Чустий газали

АССАЛОМУ АЛАЙКУМ. ҚАДРЛИ ВА МУҲТАРАМ КАНАЛИМИЗ МУХЛИСЛАРИ ҚУЙИДА "ФАРЗАНД УЧУН" ҚЎШИҒИНИ ИЖРО ЭТГАН ХОНАНДАНИ БИЛА ОЛМАДИК. ҚЎШИҚ ЖУДА МАРОМИГА ЕТҚАЗИБ ИЖРО ҚИЛИНГАН.
АГАР ШУ ХОНАНДА КИМЛИГИНИ БИЛГАНЛАР БЎЛСА УШБУ РАҚАМГА БИЛДИЛСАЛАР ХУРСАНД БЎЛАРДИК.91,281-48-55

=ФАРЗАНД УЧУН= ЧУСТИЙ ГАЗАЛИ -ИЖРОЧИ НОМАЛУМ

=БУЛМАСИН= ЧУСТИЙ ГАЗАЛИ ТОЖИКИСТОН ВА УЗБЕКИСТОН ХАЛК АРТИСТИ ТУЛКИНЖОН ТОЖИБОЕВ ИЖРОЛАРИДА

КЎНГЛИ ОҚДИР

Само ер куррасидан гар йироқдир,
Бошим кўкда, фалак менга равоқдир.

Ёруғликда кечам кундуздан ортиқ,
Менга иймон нури. машъал чироқдир.

Бу иймон нуридан нур олмаган кўз,
Кўз эрмас, чеҳрага тушган ямоқдир.

Агар эл меҳрига жой бўлмаса дил,
Йиқиқ вайрона ундан яхшироқдир.

Мени ҳар дам тирик кўрсатган элга,
Танимда жон эмас, зўр иштиёқдир.

Ватан, халқим, ишончим, эътиқодим,
Менга бошу кўзу қўлу оёқдир.

Ажойиб дилбарим яйрар ёнимда,
Ширинсўз, олийҳиммат, кўнгли оқдир.

Гўзал жаннатда, Чустий, тинч яшарман,
Ишим ҳақ, кори борим бесўроқдир.

САМИМИЙ ОШНОЛАРГА

Азиз жоним фидо бўлсин самимий ошноларга,
Баланд ҳимматли, қалби беғараз, ақли расоларга.

Тошиб меҳрим дилимдан кипригим инжу сочар ҳар дам,
Булоқдурким, отар дур томчисин тошдан қиёларга.

Садоқат тонгида дўстлик ҳавоси ёғдулар сочса,
Муҳаббат боғида шабнам бўлур меҳригиёларга.

Қуёшнинг нури ҳам тош бағрини равшан қилолмайдир,
Ҳақиқат нури таъсир айламас кўнгли қароларга.

Менинг. кўнглимда дўстлар чеҳраси ою қуёш монанд,
Дилим ҳаргиз бўлолмас ошно аҳли риёларга.

Ғаразли дил тилинмасму, ғаразли тил кесилмасму?
Қилур у бевафолик туҳматин аҳли вафоларга.

Жаҳонда соғ-омонлик бирла дўстликдан гўзал не бор?
Жаҳон бўйлаб саволим қалби тоза, бебаҳоларга.

Баланд тут ҳимматингни, ҳамсафарсан яхшилар бирлан,
Етарсан йўлда қолмай, Чустий, олий муддаоларга.

Қаро кўзингга

Ҳеч боқмасин ёмон кўз, жонон, қаро кўзингга,
Жононалар тутибдир минг жон қаро кўзингга.

Икки қошингму, гўё икки қаро баҳодир,
Тортиб, эгиб камонин посбон қаро кўзингга.

Ул қоп-қаро ичинда машъал ёнар, таажжуб,
Кўрганда сеҳргар ҳам ҳайрон қаро кўзингга.

Ўт ҳам куйиб кул ўлгай тушса кўзинг олови,
Қандай боқиб чидолгай инсон қаро кўзингга.

Ҳолинг лабингда гўё меҳмон каби ярашмиш,
Мен бўлсам эрди кошки меҳмон қаро кўзингга.

Арзирмикин нигорим мадҳинггаЧустий шеъри,
Мижгонларинг ёзибди достон қаро кўзингга.

Чустий

@Chustiy_ijodi

Усмонжон Бердиев.
-- Жонон Каро кузинга-.
Чустий газали

=ХАТ ЁЗДИЛАРУ= ЧУСТИЙ ГАЗАЛИ УЗБЕКИСТОНДА ХИЗМАТ КУРСАТГАН АРТИСТ АХМАДЖОН ДАДАЕВ ИЖРОЛАРИДА =ХАЛФАНА= ДАСТУРИДАН

КАМОЛИДДИН РАХИМОВ ШОГИРТЛАРИ АВАЗХОН ХОЖИ АКАМИЗ ИЖРОЛАРИ ЧУСТИЙ ГАЗАЛИ БИЛАН КУШИК

БИР ҚАДАҲ

Бир қадаҳ ичдим қачонким ишқнинг дарёсидан,
Шул замон олдим хабар мен севгининг дунёсидан,
Саъй қилиб ўтдим бу йўлнинг тоғидан, саҳросидан,
Қўрқмадим йўлимни тўсган ваҳшилар ғавғосидан,
Чунки огоҳ эрди севгим мен
каби шайдосидан.

Кеча-кун хизматда ўтсам, арзигай бу ёр учун,
Сув кетирсам, кўрмагум хорликни бу гулзор учун,
Бунчалик севмоққ недандир? Ёр миннатдор учун,
Истаса, қурбон қилай жонимни бу дилдор учун,
Соябон қабримга бўлгай бахтнинг раъносидан.

Йўлни ҳимматла супурдим, тўпладим хошокини,
Ишқ ўти бирла ёқиб, кўкка совурдим хокини,
Риштайи васлига банд этдим жудолик чокини,
Игналаб тикдим маломатнинг лаби нопокини,
Чунки ошиқлар қутулсин шум рақиб иғвосидан.

Ғайрлар мендан уялди меҳрли ёрим кўриб,
Ҳар сўзига дилда тасдиқ, тилда иқрорим кўриб,
Синди ҳам савдосидан бу хил харидорим кўриб,
Титради душманни қалби, Чустий ашъорим кўриб,
Ўқ чиқиб санчилди ёвга ҳар сўзим маъносидан.