Ўзбекистон Давлат байроғи қабул қилинган куннинг 32 йиллиги муносабати билан ўтказиладиган “Янги нафас” спорт оммавий югуриш мусобақасига бағишланган матбуот анжумани бўлиб ўтди

Матбуот анжуманига Андижон ва Фарғона вилоятлари ҳокимликлари вакиллари, масъул мутасадди ташкилотлар ходимлари ҳамда оммавий ахборот воситалари вакиллари, шунингдек, блогерлар иштирок этишди.

Матбуот анжуманини Наманган вилояти ҳокимининг ўринбосари Ғуломжон Муродхўжаев олиб бориб, оммавий югуриш мусобақасида иштирок этаётган барча шаҳарларда спорт тадбирининг ҳамма босқичларини сифатли тайёрлаш бўйича шаҳар ҳокимликлари ва ваколатли бошқармалар иштирокида тезкор штаблар ташкил этилганлиги, айни пайтда фуқароларни Ўзбекистон Республикаси Давлат байроғи қабул қилинган кунга бағишланган спорт тадбирига жалб этиш бўйича тарғибот-ташвиқот ишлари қизғин давом этаётганлигини таъкидлаб ўтди.

“Янги нафас” оммавий югуриш мусобақаси Республикамизнинг 15 та шаҳрида 3 км, пойтахтимизда эса 3 ва 10 км масофаларга ўтказилади.

Анъанага мувофиқ, Наманганда "Гранд Шердор" меҳмонхонаси олдидан "Уч фаввора" хиёбонигача бўлган масофа старт ва финиш нуқтаси сифатида белгиланди. Барча ҳудудлардаги беллашувларга 19 ноябрь куни соат 08:00 да старт берилади.

Ёшлар сиёсати ва спорт  бошқармаси

Sayt | Telegram | Instagram | Facebook |Twitter | YouTube

Наманган вилоятида “Диний бағрикенглик” ҳафталиги доирасида бир қатор тадбирлар ташкил этилмоқда

Ўзбекистон Республикаси Касаба уюшмалари федерацияси вилоят кенгаши биносида 16 ноябрь - Халқаро бағрикенглик кунига бағишлаб “Бағрикенглик ҳафталиги” мавзусида  матбуот анжумани ўтказилди.

Анжуманда сўз олганлар Ўзбекистон Республикаси Конституциясининг 8-моддасида “Ўзбекистон халқини миллатидан қатъий назар Ўзбекистон Республикасининг фуқаролари ташкил этади”, деб аниқ белгилаб қўйилганлиги, Конституциясининг 4-моддасида эса “Ўзбекистон Республикаси ўз ҳудудида истиқомат қилувчи барча миллат ва элатларнинг тиллари, урф-одатлари ва анъаналари ҳурмат қилинишини таьминлайди, уларнинг ривожланиши учун шароит яратади” деган қатъий қонунга амал қилиш зарурлигини қайд этдилар.

Шунингдек, “Бағрикенглик ҳафталиги” ва унинг доирасида “Миллатлараро тотувлик ва диний бағрикенглик - жамият барқарорлиги гарови” мавзусида илмий-амалий конференцияларни юқори савияда ташкил этиш бўйича фикр ва мулоҳазалар ўртага ташланди.

Тадбирда журналистларни қизиқтирган барча саволларга экспертлар томонидан атрофлича жавоб берилди.

Sayt | Telegram | Instagram | Facebook |Twitter | YouTube

Водийда биринчи бор “Наманган 1-халқаро зотдор чорва ҳайвонлари ва паррандалари кўргазмаси” бўлиб ўтади

Ҳурматли ишбилармон тадбиркорлар ҳамда чорвачиликка иштиёқманд аҳоли диққатига!

Жорий йилнинг 22 ноябрь чоршанба куни Янги Наманган тумани “Ёшлик Барака” чорва ҳайвонлари бозорида  зотдор чорва ҳайвонлари ва паррандалари кўргазмаси бўлиб ўтади

Ўзининг зотли ҳайвонлари билан кўргазмада иштирок этишни ҳоҳловчи фуқаролар худудий ветеринария бўлимларида 20 ноябрь кунига қадар рўйхатдан ўтишлари сўралади.

Барчани ушбу қизиқарли ва таассуротларга бой тарзда ташкилланадиган кўргазмани томоша қилишга ва иштирокчи бўлишга 
ТАКЛИФ ЭТАМИЗ!!

Кўргазмада қуйидаги номинациялар таъсис этилган:
"Энг зотдор қўй"  номинацияси;
1 ўрин-30 млн. сўм; 
2 ўрин-20 млн. сўм;
3 ўрин-10 млн. сўм.

"Энг зотдор новвос (буқа)"  номинацияси:
1 ўрин-30 млн. сўм; 
2 ўрин-20. млн. сўм;
3 ўрин-10. млн. сўм.

"Энг зотдор от"  номинацияси:
1 ўрин-30. млн. сўм;
2 ўрин-20. млн. сўм;
3 ўрин-10. млн. сўм.

Паррандачилик йўналиши ғолибларини алоҳида қимматбаҳо совғалар кутмоқда!

Мурожаат учун: +998995164422
+998930465050

Манзил: «Ёшлик барака» чорва ҳайвонлари бозори.

Sayt | Telegram | Instagram | Facebook |Twitter | YouTube