▪️Huquqiy ma'lumot▪️

➡️ O‘zbekiston SSRning qonunchiligi amal qilgan davrda qurilgan binolarga va inshootlarga bo‘lgan mulk huquqini davlat ro‘yxatidan o‘tkazish uchun quyidagi hujjatlar asos bo‘ladi:

▫️ vakolatli davlat organlarining binolarni va inshootlarni boshqa shaxsga o‘tkazish to‘g‘risidagi hujjatlari, qarorlari va farmoyishlari;
▫️ ko‘chmas mulk oldi-sotdisiga, uni ayirboshlashga, hadya qilishga, bo‘lishga va turar joyni umrbod saqlash sharti bilan boshqa shaxsga berishga doir, imorat qurish to‘g‘risidagi, yer uchastkalarini xususiy mulk huquqi asosida uylar qurish uchun berish haqidagi, yakka tartibdagi imorat quruvchilarning uy-joy qurilish jamoalariga uylar qurish uchun yer uchastkalarini berish to‘g‘risidagi, er-xotin o‘rtasida uyni bo‘lish haqidagi notarial tartibda tasdiqlangan shartnomalar;
▫️ xalq deputatlari shahar va tuman Kengashlari ijroiya qo‘mitalarining imoratlarga bo‘lgan mulk huquqini tan olish to‘g‘risidagi (mavjud hujjatlar asosida) qarorlari;
▫️ umumiy mulk bo‘lgan imoratning tegishli qismiga bo‘lgan meros qilib olish huquqi to‘g‘risidagi va mulk huquqi to‘g‘risidagi guvohnomalar hamda uy ochiq kim oshdi savdolarida olinganligi to‘g‘risidagi guvohnomalar;
▫️ binolarga va inshootlarga bo‘lgan mulk huquqini tasdiqlovchi qonuniy kuchga kirgan sud qarorlari va ajrimlari;
▫️ ko‘chmas mulkning boshqa shaxsga berilishi haqidagi shartnomalarning dublikatlari.

#DavKadastrPalata #huquqiy_ma_lumot

Ijtimoiy tarmoqlardagi sahifalarimiz:
🌐Telegram 🌐Instagram 🌐YouTube 🌐 Facebook

▪️Yaxshi tashabbus▪️

⭐️ Kadastr tizimida yana bir yaxshi tashabbus yo‘lga qo‘yildi. Gap shundaki, Kadastr agentligi hamda Davlat kadastrlari palatasi Qoraqalpog‘iston Respublikasi boshqarmasi tashabbusi va boshqa qator tashkilotlarning qo‘shma qaroriga asosan Amudaryo tumanida sayyor kadastr xizmatini ko‘rsatish yo‘lga qo‘yildi.

➡️ Kuni kecha tumandagi Xolimbeg OFY hududida shtab tashkil qilinib tegishli tashkilotlar bilan fuqarolarning kadastr hujjatlarini ro‘yxatdan o‘tkazish va kadastr pasportini shakillantirish ishlari olib borildi.

🌟 Davlat kadastrlari palatasi, Davlat xizmatlari markazi, Arxiv , Arxitektura va bank tashkilotlaridan vakillar birgalikda ishtiroki ta’minlangan ushbu sayyor xizmat bundan avval hududning Beruniy tumanidagi 5 ta mahallasida ham ko‘rsatilgan.

▶️ Bu haqda Qoraqalpog‘iston telekanali «Xabar» informatsion dasturida.

#DavKadastrPalata #oav_biz_haqimizda

Ijtimoiy tarmoqlardagi sahifalarimiz:
🌐Telegram 🌐Instagram 🌐YouTube 🌐 Facebook