#Ehtirom

USTOZ JURNALIST SAODAT MUSAYEVANING MEHNATLARI E’TROF ETILDI

O‘zbekiston Jurnalistlar uyushmasi a’zosi, ustoz jurnalist Saodat Musayevaning qutlug‘ oltmish besh yoshga to‘lishlari munosabati bilan “Chirchiq tongi” gazetasi tahririyatida uning mehnatlar, serqirra ijodi e’tirof etildi.

Ta’kidlanganidek, Saodat Musayevaning tanqidiy-tahliliy materiallari nafaqat mahalliy, balki respublika gazetalarida ham muntazam e’lon qilib borilmoqda. Turli mavzulardagi she’rlari, bolalar uchun yozgan ertaklari o‘z o‘quvchilariga ega. Uning ijodida bolalar mavzusi alohida o‘rin tutadi. 2022-yilda bolalarga bag‘ishlangan “Shifokor laylak”, “Shoshqaloq qalam” va “Qirq oyoq nega yalangayoq?” nomli kitoblari chop etilgan. Shu yili nashrdan chiqqan “Men yoshlikka qaytaman bu kech...” nomli she’riy to‘plamini esa muxlislar iliq kutib oldilar.

O‘zbekiston Jurnalistlar uyushmasi Toshkent viloyati bo‘limi raisi Rahmatilla Sheraliyev, “Chirchiq tongi” gazetasi muhariri Iroda Muxammedazizova va boshqa hamkasblari serqirra ijodkorni tabarruk yoshi bilan chin dildan muborakbod etib, unga uzoq umr, mustahkam salomatlik, oilaviy farovonlik hamda ulkan ijodiy yutuqlar tiladi.

Saodat Musayevaga O‘zbekiston Jurnalistlar uyushmasi Toshkent viloyati bo‘limining hamda “Chirchiq tongi” gazetasi tahririyatining sovg‘alari topshirildi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site