#Vatanparvarlik_karvoni
#Boʻstonliq_tumanida

Qadrli Bo'stonliq tumani aholisi!

🟢Barchangizni “Tinchligimiz, farovonlik va taraqqiyot uchun!” shiori ostida O‘zbekiston yoshlar ittifoqi Toshkent viloyati Kengashi, Mudofaa vazirligi, Bo‘stonliq tumani hokimligi va Yoshlar ishlari agentligi tuman boʻlimi bilan hamkorlikda o‘tkaziladigan harbiy vatanparvarlik karvoniga taklif etamiz.

📍Manzil: Bo‘stonliq tumani, Talpin MFY

📆O'tkazilish vaqti: 2023-yil 28-iyul kuni soat 18:00da

📝Konsert dasturida:

😄Harbiy orkestrlar chiqishlari;
😄Harbiylarning qo‘l jangi chiqishlari;
😄Faxriy qorovul vzvodining ko‘rgazmali chiqishlari;
😄 Kamondan o‘q otish musobaqalari;
😄 Xizmat itlari va otlarining ko‘rgazmali chiqishlari;
😄 Qurolli kuchlarimizdagi zamonaviy qurol-aslahalar ko‘rgazmasi;
😄 “Vatanparvar” tashkilotining sportning texnik turlari bo‘yicha ko‘rgazmasi;
😄 Taniqli estrada yulduzlari va xonandalarining konsert dasturlarini tomosha qilishga taklif etamiz.

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram

#Boʻstonliq_tumanida
#Vatanparvarlik_karvoni

Vatanparvarlik karvoni Boʻstonliq tumanida

▶️Batafsil “Nurafshon TV” telekanali lavhasida

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram

#Boʻstonliq_tumanida
#xotira

Ikki ustoz qoldirgan maʼrifat bogʻi…

🟢Oʻqituvchi oʻz shogirdi uchun ibrat boʻla olishi kerak. Shuning uchun bu kasb egalari elda eʼzozlanadi. Yillar oʻtib esa, chiroyli xotiralar bilan esga olinadi...

🟢Nazira Ashirboyeva 1948-yilda Qoronqul qishlogʻida tugʻilgan edi. U voyaga yetgan oilada sakkiz nafar farzand boʻlgan, ulardan uchtasi oʻgʻil, besh nafari qiz edi. Ustoz esa oiladagi toʻngʻich farzand boʻlgan.
Bolaligidan oʻqituvchilik kasbiga havas qilgan N.Ashirboyeva Toshkent davlat pedagogika bilim yurtiga oʻqishga kiradi. Mazkur ilm dargohini tamomlab, Qoronqul qishlogʻidagi 15-maktabda boshlangʻich sinf oʻqituvchisi sifatida ish boshlaydi. Koʻngliga oliy maʼlumotli boʻlishni ham tugib qoʻygan ekan, orzulari ushaldi...

🟢Nazira Ashirboyeva 1970-yilda Toshkent davlat pedagogika institutining oʻzbek tili va adabiyoti fakultetiga oʻqishga kirdi. U 1974-yilda mazkur oliygohni aʼlo baholarga tamomlab, diplom sohibi boʻldi. Ustoz maktabga ilk bor oʻqituvchi boʻlib kelganida Rixsiboy Egamberdiyev bilan tanishadi. Keyinchalik ular oila qurishadi.

🟢Oʻqituvchi Rixsiboy aka oʻquvchilarga matematika fanidan saboq bergan. U talabchan mutaxassislardan biri boʻlgan. Bolalar bu ikki ustozning nasihatlariga, hikmatli soʻzlariga quloq solib ulgʻaydilar. Ular oʻz oʻquvchilarini bilimli, jamiyatda oʻz oʻrniga ega mutaxassis boʻlishi haqida qaygʻurdilar. Bugun esa ularning shogirdlari xalq xoʻjaligining turli sohalarida mehnat qilmoqdalar…

🟢Inson umri misli daryoga qiyos. U bir lahza tin olmasdan shiddat bilan oqaveradi. Yonimizdagi odamlar qanchalar qadrli ekanligini faqatgina ularni yoʻqotganda anglay boshlaymiz. Ayniqsa, gap ustozlar haqida ketar ekan, ularning mehrini his qilging, bir zum boʻlsa-da suhbatida boʻlging kelaveradi. Ammo ularni chinakamiga yoʻqotganingni anglaganingda esa...

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram

#Boʻstonliq_tumanida

Shunday yashar odatda odam

🟢Oliy toifali, 43 yillik mehnat stajiga ega boʻlgan matematika fani oʻqituvchisi Millavoy Normetov tumanning eng tajribali va fidoyi pedagoglaridan biri hisoblanadi. Ustoz 2010-yilda “Yil¬ning eng yaxshi fan oʻqituvchisi” koʻrik-tanlovida qatnashib faxrli oʻrinni egallagan.

