#eʼtibor

Mamlakatimiz bo‘ylab keng nishonlanayotgan 9-may – Xotira va qadrlash kuni munosabati bilan keksalarni yo‘qlash, ularning holidan xabar olish maqsadida Toshkent viloyati hokimining o‘rinbosari Shukrullo Mahmudov, Chirchiq shahar hokimi Davron Xidoyatov sektor rahbarlari bilan birgalikda shahrimizdagi Ikkinchi jahon urushi qatnashchilari Nikolay Kudinov hamda Aklima Shayxutdinovalarning xonadonlarida bo‘lishdi.

Dastlab Prezident Shavkat Mirziyoyevning Xotira va qadrlash kuni munosabati bilan yo‘llagan bayram tabrigi o‘qib eshittirildi hamda davlatimiz rahbarining qarori bilan faxriylarga ajratilgan bir martalik 18 million so‘m pul mukofoti va maxsus esdalik sovg‘a taqdim etildi.

Shuningdek, shahar hokimligi tomonidan zamonaviy gaz plitasi hamda oziq-ovqat mahsulotlaridan iborat xayriya savatlari topshirildi.
Shahar hokimi urush faxriylari bilan dildan suhbatlashdi.

Suhbat davomida otaxon va onaxonlar o‘zining hayot yo‘llari haqida yig‘ilganlarga so‘zlar ekan, bugungi dorilomon kunlarga shukronalar aytib, duolar qilishdi.

Bayram munosabati bilan ko‘rsatilgan ushbu e’tibor uchun kun qahramonlari va ularning yaqinlari davlatimiz rahbari va tashkilotchilarga minnatdorlik bildirdilar.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

#sport

CHIRCHIQ SPORT MAKTABIDA SPORT TURLARI BO‘YICHA MUSOBAQALAR O‘TKAZILDI

Xususan, 7-may kuni Turon sport turi bo‘yicha 2009-2010- yillarda tug‘ilgan bolalar o‘rtasida Chirchiq shahar sport maktabi birinchiligi bo‘lib o‘tdi. Murosasiz kechgan bahslarda Izzat Turdaliyev (37 kg.), Sanjar Nomozov (40 kg.), Jahongir Ahmadov (44 kg.), Shamsiddin Hakimjonov (48 kg.)lar o‘z vazn toifalarida g‘olib bo‘lishdi. Shuningdek, 7-may kuni badiiy gimnastika bo‘yicha 2008-2009 yillarda tug‘ilgan qizlar o‘rtasida ham ham sport maktabi birinchiligi bellashuvlari tashkil etildi. 100 nafarga yaqin sportchi-qizlar ishtirok etgan ushbu birinchilikda Nigina Nigmatova, Jasmina Anuarova, Aqjan Ordabekova, Durdona Urazbayeva, Sevinch Zokirova, Ainur Orinbosarova hamda Zuhra Hayitboyevalar kuchli uchlikdan joy olishdi.
Bundan tashqari 7-may kuni karate WKF bo‘yicha 10-15 yoshli o‘g‘il bolalar va qizlar o‘rtasida Chirchiq sport maktabi ochiq birinchiligi musobaqasi o‘tkazildi. Yuqori saviyada o‘tgan ochiq birinchilikda Samarqand, Toshkent viloyati, qo‘shni Qozog‘iston, Tojikiston respublikalaridan 250 nafardan ortiq sportchilar ishtirok etishdi. Ochiq birinchilikning yakuniy natijalariga ko‘ra, barcha vazn toifalarida yuqori o‘rinlarni egallagan sportchilar diplom, medal va esdalik sovg‘alari bilan mukofotlanishdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

#9_may_Xotira_va_qadrlash_kuni

Chirchiq shahar maktabgacha va maktab ta'limi boʻlimi tasarrufidagi 5-sonli davlat maktabgacha ta'lim tashkilotida 9-may "Xotira va qadrlash kuni" bayramiga bagʻishlangan tadbir bolib o'tdi. Tadbirda "Iftixor" MFY Xotin- qizlar faoli M. Ochildiyeva va Oqila ayollar harakati a'zolari M.Abdukarimova, S.Yunusova, R.Tulayevalar ishtirok etishdi.

Tadbirda bayram munosabati bilan tarbiyalanuvchilar tomonidan she'r, qoʻshiq, sahna koʻrinishi va raqslar namoyish etildi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

#5tashabbus

BESH TASHABBUS OLIMPIADASI DOIRASIDA STOL TENNISI MUSOBAQALARI O‘TKAZILDI

Chirchiq shahrida besh tashabbus olimpiadasi doirasidagi sport bellashuvlari qizg‘in davom etmoqda. Xususan, 6-may kuni shahardagi mahallalar o‘rtasida stol tennisi bo‘yicha 11-16,16-21, 22-26 hamda 27-30 yosh toifasiga ko‘ra Chirchiq shahar bosqichi bellashuvlari bo‘lib o‘tdi. Yoshlar ishlari agentligi Chirchiq shahar bo‘limi, Chirchiq shahar sport maktabi hamda boshqa mas’ul tashkilotlar hamkorligida o‘tkazilgan ushbu musobaqalarning yakuniy natijalariga 11-16 yoshli qizlar o‘rtasida "Gʻalaba" mahallasi jamoasi birinchi bo‘ldi. Xuddi shu yoshdagi o‘g‘il bolalar bahsida "Shodlik" MFY jamoasi g‘olib bo‘ldi. 16-21 yoshli o‘g‘il bolalar va qizlar o‘rtasidagi musobaqada "A.Yassaviy" MFY yetakchilik qilgan bo‘lsa, 22-26 yoshli jamolar bellashuvlarida "Kabutar" MFY (o‘g‘il bolalar), "Madaniyat" (qizlar) birinchilikni qo‘lga kiritishdi. 27-30 yoshlilarda "Madaniyat" MFY erkaklari yetakchilik qilishgan bo‘lsa, shu yosh toifasidagi xotin-qizlar "Turon" mahallasi barcha raqiblaridan ustun keldi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram