Chirchiq shahar xalq bankida O'zbekiston Respublikasi Prezidentining "Xotin-qizlar tadbirkorligini yo'lga qo'yish va rivojlantirishni qo'llab-quvvatlashga oid qo'shimcha chora-tadbirlar to'g'risida"gi 122-sonli qarorining ijrosini ta'minlash maqsadida Chirchiq shahar hokimi o'rinbosari oila va xotin-qizlar bo'limi boshlig'i Y.Jumayeva hamda Chirchiq shahar BHM xalq banki xotin-qizlar tadbirkorligini qo'llab-quvvatlash bo'yicha rahbar o'rinbosari Dilfuza Madrimovalar tomonidan mahallalarda kredit olish istagida bo'lgan xotin-qizlar bilan sayyor qabul tashkil qilindi.

Xotin-qizlarning kredit olishda duch kelayotgan muammolari va ularning hal etilishi, kredit olish va berish tartiblari, biznes rejalar bo'yicha tushuntirishlar va ko'rsatmalar berildi.
Tadbir so'ngida mahalla xotin-qizlar faollariga targ'ibot ishlarini yanada kuchaytirish maqsadida 250 turdagi loyihalar fabrikasi jamlanmasi berildi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site

#kinokarvon

Chirchiq Oliy Tank qoʻmondonlik muhandislik bilim yurtida"Biz bir bo‘lsak-yagona xalqmiz, birlashsak-Vatanmiz!" shiori ostida "Kinokarvon" loyihasi doirasida madaniy-ma’rifiy uchrashuv o‘tkazildi.

Tadbirda O'zbekiston Respublikasida xizmat ko'rsatgan artistlar Fotima Rejametova, Zuhriddin Rejametov, aktyorlar Shavkat Komilov, Begzod Tajiyev va Bahodir Mirmaxsudovlar yig'ilganlarga, bugungi kunda barcha sohalarda bo'lgani kabi kino va kinoijodkorlar uchun yaratilayotgan sharoitlar haqida so'zlab, o'z ijodlaridan qiziqarli ma'lumotlarni aytib o'tdilar.

Ushbu tadbir shahrimiz aholisida juda katta taassurot qoldirdi. Shundan so'ng,  kinokarvonga start berildi. "O'zbek qizi" kinosi namoyish etildi.
Tadbir soʻnggida Respublika Maʼnaviyat va maʼrifat markazi Chirchiq shahar boʻlinmasi rahbari Nazokat Umarova tomonidan mehmonlarga kitoblar jamlanmasi sovgʻa qilindi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site