#xotira_muqaddas
#Fotoreportaj

💬 Telegram 🌐 Facebook
🌐 Instagram

#xotira_muqaddas

SHAHRIMIZDA "TURNALAR" YODGORLIK MAJMUASI POYIGA GUL QO‘YISH MAROSIMI BO‘LIB O‘TDI

Mamlakatimizda 9-may — Xotira va qadrlash kuni munosabati bilan turli tadbir va marosimlar tashkil etilib, urush faxriylari va keksalarni yo‘qlash, ularga hurmat va ehtirom ko‘rsatilmoqda.

Xususan, Chirchiq shahrida ham ayyom munosabati bilan "Turnalar" yodgorlik majmuasi poyiga gul qo‘yish marosimi o‘tkazildi.

Shahar hokimi Davron Xidoyatov, sektor rahbarlari, korxona-tashkilot mutasaddilari hamda huquq-tartibot idoralari rahbarlari, keng jamoatchilik vakillari, nuroniylar va yoshlar, davlat va jamoat tashkilotlaridan iborat guruhlar Vatanimiz tinchligi va farovon hayotimiz shukronasiga samimiy hurmat bajo keltirishdi.

Tadbir davomida shahar aholisi, keksalar va yoshlar ham bugungi sharafli bayramda faol qatnashib, bugungi dorilomon kunlarga shukronalar aytishdi.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram

#eʼtibor

Mamlakatimiz bo‘ylab keng nishonlanayotgan 9-may – Xotira va qadrlash kuni munosabati bilan keksalarni yo‘qlash, ularning holidan xabar olish maqsadida Toshkent viloyati hokimining o‘rinbosari Shukrullo Mahmudov, Chirchiq shahar hokimi Davron Xidoyatov sektor rahbarlari bilan birgalikda shahrimizdagi Ikkinchi jahon urushi qatnashchilari Nikolay Kudinov hamda Aklima Shayxutdinovalarning xonadonlarida bo‘lishdi.

Dastlab Prezident Shavkat Mirziyoyevning Xotira va qadrlash kuni munosabati bilan yo‘llagan bayram tabrigi o‘qib eshittirildi hamda davlatimiz rahbarining qarori bilan faxriylarga ajratilgan bir martalik 18 million so‘m pul mukofoti va maxsus esdalik sovg‘a taqdim etildi.

Shuningdek, shahar hokimligi tomonidan zamonaviy gaz plitasi hamda oziq-ovqat mahsulotlaridan iborat xayriya savatlari topshirildi.
Shahar hokimi urush faxriylari bilan dildan suhbatlashdi.

Suhbat davomida otaxon va onaxonlar o‘zining hayot yo‘llari haqida yig‘ilganlarga so‘zlar ekan, bugungi dorilomon kunlarga shukronalar aytib, duolar qilishdi.

Bayram munosabati bilan ko‘rsatilgan ushbu e’tibor uchun kun qahramonlari va ularning yaqinlari davlatimiz rahbari va tashkilotchilarga minnatdorlik bildirdilar.

Chirchiq shahar hokimligining Axborot xizmati

💬 Telegram 🌐 Facebook
🌐 Instagram