#ҲАММАСИ_ҚОНУНИЙ_БЎЛСИН

✍ Кундан кунга кўрк очиб бораётган шаҳримиз кўчалари, йўллари, кўнгил очар боғлари ва бошқа аҳоли фойдаланадиган барча манзилларининг озодалиги ва кўркамлашуви ўз-ўзидан бўлиб қолаётгани йўқ албатта. Бунинг учун шаҳар ҳокимлигидан бошлаб неча-неча ташкилотлар, бирлашмалар, корхона ва идораларнинг раҳбару ходимлари кечаю кундуз изланиш ва ҳаракатдалар. Куни кеча шаҳар ҳокими С. Юсупов, сектор раҳбарлари ва тегишли ташкилотлар масъуллари билан бирга, шаҳримиздаги марказий бозор худудини айланиб, у ердаги умумий ахволни яни бозорда фаолият кўсатаётган тадбиркорлар ва келадиган харидорларга яратилган шароитлар билан танишиб чиқдилар.

🔻Тадбиркор ва харидорлар билан суҳбатлашдилар. Бозор бўлганидан кейин, келди-кетди жараёни доимий авжида. Кириш йўлаклари, аравачалар ҳаракатланиши учун қулайликлар ҳамда автомобилда келувчилар учун автотураргох ва унга кириш-чиқиш йўли масалалари билан қизиқдилар.
✅ Автомобилларнинг тураргохга кириш-чиқиш йўлларидаги муаммони бартараф этиш юзасидан тегишли масъулларга топшириқ ва вазифалар берилди. Ўрганишлар натижасида маълум бўлган, бозор худудидаги ноқонуний қурилмаларни тез муддатда бузилиши юзасидан қурилма эгаларига огохлантириш бериб, бозор мутасаддилари назоратга олиши таъкидланди.

👉https://t.iss.one/CHIRCHIQ_RASMIY