🟢U tojik tilida nashrdan chiqqan “Matematika”, “Algebra” va “Geometriya” darsliklariga turli yillarda tarjimon va muharrirlik qilgan.

🟢M.Normetov faoliyati davomida 7 ta oʻquv-uslubiy qoʻllanma va 30 dan ziyod elektron dars ishlanmalarini yaratgan. 2018-2021-yillarda muallimning muallifligida “Matematikadan fakultativ mashgʻulotlar” va “Matematikadan qiziqarli va nostandart masalalar”, “Matematikadan olimpiada testlari” oʻquv qoʻllanmalari chop etildi. Shuningdek, uning qalamiga mansub boʻlgan bir qancha ilmiy va uslubiy maqolalar davriy nashrlarda eʼlon qilingan.

🟢Millavoy Normetov tomonidan tayyorlangan oʻquvchilar iqtidorli boʻlish bilan birga uning samarali mehnatlari evaziga “Bilimlar bellashuvi” va fan olimpiadalarida faxrli oʻrinlarni qoʻlga kiritib kelmoqdalar. Uning koʻplab oʻquvchilari har yili fan olimpiadalarida muvaffaqiyatli ishtirok etib, sovrinli oʻrinlarni egallab kelishmoqda.

🟢2018-2022-yilgacha 16 nafar oʻquvchisi matematika fanidan tumanda birinchi oʻrinni egallab, viloyat miqyosidagi fan olimpiadasi, iqtidorli yoshlar innovatsion olimpiadasi va xalqaro matematika musobaqasining saralash bosqichida qatnashdilar. 2018-yilda 10-sinf oʻquvchisi G.Zokirjonova Iqtidorli yoshlar innovatsion olimpiadasining viloyat bosqichida 2-oʻrinni va 9-sinf oʻquvchisi A.Tillaboyev esa 3-oʻrinni egalladi.

🟢Qoʻqon olimpiadasi, Al-Xorazmiy matematika olimpiadasi, xalqaro matematika olimpiadasining respublika bosqichida qatnashdilar. 2021-yilda 10-sinf oʻquvchilari S.Akbarova, R.Rahmatulloyeva, 11-sinf oʻquvchisi G.Risqimbekova, 8-sinf oʻquvchisi Sh.Joʻravoyev Qoʻqon olimpiadasining viloyat bosqichida qatnashdilar. 8-sinf oʻquvchisi Sh.Joʻravoyev Al-Xorazmiy matematika olimpiadasining viloyat bosqichida qatnashib faxrli 1-oʻrinni egallab, respublika bosqichiga yoʻllanma olgan.

🟢M.Normetovning 40 dan ziyod shogirdlari oʻqituvchilik kasbini ardoqlab kelmoqdalar. Ularning safida fizika-matematika fanlari nomzodi, I.Karimov nomidagi Toshkent texnika universitetining “Oliy matematika” kafedrasi mudiri Sh.Pirmatov, fizika-matematika fanlari doktori, Toshkent irrigatsiya va qishloq xoʻjaligini mexanizatsiyalash muhandislik institutining “Gidromelioratsiya” fakulteti dekani A.Fatxullayev, texnika fanlari doktori D.Arifjanova, ximiya fanlari nomzodi R.Vorisova, geologiya fanlari nomzodi D.Alimjonov, falsafa fanlari doktori M.Abdujabborovalarning borligi quvonarlidir.

🟢Mehnat qilgan elda aziz deydilar. Fidoyi ustozning mehnatlari davlatimiz tomonidan munosib baholangan. Unga 2004-yili “El-yurt hurmati” ordeni, 2021-yili esa “Oʻzbekiston Respublikasida xizmat koʻrsatgan xalq taʼlimi xodimi” unvoni berilgan.

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram

#Boʻstonliq_tumanida

Togʻlar bagʻridagi moʻjaz maktab

🟢Tumandagi 24-sonli umumiy oʻrta taʼlim maktabi 1930-yilda tashkil etilgan boʻlib, T.Perneev, Z.Bimurzayevlar maktabning birinchi oʻqituvchilari hisoblanadilar.

🟢1959-yilda maktab boshlangʻich 4 yillik boʻlib, bu yerda D.Miraliyev fidoyi ustoz sifatida faoliyat koʻrsatgan. 1966-yildan boshlab maktab 8 yillikka aylantirilgan.

🟢1982-yili yangi maktab binosi qad rostladi. 1989-yili maktabga Ikkinchi jahon urushi qatnashchisi, qahramon Qanglibay Tasqulov nomi berilgan.

🟢Maktabda koʻp yillar direktor boʻlgan, yangi maktabning bunyod etilishiga oʻz hissasini qoʻshgan T.Bimurzayev, matematika fani oʻqituvchisi O.Dauilov, qozoq tili va adabiyot fani oʻqituvchisi A.Dartayevlarning nomlarini jonkuyar ustozlar sifatida tilga olish oʻrinli.

