Хассамни олиб бергин, болам…

Нафақахўр боболарим ва момоларим ҳақида пост ёзишни анча вақтдан бери ўйлаб юрардим.
Нега булар пенсияга чиқса ҳам ўз лавозимини ёшларга бермайди? Нега набираларини боғчага, мактабга олиб бориб, дуо қилиб юрмайди? Нега саёҳатларга чиқмайди?..

Хуллас саволлар кўп аммо жавоби мавҳум.

СССРнинг таълимини олган, нонини еган. Отам замондан бери давлат идораларида ишлаб келаётган. Ҳозирда ёши етмишга бориб қолган давлат хизматчиси билан суҳбатлашдим ва юқоридаги саволимни бердим.

Айтишича, нафақаси кам экан. Ишга ўрганиб қолган экан. Уйда ўтирса ўзини ўзи еб тугатар экан. Набиралари тўполонига асаби кўтармас экан. Келини олдида ёнбошлаб ётишни ўзига ор деб билар экан. Фақат иш, иш деб, ўзи учун ортиқча пул йиғмаган экан. Миллатнинг дабдабали тўй хашами, фарзандларини олийгоҳларда ўқитиш ва уйли жойли қиламан деб ёшлик даври ишда ўтиб кетган экан…

-Ҳозир олий даргоҳлар кўпайди. Тамомлаган ёшларимизнинг аксарияти давлат ишхонасидан жой тополмай Россия ва бошқа хориж давлатларига ишга кетмоқда деб савол бердим.

Жавоби: У мени муаммойим эмас. Менга ҳеч ким тегмасин. Иш жойимни бериб қўядиган аҳмоқ ҳам эмасман. Керак бўлса ишхонамдан тобутга солиб олиб кетишсин.

-Ҳозирги кунда коррупцияга қарши кураш кетмоқда. Аммо сиз шогирдларингиздан совға-саломни олишни канда қилмайсиз.

Жавоби: Мен ҳам росааа вақтида совға берганман. Энди ўшаларни қайтариб оляпман.

Хуллас, азардли ёки аламли отахонга дуч келиб қолдим, шекили.

Дейлик, икки юз минг нафар пенсионер давлат хизматчиси бор. Шулар ўз лавозимини ёшларга берса ишда унум, янги ғоя, янги ташаббус, янги лойиҳалар ва яхши ютуқлар бўлмайдими?
Балки, бор товоғим, кел товоғим бўлмас…
Балки, пихини ёриб юборган коррупционерлардан қутилармиз…

Хуллас, хулосани Сиз азизларга қолдирдим. Ушбу @Jurnalistuzbot_bot ботга фикрингизни ёзарсизлар?

🟢 @jurnalistuz