Shamol keltirgan tartibsizlik uchun uni ayblay olmayman, derazani ochgan o’zim edim…

@Chilzarra

Berkinmachoq o’ynaganda “3 gacha sanayman” deb oraga 2,5ni sig’dirgan beg’ubor bolakaylar edik qachondir)

@Chilzarra

Sokin qalb uchun bu dunyo shovqinli a?

Kechiringlar meni, tunda ilhom kelyapti-da)

@Chilzarra

Tejayotgan shirin so’zlaringizga hech nima sotib olib bo’lmaydi, mehribonroq bo’lavering…

@Chilzarra

Uzoqlarga ketma… Yonimda qol…

Yonimda bo’lsang atrofim o’zga sayyora🪐

Qaysidir joylari yoqmasligi mumkin, lekin qizning ovozi yoqimli) Sizga yoqqan joylarini yozib keting…

@Chilzarra

Qudsiy farishtalarda ham ishq bor, ammo ularda dard yo’q. Dard faqat odam bolasiga yuklatilgan, faqat Odam bunga munosib, faqat Odam unga chiday oladi…

“Mantiq ut-tayr”dan

@Chilzarra

ببوسمت در بین طالب ها نمی ترسی...

Tolibon orasida oʻpsam-da qoʻrqmassan...

Gʻavgʻo Tobon

@Chilzarra

O’rgataverma! Uning o’zi ham juda yaxshi biladi…

Sababsiz gullar ayolga qanchalik quvonch berishini…
Kutilmagan sovg’alar xushbaxt qilishini…
Sayohatlar ruhingga ozuqa ekanini…
Birgina shirin so’z tabassumingga sabab bo’lishini…

Shunchaki sen u xohlagan ayol emassan)

@Chilzarra

#Eeeeeeski_she'r

Qarogʻingda xanda otgan yoshmi edi, yoshmi edi?
Koʻksingda bir qalqigani qalbmidi ,yor, toshmi edi?
Bu loshimning faryodi-yu barbodini fosh aylagan
Ayo koʻzlar, soʻzlaringiz pinhon boʻlsa  koshki edi...

Nazar etsang, ishq gullari tomir otgay foniy tanda,
Nigohlar - tigʻ, uzoq etgay mani mandan, mani mandan,
Sani sandin ortiq suymak tortiq edi Yaratgandan
Tortigʻidin yorti dilim butun boʻlsa koshki edi...

Lablarimdan duo qushlar uchdi koʻkka, xabarsiz yor,
Na xurramman, na purgʻamman, yashash endi samarsiz, yor,
Qanday yashab bo'lar axir ishq, otash-u harorsiz, yor?
Haq qalami ismimizni birga yoʻnsa koshki edi...

Sogʻinch desam, tillarimni hijron tigʻi kesdi, jimman...
Gʻayri koʻzlar ruhim ezib, yiroqliging sezdi, jimman!
Kelmogʻ-u ketmoq oʻynidan o, shu qadar bezdim, jimman...
Tavallolar yetsa koʻkka, qushga doʻnsam koshki edi...

Iroda Rahmonaliyeva

10.11.2022

@Chilzarra

Ko’p uxlash - nimadandir qochmoq, uxlolmaslik - azob…
Uxlasang kecha bitar, uxlamasang o’zing…


@Chilzarra

Yaxshi kuyov topib olingan o’g’il farzanddir, yomon kuyov esa yo’qotilgan qiz farzand…

Hazrati Ali roziyallohu anhu

@Chilzarra

Baliq yem bilan, inson qasam bilan aldanadi…

@Chilzarra

Ayol baxti haqida...

Roziman,
Baxt bo‘lsa shuning barisi,
Roziman, muhabbat bo‘lsa shu tuyg‘u.
Balki, quvonchimdan yig‘lagandirman,
Balki, zerikkandan qochgandir uyqum.

Qilgan zardalaring shirin so‘zmidi?
Yoki mehrmidi — ko‘nglim to‘lmagan.
Menga keltirmoqchi bo‘lgan gulingning,
Mavridi bo‘lmagan, vaqti bo‘lmagan.

Demak, sezmaganman e’tiboringni,
Arzimas gapingni olib yurakka.
Sira tushunmayman shuncha yil yashab,
Loyiq ko‘rilmadim bitta ko‘ylakka...

Ming yilki, qilmagan xatolarimga,
So‘rashga arzirli uzr topmadim.
Faqat anglaganim, sening oldingda,
Halovat topmadim, huzur topmadim.

Har gal chog‘lanaman ketishga, so‘ngra,
Bolamning qo‘lini surtaman ko‘zga.
Afsuski, ba’zi bir baxtiyorlar ham,
Ishonib yashaydi baxt degan so‘zga.

Turmush deganlari shu ekan, oyning
o‘n beshi quyoshli, o‘n beshi tunday.
Nega og‘rinaman, nega kuyaman,
Minglab ayollarning taqdiri shunday.

Roziman, baxt bo‘lsa shuning barisi...

Kumush O‘sarova

@Chilzarra

Inson ilohiy sirlar olamidan tashqaridadir. Agar ichkarida bo'lsa, bu olamda ahmoqona, gunoh ishlar bilan, vayrongarchilik bilan, jabr-zulm qilish bilan o'zini do'zaxga tayyorlamas edi. Shu sababli, sofdil insonlar bu dunyoda mashaqqatda yashaydilar...

"Mantiq ut-tayr"dan

@Chilzarra

Hatto Shayton ham kibr-u havosini tashlab, Xudoning qudrati bilan payg'ambarning da'vatiga quloq solib, oxiri musulmon bo'lishi mumkindir, lekin inson o'zi gunoh ishlarni ko'paytirib, o'z aybini shaytonga to'nkamoqda. Bu so'z shariat peshvolari nazarida kufrday ko'rinadi.

Aslida Shayton la'natlangan bo'lsa ham, Xudodan o'zgaga sajda qilmaganini Ibn Arabiy, Jaloliddin Rumiy kabi avliyolar to'g'ri deb hisoblaydilar. Buni anglashga ko'pchilikning aqli yetmaydi va bu haqda hammaga gapirib bo'lmaydi…

“Mantiq ut-tayr”dan

@Chilzarra