#Uchrashuv

O‘zbekiston faxriylarining ijtimoiy faoliyatini qo‘llab-quvvatlash "Nuroniy" jamg‘armasi hamda O‘zbekiston Respublikasi maktabgacha va maktab ta’limi vazirligining 2024-yil 13-apreldagi qo‘shma qaror ijrosini ta’minlash maqsadida bugun "Nuroniy" jamg‘armasi Toshkent viloyati bo‘limi raisi A.Nosirov Chirchiq shahridagi 7-maktab o‘qituvchilari bilan uchrashuv o‘tkazdi. 

Uchrashuvga Chirchiq shahar "Nuroniy" jamoatchilik kengashi faxriylari taklif etildi.       

Uchrashuv davomida hozirgi kunda o‘quvchi-yoshlar tarbiyasida kattalarning o‘rni va ta’siri, yoshlarni vatanparvarlik ruhida tarbiyalash, ularni yot g‘oyalar ta’siriga tushib qolish, o‘quvchi-yoshlar o‘rtasida jinoyatchilikni oldini olish maqsadida  kelgusida bajariladigan ishlar yuzasidan ochiq muloqot o‘tkazildi.

Dolzarb vazifalarga qaratilgan bu uchrashuv yig‘ilganlarning barchasida iliq taassurot qoldirdi.
Uchrashuv "Farzandimga bir kitob" aksiyasi jarayonlariga ulanib ketdi va faxriy mehmonlar maktabda tashkil etilgan kitob yarmarkasidan maktab kutubxonasi uchun kitoblar sovg‘a qildilar.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site

#Hamkorlik

Tatariston poytaxtida Toshkent viloyatining salohiyatiga bagʻishlangan rasmiy taqdimot oʻtkazildi

Avval xabar berganimizdek, Zoyir Mirzayev boshchiligidagi viloyatimiz delegatsiyasi Rossiya Federatsiyasi Tatariston Respublikasi poytaxti Qozon shahrida boʻlib turibdi.

Vakillarimiz Qozonda boʻlib oʻtayotgan “Halol eksport-2024. Rossiya va islom dunyosi” Xalqaro forumi ishtirok etmoqda.

Forum doirasida bugun “Oʻzbekiston-Rossiya” industrial muloqoti oʻtkazildi. Unda Savdo-sanoat palatasi viloyat boʻlimi raisi Abdurasul Abduxalilov, “Chirchiq” industrial zonasi rahbari Jahongir Abdurahmonov nutq soʻzladi.

Muloqotda Toshkent viloyatida biznes boshlash uchun yaratilgan imkoniyatlar va hududning iqtisodiy salohiyati haqida atroflicha fikr yuritildi.

✅Telegram🌐Website📹YouTube✅Facebook🕊Twitter

15-may Xalqaro oila kuni  

Oila — jamiyatning asosiy boshlang‘ich bo‘g‘ini, go‘zal urf-odatlar, milliy qadriyat va an’analarni o‘zida asrovchi, asrlar osha tarbiyada o‘ziga xos milliylikni shakllantiruvchi muqaddas maskandir.  

O‘zbekiston Respublikasi Prezidentining 2023-yil 21-dekabrdagi “Oilalarni
mustahkamlash va xotin-qizlarning faolligini oshirish bo‘yicha chora-tadbirlar to‘g‘risida”gi PQ-401-son qarorining  ijrosini ta’minlash maqsadida joriy yilning 15-may kuni Chirchiq shahrida “Yangi O‘zbekistonning – ibratli oilasi” ko‘rik tanlovining shahar bosqichi bo‘lib o‘tdi.

Tadbirga mahallalarda, sektorlarda g‘olib bo‘lgan namunali, faol ishtirok etib kelayotgan R.Aliyev, K.Ro‘ziboyev, N.Mamedov, Sh.Raxmonovlar  oilalari shahar bosqichida qatnashdi. Chirchiq shahar hokimi o‘rinbosari, Oila va xotin-qizlar bo‘limi boshlig‘i Y.Jumayeva tadbir ishtirokchilariga   tashakkurnoma va esdalik sovg‘alarini topshirdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site