Kuni kecha Chirchiq shahridagi 14-sonli Mehribonlik uyida tarbiyalanib kelayotgan 11 nafar bolalarga (shundan 4 nafari qiz va 7 nafari o‘g‘il) 16 yoshga to‘lishi munosabati bilan, fuqarolik pasportlari tantanali ravishda topshirildi.

Tadbirda Milliy Gvardiyaning Toshkent viloyati bo‘yicha boshqarma boshlig‘i D.Nortojiyev, Toshkent viloyati IIBB MvaFRB bo‘limi va shahar IIB xodimlari ishtirok etishdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

"Shunqorlar" bo'lajak yurt posbonlari

Joriy yilning 5-may kuni Chirchiq oliy tank qo'mondonlik-muhandislik bilim yurtida "Yoshlar daftari", "Temir daftar" va "Ayollar daftari"ga kiritilgan yoshlar hamda mahallalardagi uyushmagan yoshlar o'rtasida "Vatanparvarlik-oliy maqsadim!"shiori ostida "Shunqorlar" harbiy-sport o'yinlarining Chirchiq shahar bosqichi bo'lib o'tdi.
Musobaqani o'tkazishdan maqsad - "Vatanparvar" tashkiloti faoliyati to'g'risida yoshlar ongida tasavvur shakllantirish va uning safiga kirish xayrixohligini va ishtiyoqini uyg'otish, yoshlarni harbiy vatanparvarlik va Vatanga sadoqat ruhida tarbiyalash, ular orasida Vatan himoyasi sharafli burch ekanligini targ'ib qilish hamda harbiy xizmatga bo'lgan qiziqishlarini orttirishdan iboratdir.
Musobaqa “Vatanparvar” tashkiloti Chirchiq avtomobil maktabi, Chirchiq oliy tank qo'mondonlik-muhandislik bilim yurti, Chirchiq shahar mudofaa bo’limi, Chirchiq shahar Хalq ta'limi bo'limi, Yoshlar ishlari agentligi Chirchiq shahar bo’limi bilan hamkorlikda o'tkazildi.

Musobaqa quyidagi yo'nalishlarda o'tkazildi:
1-yo'nalish: harbiy vatanparvarlik,
2-yo'nalish: harbiy-amaliy ko'pkuras,
3-yo'nalish: Sport yo'nalishlaridir.
"Shunqorlar" harbiy sport o'yinlari natijalariga ko'ra:
1-o'rinni 10-maktab, 2-o'rinni 14-maktab, 3-o'rin 1-maktab jamoasiga nasib etdi.
G'olib jamoalar "Vatanparvar" tashkiloti Chirchiq avtomobil maktabi boshlig'i tomonidan Kubok, diplom va kitoblar jamlanmasi bilan taqdirlandilar.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

Chirchiq shahar "Iftixor" mahallasi hududida joylashgan 7-sonli maktabda 9-may "Xotira va qadrlash kuni"ga bag'ishlab bayram dasturxoni yozildi. Maktabgacha va Maktab ta'limi rahbari Javlon Yusupov, 7-sonli maktab direktori M.Yakubovna , Xalq deputatlari Chirchiq shahar Kengashi deputati U.Yusupov , Oqila ayollar harakati a'zolari, "Iftixor"MFY Xotin-qizlar faoli M. Ochildiyeva va Xokim yordamchisi hamda Yoshlar yetakchisi, 7- maktab o'qituvchilari va mahalla faollari ishtirok etishdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

Chirchiq shahridagi 3-sonli Bolalar musiqa va san’at maktabida 9-may “Xotira va qadrlash kuni” munosabati bilan bayram dasturi tashkil etildi.

Musiqa va san’at yo‘nalishida tahsil olayotgan bolajonlar va murabbiylar tomonidan turli sahna ko‘rinishlari va musiqiy sahnalar namoyish etildi.

Tadbirga taklif etilgan mehmonlar va shaharning nuroniy otaxonlari va onaxonlarida katta taasurotlar qoldi.

Bayram tadbirida Chirchiq shahar hokimligi Bolalarni himoya qilish shoʻbasi mudiri Sh.Ermetov ishtirok etdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram