Chirchiq shahar hokimi o'rinbosari, oila va xotin-qizlar bo'limi boshlig'i Y.Jumayeva Chirchiq davlat Pedagogika Universitetining talabalar turar joyiga borib, talabalar uchun yaratilgan shart-sharoitlar bilan tanishdi va talaba qizlar bilan davra suhbati o'tkazdi.

Davra suhbatida milliy urf-odatlar, qadriyatlar, kiyinish va muomala madaniyati, bo'sh vaqtlarini to'g'ri tashkil etish, kitobni sevish va shu kabi mavzularga e'tibor qaratildi.

💬 Telegram 🌐 Facebook
🌐 Instagram 🌎 Web-site

#Sayyor_qabul

Shahrimiz rahbari tomonidan muntazam ravishda aholini qiynayotgan muammolar oʻrganilib, sayyor qabullar oʻtkazib kelinmoqda.

Bugun shahar hokimi, 1-sektor rahbari M.Abdurahimov tomonidan navbatdagi fuqarolar qabuli 12-sonli maktabda oʻtkazildi. Unda Chirchiq shahar Xalq qabulxonasi mudiri A.Isayev, korxona-tashkilot mutasaddilari ishtirok etdi.

Qabul davomida 20 dan ortiq aholining murojaatlari tinglanib, qonun doirasida amaliy yordam koʻrsatildi.

💬 Telegram 🌐 Facebook
🌐 Instagram 🌎 Web-site

#Yarmarka

Toshkent viloyati Kambag‘allikni qisqartirish va bandlik bosh boshqarmasi hamda Davlat xizmatini rivojlantirish agentligi Toshkent viloyati filiali bilan hamkorlikda joriy yilning 10-oktabr kuni Chirchiq shahar Kambag‘allikni qisqartirish va bandlikka ko‘maklashish bo‘limida ishsiz fuqarolar, jumladan yoshlarni bandligini ta’minlash maqsadida davlat idoralari hamda tadbirkorlik subyektlari ishtirokida bo‘sh ish o‘rinlari mehnat yarmarkasi tashkil etildi.

Tashkil etilgan “Mehnat yarmarkasi”da Chirchiq shahrida faoliyat yuritayotgan 25 ta korxona va tashkilotlar o‘zlaridagi mavjud 1670 dan ziyod bo‘sh ish o‘rinlari bilan ishtirok etishdi. O‘tkazilgan “Mehnat yarmarkasi” davomida 23 nafar fuqarolarga doimiy ishga joylashish, 12 nafariga esa kasb-hunarga qayta o‘qitish uchun yo‘llanmalar berildi va 11 nafar fuqarolarga haq to‘lanadigan jamoat ishlariga jalb qilindi. Shuningdek, 69 nafariga mehnat qonunchiligi yuzasidan maslahat va ma’lumotlar berildi.

💬 Telegram 🌐 Facebook
🌐 Instagram 🌎 Web-site