#Rasmiy_munosabat

Ijtimoiy tarmoqlarda Chirchiq shahar "Muruvvat" mahallasi fuqarolarining yo'llarning ta'mirtalabligi borasidagi murojaat yuzasidan Chirchiq shahar hokimligining
RASMIY MUNOSABATI

Ushbu murojaat ishchi guruh tomonidan o‘rganilib, "Muruvvat" mahallasining ichki ko‘chalarida dastur bo‘yicha yo‘l ta’mirlash ishlari amalga oshirilishini ma’lum qilamiz.

Shuni ta’kidlash joizki, ushbu muammo bo‘yicha shu kunga qadar shahar hokimligiga murojaat etilmagan. Holat bo‘yicha qo‘shimcha ma’lumotlar beriladi.

Shahrimiz aholisidan shuni so‘rab qolamizki, har qanday mazmundagi muammo va takliflaringizni @Chirchiqhokimigamurojaat_bot
ushbu bot orqali o'z murojaatlaringizni yo'llashingiz mumkin.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site

#Tuhfa

Chirchiqda oilaviy poliklinika binosi foydalanishga topshirildi

Chirchiq shahridagi ”Yangi O’zbekiston” massivida bunyod etilgan 5-son oilaviy poliklinika binosi foydalanishga topshirildi.

Ochilish marosimida davlat va jamoat tashkilotlari vakillari, nuroniylar, tibbiyot faxriylari, ommaviy axborot vositalari xodimlari ishtirok etdi. Uch qavatli zamonaviy shifo maskani “Shoxrux qurilish dizayn” MChJ bunyodkorlari tomonidan qurib bitkazildi. Qurilish-montaj ishlariga 14,168 milliard so‘m miqdorda mablagʻ sarflandi.

250 kishiga mo‘ljallangan mazkur tibbiyot muassasasi shahardagi 8 ta mahallada istiqomat qiluvchi 25 mingdan ziyod aholiga tibbiy xizmat ko‘rsatadi. Ular uchun chinakam maʼnoda tuhfa boʻldi deyish mumkin. Bu yerda 14 nafar malakali shifokor va 52 nafar o‘rta tibbiyot xodimi faoliyat olib boradi.

Tadbirda Toshkent viloyati hokimi Zoyir Mirzayev ishtirok etdi.

✅Telegram🌐Website📹YouTube✅Facebook🕊Twitter

#Tuhfa

"Maʼnaviyat xiyoboni" faoliyat boshladi

Joriy yilning 4-aprel kuni Toshkent viloyati hokimi Chirchiq shahridagi "Tinchlik" mahallasida fuqarolar bilan oʻtkazgan ochiq muloqoti davomida, mazkur manzilda "Maʼnaviyat xiyoboni" tashkil qilish boʻyicha mutasaddilarga koʻrsatmalar bergan edi.

Chirchiq shahrida mazkur ziyo manzili faoliyat boshladi. 3-kichik nohiyada "Maʼnaviyat xiyoboni” foydalanishga topshirildi.

Ochilish marosimida davlat va jamoat tashkilotlari vakillari, nuroniylar, maʼnaviyat sohasi xodimlari, 22 ta shahar va tuman hokimlari hamda ommaviy axborot vositalari vakillari qatnashdi.

Xiyobon “Shohruh qurilish dizayn” mas’uliyati cheklangan jamiyati tomonidan 1 milliard 400 million so‘m mablag‘ evaziga qurib bitkazildi.

Aholi uchun dam olish va madaniy hordiq chiqarish maqsadida tashkil qilingan manzilda turli koʻngilochar tadbirlar, maʼnaviy-maʼrifiy kechalar oʻtkaziladi.

Tadbirda Toshkent viloyati hokimi Zoyir Mirzayev ishtirok etdi.

✅Telegram🌐Website📹YouTube✅Facebook🕊Twitter