Toshkent viloyati hokimligi Bolalarni himoya qilish kotibiyati mudiri Baxtiyor Shirov, Milliy gvardiyaning Toshkent viloyati bo‘yicha boshqarmasi katta ofiseri leytenant Baxriddin Egamberdiyev va Chirchiq shahar hokimligi Bolalarni himoya qilish shoʻbasi mudiri Shuhrat Ermetovlardan iborat ishchi guruh tomonidan Chirchiq shahrida tashkil etilgan oilaviy bolalar uylarida tarbiyalanib kelayotgan bolalarga yaratilgan shart-sharoitlar, ularning ta’lim-tarbiyasi, bolalarning xohish-istagi va qiziqishlaridan kelib chiqib, tarbiyalanuvchilarining muammolarini o‘rganish hamda hal etish, ularning orzu-istaklarini ro‘yobga chiqarishga ko‘maklashish maqsadida, «Mehr daftari» tizimi orqali ular uchun zarur anjomlarni xarid qilish, turli to‘garaklarga jalb qilish va sog‘liqlarini tiklash uchun tibbiy xizmat ko‘rsatish masalalari o‘rganildi. Natijasi bo‘yicha oilaviy bolalar uylari rahbarlari va tarbiyalanuvchilarga huquqiy tushunchalar berildi.
Bundan tashqari, Toshkent viloyati hokimligi Bolalarni himoya qilish kotibiyati mudiri tomonidan shahardagi maktablarda o‘quvchilar davomati, muntazam ravishda sababsiz dars qoldirayotgan hamda oilasi bilan asossiz ravishda chet davlatlarga chiqib ketgan o‘quvchilar yuzasidan yuritilgan yig‘ma jildlar o‘rganildi. Aniqlangan kamchiliklar bo‘yicha maktablar ma’muriyatiga tegishli tavsiyalar berildi.
Shu bilan birga, Chirchiq shahrida yashayotgan 2 nafar 30 yoshgacha bo‘lgan Mehribonlik uyi bitiruvchilari bilan ularni uy-joy bilan ta’minlash masalasida suhbatlar o‘tkazildi.

💬 Telegram 🌐 Facebook
🌐 Instagram