#Бўстонлиқ_тумани
#фестивал

Ёшлик - умрнинг энг гўзал палласи, ғайрату шижоат, куч-қудратнинг манбаи. Ҳаётнинг ҳали ҳеч ким куйламаган нотаси бу ёшликдир.

Шу кунларда республикамиз бўйлаб кенг кўламда ташкил этилаётган ёшлар фестивали садолари бугун туманимизда жаранг сочди. Ўз атрофига миллионлаб ёшларни жамлаётган "Янги Ўзбекистон ёшлари, бирлашайлик!" фестивали туманимиз аҳолиси ёдида кўп вақт ёрқин хотиралар билан сақланиб қоладиган бўлди.

Эрта тонгдан старт олган фестиваль доирасидаги тадбирлар айни дамга қадар узлуксиз давом этди. Ёшларнинг жисмоний қобилиятларини синовдан ўтказувчи, улар орасида соғлом турмуш тарзини тарғиб қилишга хизмат қилувчи турли спорт мусобақаларида иштирок этганлар орасидан кўплаб ғолиб ва совриндорлар аниқланди.

Миллий урф-одат ва анъаналаримиз намойишига айланган халқ дасталари, этнографик жамоалар томонидан тайёрланган бадиий чиқишлар орасида қозоқ миллий жамоаси "Балауса"нинг қўшиғу ўланлари қадриятларнинг беназир намойиши бўлди. Бир ёнда дорбозларнинг ўйинию, яна бир томонда эса экологик кўргазма ташкил этилган бўлса, ёшларни маънавиятга, меҳнатга чорловчи ярмаркалар мутахассис ва истеъдодларни бир ерда жамлади.

Мазкур фестиваль доирасида ташкил этилган тадбирлар орасида қишлоқ хўжалиги маҳсулотлари ва савдо расталари намойиши ҳам бўлиб ўтди. Ўзимизнинг экологик тоза ва сифатли маҳсулотларимиз кўргазмаси ташриф буюрган меҳмонлар эътиборини жалб этмай қолмади.

Ушбу фестиваль нафақат ёшларнинг истеъдод ва имкониятларини намойиш этишга хизмат қилди, балки ижтимоий ҳаётдаги фаоллиги билан алоҳида ўрнак намуналарини кўрсатган бир гуруҳ ёшлар туман ҳокимининг фахрий ёрлиғи ҳамда қимматбаҳо совғаларини қўлга киритдилар. Унутилмас ва ҳаяжонли дамларга бой бўлган ушбу лаҳзалар энди уларнинг ёдида кўп йиллар сақланиб қолишига ишонамиз.
Шундан сўнг фестивалнинг мусиқий кечаси ёшларнинг севимли лойиҳаси бўлмиш "Muzqaymoq party" тадбирлари дастурига уланиб кетди. Турли мусобақалар, викториналар, шоулар ёшларни янада фаолликка чорлаган бўлса, эл суйган санъаткорларнинг бадиий намойишлари эса барчани рақсга чорлади.

Бир сўз билан айтганда, фестиваль таассуротлари ёрқин лаҳзалар билан яна бир тарих зарварақларига муҳрланди. Бугун кўзларда порлаган шодлик, қувонч келажакдаги юксак марраларга замин бўлади. Қарийб 20 мингдан зиёд ёшларни бир манзилда жамлаган ушбу фестиваль янги Ўзбекистон ёшларига берилган яна бир имкон бўлди, десак хато қилмаган бўламиз. Зеро, шоир айтганидек, ҳаётнинг ҳар лаҳзаси гўзал, умрнинг ҳар дами ғанимат...

Жараёндан фотолавҳалар...

Бўстонлиқ тумани ҳокимлиги Ахборот хизмати

👉Каналга уланиш: https://t.iss.one/Bustonliq_tuman_hokimligi

#Бўстонлиқ_тумани
#фестивал

✨"Янги Ўзбекистон ёшлари, бирлашайлик!" фестивали

🎥Батафсил "UzReport TV" лавҳасида👆

Бўстонлиқ тумани ҳокимлиги Ахборот хизмати

👉Каналга уланиш: https://t.iss.one/Bustonliq_tuman_hokimligi

#Бўстонлиқ_тумани
#фестивал

✨"Янги Ўзбекистон ёшлари, бирлашайлик!" фестивали

🎥Батафсил "Toshkent" телеканали лавҳасида👆

Бўстонлиқ тумани ҳокимлиги Ахборот хизмати

👉Каналга уланиш: https://t.iss.one/Bustonliq_tuman_hokimligi