#Қабул

Чирчиқ шаҳар Халқ қабулхонаси раҳбари А.Исаев ва шаҳар прокурори ўринбосари А.Исмоилов ҳамда мутасадди раҳбарлар иштирок этган "Хумо" МФЙ ҳудудидаги сайёр қабулда ҳар бир фуқаронинг мурожаатлари бирма-бир эътибор билан тингланди.

Маҳаллада яшовчи фуқароларнинг маҳалла ҳудудидаги чиқиндилар йиғиш шаҳобчасидан ўз вақтида чиқиндилар олиб чиқиб кетилмаётганлиги, иссиқлик тизими ишга тушурилиши, кўп қаватли уйнинг кириш йўлагини таъмирлаб берилиши ва қаровсиз ҳайвонлар кўпайиб кетганлиги масаласидаги мурожаатлари ижрога йўналтирилди.

Чирчиқ шаҳар ҳокимлигининг Ахборот хизмати

💬 Telegram 🌐Facebook
🌐 Instagram 🌎 Web-site

Kecha Chirchiq oliy tank qo‘mondonlik muhandislik bilim yurtida “Keksalarga hurmat - yoshlarga ibrat” degan bosh g‘oya ostida “Nuroniylar yoshlar nigohida” mavzusida madaniy tadbir o‘tkazildi.

O‘tkazilgan tadbirda Chirchiq shahar  Nuroniylar jamoatchilik kengashi a’zolari  farzandlari va nabiralari hamda bilim yurti kursantlari ishtirok etishdi.
Tadbir ishtirokchilari birinchi navbatda bilim yurti muzeyiga tashrif buyurishib, u yerdagi eksponatlar bilan tanishish asnosida bilim yurti tarixi haqida qisqacha ma’lumotga ega bo‘lishdi.

Tadbir davomida o‘quvchi yoshlar, kursantlar hamda keksa avlod vakillariga bilim yurti kursantlari orasidan tashkil etilgan badiiy xavaskorlik to‘garagi guruhi tomonidan tayorlangan musiqali chiqishlar namoyish etilib,  ular o‘rtasida shaxmat va shashka musobaqasi o‘tkazildi.
Shundan so‘ng, mehmonlar bilim yurti shon-sharaf maydoniga tashrif buyurishib, u yerdagi jangovar texnikalar namunalari bilan tanishdilar va esdalik uchun suratga tushdilar.

So‘ngra barcha tadbir ishtirokchilari bir piyola choyga taklif qilinib, madaniy xordiq chiqardilar. 
Tadbir nuroniylar va ayniqsa ularning nabiralarida chuqur taassurot qoldirdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram 🌎 Web-site