#Yarmarka

Toshkent viloyati Kambag‘allikni qisqartirish va bandlik bosh boshqarmasi hamda Davlat xizmatini rivojlantirish agentligi Toshkent viloyati filiali bilan hamkorlikda joriy yilning 10-oktabr kuni Chirchiq shahar Kambag‘allikni qisqartirish va bandlikka ko‘maklashish bo‘limida ishsiz fuqarolar, jumladan yoshlarni bandligini ta’minlash maqsadida davlat idoralari hamda tadbirkorlik subyektlari ishtirokida bo‘sh ish o‘rinlari mehnat yarmarkasi tashkil etildi.

Tashkil etilgan “Mehnat yarmarkasi”da Chirchiq shahrida faoliyat yuritayotgan 25 ta korxona va tashkilotlar o‘zlaridagi mavjud 1670 dan ziyod bo‘sh ish o‘rinlari bilan ishtirok etishdi. O‘tkazilgan “Mehnat yarmarkasi” davomida 23 nafar fuqarolarga doimiy ishga joylashish, 12 nafariga esa kasb-hunarga qayta o‘qitish uchun yo‘llanmalar berildi va 11 nafar fuqarolarga haq to‘lanadigan jamoat ishlariga jalb qilindi. Shuningdek, 69 nafariga mehnat qonunchiligi yuzasidan maslahat va ma’lumotlar berildi.

💬 Telegram 🌐 Facebook
🌐 Instagram 🌎 Web-site

#Sayyor_qabul

Shahar prokurori Ummatbek Ablabekov 9-sonli maktabda 2-sektor fuqarolari bilan sayyor qabul o‘tkazdi.

Hokim o‘rinbosarlari hamda mutasaddi rahbarlar ishtirok etgan sayyor qabulda shahar IIB probatsiya guruhida hisobida turuvchi nazorat ostidagi shaxslar, har bir fuqaro va yoshlarning murojaatlari birma-bir e’tibor bilan tinglanib, ularning aksariyati o‘sha joyning o‘zidayoq yechimini topdi.

Mahallada yashovchi fuqarolarning moddiy yordam, uy-joy masalasi, piyodalar yo‘lakchasi va imtiyozli kredit olish va boshqa masalalarda murojaatlarini ijobiy hal etish yuzasidan mutasaddilarga topshiriqlar berildi.

Ayrim muddat talab qiladigan murojaatlar esa nazoratga olindi.

💬 Telegram 🌐 Facebook
🌐 Instagram 🌎 Web-site

#Uchrashuv #Hamkorlik #Kurash

Bugun Chirchiq shahar hokimi Murodjon Abdurahimov Xalqaro kurash (koresh) federatsiyasi boshqaruv raisi Ravil Nagumanov (Rossiya), Osiyo belbogʻli kurash konfedratsiyasi prezidenti Moʻmin Muratov, Xalqaro Qirgʻiz belbog’li kurash federatsiyasi prezidenti Riskeldi Shamiyev, Oʻzbekiston belbogʻli kurash federatsiyasi raisi Ravshan Dastirovlar bilan uchrashdi.

Uchrashuvda belbogʻli kurashni rivojlantirish borasida oʻzaro manfaatli hamkorlikni yoʻlga qoʻyish boʻyicha muzokaralar olib borildi.

Uchrashuv yakunida shahar hokimi tomonidan mehmonlarga esdalik sovgʻalari topshirildi.

💬 Telegram 🌐 Facebook
🌐 Instagram 🌎 Web-site