🟢1992-yili mazkur ilm dargohiga Q.Isaqov direktor etib tayinlandi va u 24 yil davomida ilm dargohini mohirona boshqarib keldi.
Mazkur taʼlim dargohi 320 oʻringa moʻljallangan boʻlib, bugungi kunda 150 nafardan ziyod oʻgʻil-qizlarga ustozlar saboq berib kelmoqdalar.

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram

#Boʻstonliq_tumanida

Yosh, isteʼdodli va ijodkor oʻqituvchi

🟢Soʻnggi yillarda davlatimiz rahbari tomonidan musiqa va sanʼatga katta eʼtibor qaratilmoqda. Buni birgina 2022-yilning 2-fevralidagi “Madaniyat va sanʼat sohasini yanada rivojlantirishga doir qoʻshimcha chora-tadbirlar toʻgʻrisida”gi 112-sonli Qarori misolida ham koʻrishimiz mumkin. Natijada musiqa fanining oʻrni taʼlimda sezilarli darajada ortib bormoqda. Bu esa soha mutaxassislariga ham masʼuliyat yuklaydi. Ularni oʻz ustida tinimsiz ishlashga undaydi.

🟢Tumanimizda taʼlim sohasida muvaffaqiyatlarga erishayotgan ustozlarimiz talaygina. Shulardan biri 2-sonli ixtisoslashgan davlat umumtaʼlim maktabining musiqa madaniyati fani oʻqituvchisi Ulugʻbek Mirzahmedovdir.

🟢Ulugʻbek yosh boʻlishiga qaramasdan sohada ancha muvaffaqiyatlarga erishgan. Tumanning faxriga aylanayotgan ustoz shu kunga qator koʻplab yutuqlarga erishib ulgurgan. Jumladan, “Xalq taʼlimi aʼlochisi” koʻkrak nishoni sohibi boʻlgan. Umumtaʼlim maktablari pedagoglari oʻrtasida boʻlib oʻtgan “Yil oʻqituvchisi” koʻrik-tanlovi va “Fan toʻgaraklari” boʻyicha tashkil etilgan Respublika festival-tanlovida gʻoliblikni qoʻlga kiritdi. Shuningdek, “Yil pedagogi”, “Лучший молодой учёный — 2021” Xalqaro tanlovlari gʻolibi boʻlgan. Bir qator oʻquv qoʻllanmalari nashr etilgan.

🟢U.Mirzahmedov bolalarga taʼlim berish bilan bir qatorda musiqa sanʼati yoʻnalishida ham salmoqli ijod qilib kelmoqda. Uning ijod mahsullaridan boʻlgan qirqqa yaqin bolalar uchun yaratilgan qoʻshiqlar allaqachon oʻz muxlislarini topib ulgurgan. Ulugʻbek Mirzahmedov Respublikada bastakor, kompozitor va musiqashunoslarni birlashtiruvchi ijodiy jamoat tashkiloti — Oʻzbekiston bastakorlar uyushmasi aʼzosi hisoblanadi.

🟢Soʻzimiz avvalida taʼkidlaganimizdek, davlatimiz rahbarining Qarori Ulugʻbek kabi isteʼdodli va bilimli ustozlar uchun ayni muddao boʻldi. Chunki oʻz sohasida yutuqlarga erishgan ustoz bugun ortidan chin maʼnoda sanʼatsevar yoshlarni ergashtirmoqda. Zero, sanʼatga oshno inson yuragida hamisha yaxshilik yashaydi.

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram

#Boʻstonliq_tumanida
#shukuh

Dunyoda boʻlmasa muallim agar...

Hayot kitobining avvali, boshi,
Togʻlardan mustahkam sabr-u bardoshi,
Sizga salom boʻlsin, qalblar quyoshi,
Soʻzlarning gulidan izhori dilim,
Ey aziz muallim, aziz muallim.

🟢1-oktyabr — Oʻqituvchi va murabbiylar kuni munosabati bilan Gʻazalkent shahrida joylashgan “Grand Azia” toʻyxonasida tumandagi taʼlim fidoyilari uchun bayram tadbiri tashkil etildi.

🟢Tadbirda tuman hokimi J.Axmedov boshchiligida sektor rahbarlari ishtirok etib, ustozlarni bayram bilan qutladilar.

🟢Shuningdek, taʼlim tizimini rivojlantirish, yoshlarni ona Vatanga mehr va sadoqat, umuminsoniy qadriyatlarga hurmat ruhida tarbiyalashdagi ibratli faoliyati uchun bir qator ustoz va murabbiylar eʼtirof etildilar.

Boʻstonliq tumani hokimligi Axborot xizmati

👉Kanalga ulanish: https://t.iss.one/Bustonliq_tuman_hokimligi

🌍Web-site | ✅Telegram |💬Facebook |📸 Instagram