​​Universiada -2023
TOSHKENT VILOYATI JAMOASI BIRINCHI BOʻLISHDI

Mamlakatimizda oliy oʻquv yurtlari talabalari oʻrtasida koʻp yillardan buyon oʻtkazilib kelinayotgan Universiada sport oʻyinlari chin maʼnoda jismoniy tarbiya va sportni yoshlar orasida ommaviyligini taʼminlashda, talabalarning sport turlariga boʻlgan qiziqishning ortishiga, qolaversa, isteʼdodli talaba-yoshlar saralanib, ularning katta sport sari dadil qadam tashlashiga muhim vosita boʻlib xizmat qilmoqda.
Universiada sport oʻyinlari dasturidan joy olgan sportning belbogʻli kurash turi boʻyicha joriy yilning 18-19-fevral kunlari Chirchiq olimpiya va paralimpiya sport turlariga tayyorlash markazining yangidan barpo etilgan zamonaviy sport zalida yuqori saviyada boʻlib oʻtgan respublika final bosqichida ham eng kuchli va iqtidorli sportchilar saralandi.
Mazkur musobaqada Qoraqalpogʻiston Respublikasi, Toshkent shahri va barcha viloyatlardan 98 nafar yigitlardan iborat sportchi-talabalar 55, 60, 66, 73, 81, 90, +90 kg. vazn toifasida gʻoliblik uchun bellashishdi. Toshkent viloyati hokimligi, Oʻzbekiston talabalar sporti assotsiatsiyasi, Toshkent viloyati yoshlar siyosati va sport bosh boshqarmasi hamda Oʻzbekiston belbogʻli kurash federatsiyasi hamkorligida yuqori saviyada tashkil etilgan musobaqaning barcha vazn toifalari boʻyicha gʻolib va sovrindor sportchilar nomi aniqlandi.
Demak, belbogʻli kurash boʻyicha “Universiada – 2023”ning gʻolib va sovrindorlari bilan tanishamiz.
55 kg.
1. Asomiddin Zokirjonov (Toshkent v.)
2. Saʼdulla Moʻminov (Fargʻona)
3. Nurillo Kamolov (Navoiy)
3. Laziz Toshkentbokv (Samarqand)
60 kg.
1. Kamron Ortiqov (Toshkent v)
2. Abdulla Mamadaminov (Buxoro)
3. Sohibjon Jakbaraliyev (Namangan)
3. Diyorxoʻja Moʻydinov (Fargʻona)
66 kg.
1. Azizbek Azimjonov (Fargʻona)
2. Sarvar Toʻxtasinov (Namangan)
3. Diyorbek Saydullayev (Sirdaryo)
3.Jamolbek Allayorov (Surxondaryo)
73 kg.
1. Samandar Anvarov (Fargʻona)
2. Nusrat Yoʻldoshev (Toshkent v.)
3. Azizbek Abduqodirov (Sirdaryo)
3. Alibek Bekmurodov (Buxoro)
81 kg.
1. Mavlonbek Mirkomilov (Andijon)
2. Diyorbek Xudoyberganov (Toshkent v.)
3. Ibrat Maʼmurov (Samarqand)
3. Ziyodulla Tursunboyev (Namangan)
90 kg.
1. Bekzod Abdurahmonov (Toshkent v.)
2. Rahmatilla Anvarjonov (Namangan)
3. Bekzod Ahmedov (Toshkent)
3.Ulugʻbek Bolqiboyev (Jizzax)
+90 kg.
1. Ilyosbek Ortiqjonov (Toshkent v.)
2. Shohruxbek Mirolimov (Fargʻona)
3. Jasur Mahmudov (Jizzax)
3. Rivojiddin Sharofiddinov (Namangan)
Umumjamoa hisobida Oʻzbekiston davlat jismoniy tarbiya va sport universitetining talabalaridan iborat Toshkent viloyati jamoasi faxrli birinchi oʻrinni egallashdi. Ikkinchi oʻrinni Fargʻona viloyati talabalari qoʻlga kiritgan boʻlsa, uchinchi oʻrin namanganlik talaba-sportchilarga nasib etdi.
Bellashuvlar yakuniga yetgach, gʻolib va sovrindorlarni taqdirlash marosimi boʻlib oʻtdi. Gʻolib va sovrindor sportchi-talabalar diplom, medal va qimmatbaho esdalik sovgʻalari bilan mukofotlanishdi.
Taqdirlash marosimida Toshkent viloyati yoshlar siyosati va sport bosh boshqarmasi boshligʻi Rustam Boboqulov, Oʻzbekiston belbogʻli kurash federatsiyasi raisi Ravshan Dastirov, Oʻzbekiston talablar sporti assotsiatsiyasi sport boʻlimi boshligʻi Gʻolibjon Ibodov ishtirok etdi.

#Aksiya

Toshkent viloyati adliya boshqarmasi tomonidan “ADLIYA TADBIRKORNING MANFAATIDA” aksiyasi o‘tkaziladi.

Batafsil infografikada👆

Kanalga ulanish
https://t.iss.one/toshkentviladliya