#Qonunchilikdagi_yangiliklar

Dala chetlaridagi yerlarda mahsulot yetishtirish tizimi takomillashtiriladi

“Qishloq xoʻjaligi korxonalari dala chetlaridagi yer maydonlarida mahsulot yetishtirish tizimini takomillashtirish chora-tadbirlari toʻgʻrisida” gi Prezident qarori (PQ–121-son, 12.04.2023-y.) qabul qilindi

🔰Qarorga koʻra, Qishloq xoʻjaligida xizmatlar koʻrsatish agentligiga dala chetlarida ishlarni toʻgʻri va sifatli tashkil qilish, yer egalariga ekishdan boshlab mahsulotni realizatsiya qilishgacha boʻlgan davrda amaliy yordam berish uchun 2023-yilda har bir tumanga 4 nafargacha, jami 672 nafargacha mavsumiy agronomlarni ishga qabul qilishga ruxsat berildi.

▶️ Buning uchun Agentlik tizimida qishloq xoʻjaligi korxonalari dala chetlaridagi yer maydonlarida mahsulot yetishtirishni joriy qilishga masʼul boʻlgan direktor oʻrinbosari shtati joriy qilinadi.

📝 Prezident qarori doirasida Agentlikning Bogʻdorchilik va issiqxona xoʻjaligini rivojlantirish jamgʻarmasiga 2023-yilda ajratilishi koʻzda tutilgan 400 milliard soʻm byudjet ssudasi hisobidan 100 milliard soʻm yillik 10 foiz stavkada quyidagi maqsadlar uchun sarflanishi belgilandi:

🔹dala chetini oʻzlashtirish va mahsulot yetishtirish uchun zarur boʻlgan urugʻ, koʻchatlar, mineral oʻgʻitlar, kimyoviy preparatlar, moddiy-texnik resurslar bilan taʼminlash;

🔹suv bilan taʼminlash uchun nasos va quvurlarni oʻrnatishga 6 oygacha imtiyozli davr bilan 12 oy muddatga yillik 14 foiz stavkada qarz ajratish. Bunda, berilayotgan qarz mablagʻlari olinayotgan daromadning 50 foizidan oshib ketishi mumkin emas.

✅ Qarorga koʻra, Fermer, dehqon xoʻjaliklari va tomorqa yer egalarini qoʻllab-quvvatlash jamgʻarmasi tomonidan quritish sexi va sovitkichli omborxonalarni xarid qilishga 50 milliard soʻm mablagʻ ajratiladi, ushbu mablagʻlar:

🔸qishloq xoʻjaligi korxonalariga 36 oygacha imtiyozli davr bilan 84 oy muddatga yillik 14 foiz stavkada ajratiladi.

☑️ Oilaviy tadbirkorlikni rivojlantirish dasturlari doirasida qishloq xoʻjaligi yerlari atrofida kollektor-drenaj tarmoqlari mavjud boʻlgan fermer xoʻjaliklariga zovur suvlarida 200–250 boshdan oʻrdak boqish va asalari uyasi tashkil qilish uchun yillik 14 foiz stavkada imtiyozli kreditlar ajratiladi.

🗓 2023–2025-yillarda Sirdaryo viloyatida foydalanilmay boʻsh turgan dala chetlari hamda kollektor-drenajlar atroflaridagi 500 gektar maydonda ixcham “ijtimoiy issiqxona”ni tashkil qilinib, “Temir daftar”, “Yoshlar daftari”, “Ayollar daftari”ga kiritilgan hamda mehnat migratsiyasidan qaytgan fuqarolarga tayyor holda 2,5 sotixdan ajratiladi.

Kanalga ulanish👇👇👇
https://t.iss.one/huquqiyaxborot_lotin

#befarqemasman

Феруз Азимов, Олий Мажлис Қонунчилик палатаси депутати ёрдамчиси:

— Янгиланаётган Конституцияда инсон қадрини юксалтириш ва эркин фуқаролик жамиятини ривожлантириш борасида кўплаб янги норма ва қоидалар ўз аксини топмоқда. Жумладан 98-моддада фуқаролар ҳам қонунчилик ташаббуси ҳуқуқига эга эканлиги белгиланмоқда. Бунда Қонун лойиҳаларини, қонунчилик таклифларини киритиш ва кўриб чиқиш тартиби алоҳида қонун билан белгиланмоқда. Конституция даражасида бундай қоиданинг киритилиши давлат ишларини бошқаришда фуқароларнинг иштирокини кенгайтиришга ва жамиятни янада демократлаштиришга хизмат қилади. Шундай экан, мен бу ўзгаришларга бефарқ эмасман!

@menbefarqemasman