#Bilasizmi

🔰 Qonunchilikka ko'ra, advokatga o'z himoyasidagi shaxs bilan moneliksiz va xoli uchrashish, maslahatlar berish uchun shart-sharoitlar ta'minlanadi.

📌 Advokat, uning sha'ni, qadr-qimmati va kasbiy faoliyati davlat himoyasida bo'ladi va qonun bilan muhofaza qilinadi.

💬 Telegram 🌐 Facebook
🌐 Instagram 🌎 Web-site

#Bilasizmi

Oʻzbekistonda mavjud diniy taʼlim muassasalari haqida.

Noqonuniy diniy taʼlim qanday javobgarliklarga sabab boʻladi?

📹Bu haqida batafsil videolavhada.

💬 Telegram 🌐 Facebook
🌐 Instagram 🌎 Web-site

#Bilasizmi

📜 Qonunchilikka ko'ra, yetim bolalar va ota-ona qaramog'idan mahrum bo'lgan bolalar to'g'risidagi ma'lumotlar quyidagi shaxslar va tashkilotlar tomonidan 24 soat ichida asoslantiruvchi hujjatlar bilan birga (shu jumladan, elektron shaklda) bola aniqlangan hududdagi Ijtimoiy himoya milliy agentligining tuman (shahar)lardagi “Inson” ijtimoiy xizmatlar markaziga yo'naltiriladi:

▪️ijtimoiy xodim, hokim yordamchisi, xotin-qizlar faoli, yoshlar yetakchisi ;
▪️ichki ishlar organlari;
▪️notariuslar;
▪️sog'liqni saqlash organlari;
▪️sudlar;
▪️ta'lim muassasalari;
▪️fuqarolik holati dalolatnomalarini yozish organlari.

✅ Vakolatli organga taqdim etiladigan ma'lumotlarning asoslanganligi, ishonchliligi va belgilangan muddatda taqdim etilishi uchun ma'lumotni kiritayotgan idoralarning rahbarlariga shaxsiy javobgarlik yuklanadi.

💬 Telegram 🌐 Facebook
🌐 Instagram 🌎 Web-site

#Bilasizmi

🔰Qonunchilikka ko'ra, vasiylik yoki homiylik yetim bolalar va ota-ona qaramog'idan mahrum bo'lgan bolalarga quyidagi hollarda belgilanadi:

🔹ota-onasi vafot etganda yoki sud tomonidan vafot etgan deb e'lon qilinganda;

🔹ota-onasi sud qarori bilan ota-onalik huquqidan mahrum etilganda yoki ularning ota-onalik huquqi cheklanganda;

🔹ota-onasi ikki oydan ortiq kasal bo'lishi oqibatida o'zlarining ota-onalik majburiyatlarini bajara olmaganda;

🔹ota-onasi sud qarori bilan muomalaga layoqatsiz deb topilganda;

🔹ota-onasi bedarak yo'qolganda;

🔹ota-onasi bolalarni tarbiyalash yoki ularning huquq va manfaatlarini himoya qilishdan bo'yin tovlaganda, shu jumladan, ota-ona tarbiya, davolash muassasalari, tibbiy-ijtimoiy muassasalar va shunga o'xshash muassasalardan bolasini olishdan bosh tortganda, shuningdek, boshqa zarur hollarda.

💬 Telegram 🌐 Facebook
🌐 Instagram 🌎 Web-site

#Bilasizmi

📜Qonunchilika ko'ra, vaqtinchalik mehnatga layoqatsizlik nafaqasi quyidagi hollarda beriladi:

🔹vaqtinchalik mehnat layoqatini yo'qotish bilan bog'liq kasallik vaqtida (shikastlanishda);

🔹sanatoriy va sog'lomlashtirish muassasalarida davolanganda;

🔹kasallangan oila a'zosini parvarishlash zarur bo'lganda;

🔹karantinda;

🔹sil yoki kasb kasalligi tufayli vaqtincha boshqa ishga o'tkazilganda;

🔹mehnat layoqatini tiklash yoki yasama a'zo (protez) qo'ydirish uchun reabilitatsiya muassasalariga yotqizilganda.

