralari qo‘llanildi. Bundan tashqari Farg‘ona viloyatiga yangi tayinlangan boshqarma boshlig‘i R. Mirzaxmedovga boshqarma ish faoliyatining samaradorligi va tartib intizomini yo‘lga qo‘yish uchun muddat belgilandi.

◻️Alohida ta’kidlash kerak, O‘zbekiston Respublikasi Vazirlar Mahkamasining 12.02.2021 yildagi 66- son qaroriga ko‘ra, Davlat kadastrlari palatasining hududiy boshqarmalari alohida yuridik xo‘jalik sub’ekti hisoblanib, xodimlarning oylik maoshlari to‘lanadigan mablag‘lar Palata Markaziy apparati tomonidan moliyalashtirilishi ko‘zda tutilmagan. Tasdiqlangan daromad-xarajat smetasiga asosan hududiy boshqarma xodimlarining oylik maoshlari har oyda amalda oladigan daromadlari hisobidan qoplanishi belgilangan.

Ana shularni nazarda tutgan holda, Davlat kadastrlari palatasi Markaziy apparati hududiy boshqarmalarining ko‘rsatkichlari yuzasidan doimiy o‘rganish va nazorat ishlarini olib boradi.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram | Facebook| Instagram |YouTube

▫️Rasmiy munosabat▫️

◻️Joriy yilning 6 iyun kuni Zo‘r tv telekanalining “Bu kun” informatsion axborot dasturi orqali Samarqand viloyati Payariq tumani “Tomoyrot” mahallasi “Jiyanbek” qishlog‘ida yashovchi fuqaro O‘roqov Saidning murojaatiga asosan Samarqand viloyatidagi telekanal muxbiri Chingiz Norqulov tomonidan videolavha tayyorlanib efirga uzatilgan.

◻️Murojaatda ta’kidlanishicha, yer egaligi bilan bog‘liq tushunmovchilikda fuqaro O‘roqov Said Axrorovich o‘ziga tegishli 20 sotix yer maydonini bir necha yillar oldin fuqaro Xusanova Tadjinisa Nasirovnaga ma’lum bir summadagi qarz evaziga, foydalanib turishga berganligini aytib, bugungi kunda ushbu yerga nisbatan fuqaro T.Xusanova tomonidan noqonuniy tarzda kadastr xujjatlari rasmiylashtirib olinganligidan noroziligi bildirilgan.

◻️Mazkur masala yuzasidan Davlat kadastrlari palatasi Samarqand viloyati boshqarmasi tomonidan ishchi gurux ayni damda o‘rganish ishlarini yakunlash arafasida ekanligini ma’lum qilamiz.
Aniqlangan ma’lumotlar asosida yuqoridagi murojaat yuzasidan to‘liq ma’lumot taqdim etiladi.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram | Facebook| Instagram |YouTube

▪️Rasmiy munosabat▪️

Bugun, 2022 yil 29 iyul kuni ijtimoiy tarmoqlarda kadastr xodimlarining ish vaqtida kompyuter o‘yinlari o‘ynab o‘tirgani haqidagi noto‘g‘ri ma’lumotlari tarqaldi.
Xabarda aholida norozilik kayfiyatini keltirib chiqarishga qaratilgan noto‘g‘ri ma’lumotlar aks ettirilgan.

Tezkor o‘rganish natijalariga ko‘ra, mazkur voqea Qashqadaryo viloyati Shahrisabz tumani filialida 2021 yil 22-avgust yakshanba kuni bo‘lganligi ma’lum bo‘ldi.

Xodimlar shanba va yakshanba kunlari o‘tkazilgan obodonlashtirish hasharidan so‘ng, 22 avgust yakshanba soat 20:00lar atrofida o‘zaro kelishgan holda kompyuter o‘yinlarini o‘ynashgan.

Bundan ko‘rinib turibdiki, xodimlar ish vaqtlarida kelayotgan fuqarolarni, murojaatchilarni kuttirib qo‘yishgani noto‘g‘ri ma’lumotdir. Buni fotosuratda ko‘rishingiz ham mumkin.
Biz yakshanba kuni ish joyida kompyuter o‘yinlari o‘ynash mumkin demoqchi emasmiz. Bu holat bo‘yicha Davlat kadastrlari palatasi Qashqadaryo viloyati boshqarmasi tomonidan o‘rganishlar olib borilib, xodimlardan tushuntirish xatlari olingan hamda tegishli choralar ko‘rilgan.

Yurtimiz aholisi va blogerlardan, vaqtlari va voqealari asoslanmagan noto‘g‘ri ma’lumotlarni tarqatmasligingizni so‘rab qolardik.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram |Facebook|Instagram|YouTube

▫️Rasmiy munosabat▫️

⚡️IJTIMOIY TARMOQLARDA AYLANAYOTGAN "10400 AQSH DOLLARI" HAQIDA ANIQROQ

Bugun kunning ikkinchi yarmida deyarli barcha ijtimoiy tarmoq kanallarida "Kadastr muhandisi 10.400 AQSh dollari bilan ushlandi" degan mazmundagi xabarlar tarqaldi.

Aslida 10400 Aqsh dollarini kim olgan?

Demak, joriy yil 21 oktabr kuni fuqaro Sh.Ya. Toshkent viloyat IIBB boshlig‘i nomiga ariza bilan murojaat qilib, o‘z arizasida "Ibroxim" ismli shaxs Yangiyo‘l tumani Xalqobod maxallasi hududidagi “U.Yusupov” nomli agrofirmaga qarashli 32 sotix yer maydonini jami 29.000 AQSh dollariga sotishligini va ushbu yer maydonini Yangiyo‘l tuman kadastr bo‘limida ishlovchi tanishi orqali hujjatlarni rasmiylashtirib berishi evaziga 2.400 AQSh dollari berish kerakligini, shundan "avans" sifatida oldindan kadastr xodimi 400 AQSh dollari va yer maydoni egasi "Ibroxim" ismli shaxs 10.000 AQSh dollari talab qilishayotganligini bayon qilib, ularga nisbatan qonuniy chora ko‘rishni so‘ragan.

Arizaga asosan o‘tkazilgan tezkor tadbir davomida "Ibroxim" deya aytilayoigan fuqaro I.A kelishilgan summadan "avans" sifatida 10.000 AQSh dollarini olayotgan vaqtida, kadastr muhandisi esa 400 AQSh dollari olayotgan vaqtida ashyoviy dalillar bilan ushlangan.

Lekin, ijtimoiy tarmoq sahifalar sarlavhalarida esa "kadastr muhandisi" iborasi birinchi planga qo‘yilib, 10.400 AQSh dollari olganligiga urg‘u berilmoqda.

Ijtimoiy tarmoq egalaridan har bir ma’lumotni yaxshi o‘rgangan holda omma e’tiboriga havola etishlarini so‘rardik, zero birgina yuzaki o‘rganilgan xabar ortidan nafaqat bir insonning balki butun bir tashkilotning nomi qoralanayotganini anglash lozim.

📌 Biz bu rasmiy munosabat orqali xodim tomonidan qilingan noqonuniy harakatni oqlamoqchi emasmiz, aksincha qonun ustuvorligi ta’minlanishi tarafdorimiz. OAVlar va blogerlardan esa ma’lumotni noto‘g‘ri tarqatmasliklarini so‘raymiz.

#DavKadastrPalata #rasmiy_munosabat

Ijtimoiy tarmoqlardagi sahifalarimiz:
Telegram |Facebook|Instagram|YouTube