💬 Telegram 🌐 Facebook
🌐 Instagram 🌎 Web-site

#Bilasizmi

✔️ Qonunchilikka ko'ra, jismoniy va yuridik shaxslarga davlat organlariga, tashkilotlarga va ularning mansabdor shaxslariga yakka tartibda yoki jamoa bo'lib murojaat etish huquqi kafolatlanadi.

🚫 Murojaat etish huquqi ixtiyoriy amalga oshiriladi. Hech kim biron-bir murojaatni himoya qilishga yoxud unga qarshi qaratilgan harakatlarda ishtirok etishga majbur qilinishi mumkin emas.

🌐 Murojaat etish huquqining amalga oshirilishi boshqa jismoniy va yuridik shaxslarning huquqlarini, erkinliklarini hamda qonuniy manfaatlarini, shuningdek jamiyat va davlat manfaatlarini buzmasligi kerak.

💬 Telegram 🌐 Facebook
🌐 Instagram 🌎 Web-site

#Bilasizmi

🏢 O'zbekistonda diniy tashkilotlar va davlat organlarining faoliyati o'zaro aralashmaslik asosida amalga oshiriladi.

📌 Davlat turli dinlarga e'tiqod qiladigan va ularga e'tiqod qilmaydigan fuqarolar, turli dinlarga mansub diniy tashkilotlar o'rtasida o'zaro murosa va hurmat o'rnatilishiga ko'maklashadi.

✔️ Davlat konfessiyalarning tinch-totuv yashashiga kafil bo'ladi.

💬 Telegram 🌐 Facebook
🌐 Instagram 🌎 Web-site

#Bilasizmi

📚 Tadbirkorlarning vaqt va mablag' bilan bog'liq ortiqcha xarajatlarini qisqartirish maqsadida 2025-yil 1-maydan tadbirkor tomonidan tan olingan soliqqa oid huquqbuzarliklar bo'yicha soliq organi tomonidan ushbu tadbirkorning banklardagi hisobvaraqlari bo'yicha operasiyalarni to'xtatib qo'yish tartibi joriy etiladi.

📢 Bunda, tadbirkorlik subyekti soliqqa oid huquqbuzarlikni tan olmagan hamda soliq organi tomonidan o'zining banklardagi hisobvaraqlari bo'yicha operasiyalar to'xtatib qo'yilishiga e'tiroz bildirgan taqdirda, ushbu masala amaldagi tartibga muvofiq soliq organi arizasiga asosan sud tomonidan hal etiladi.

💬 Telegram 🌐 Facebook
🌐 Instagram 🌎 Web-site

#Bilasizmi

🔖Qonunchilikka ko‘ra, kasbga tayyorlash, qayta tayyorlash yoki malaka oshirish davrida ishsiz shaxslarga O‘zbekiston Respublikasi Bandlikka ko‘maklashish davlat jamg‘armasining mablag‘lari hisobidan, qoida tariqasida, 26 kalendar haftagacha bo‘lgan muddatga stipendiya to‘lanadi.

✅ Stipendiya miqdorlari quyidagicha:

🔸ishdan va ish haqidan (mehnat daromadidan) oxirgi 12 oylik davr ichida mahrum bo‘lgan shaxslarga — avvalgi ish joyidagi o‘rtacha oylik ish haqining 75 foizi miqdorida, lekin mehnatga haq to‘lash eng kam miqdoridan kam bo‘lmagan va O‘zbekiston Respublikasida tarkib topgan o‘rtacha ish haqidan ko‘p bo‘lmagan miqdorda;

🔸uzoq, ya’ni 1 yildan ortiq tanaffusdan keyin ishdan va ish haqidan (mehnat daromadidan) mahrum bo‘lgan shaxslarga — mehnatga haq to‘lash eng kam miqdorining 1 baravari miqdorida;

🔸birinchi marta ish qidirayotgan shaxslarga — mehnatga haq to‘lash eng kam miqdorining 75 foizi miqdorida.

⛔️Stipendiyalarni to‘lash soliq solish obyekti hisoblanmaydi.

✔️Stipendiyalar to‘lash to‘g‘risidagi ma’lumotlar «Bandlik xizmati» axborot tizimida va so‘rovnomada ko‘rsatiladi.

💬 Telegram 🌐 Facebook
🌐 Instagram 🌎 Web-site