#Hokim_qarori

BEKOBOD TUMANIDA "NILUFAR" FOLKLOR MAKTABI TASHKIL QILINADI

Bekobod tumanida "Nilufar" folklor guruhi negizida "Ustoz-shogird" an'analari asosida yoshlarga ta'lim berish maktabi tashkil qilinadi.

Bu haqda viloyat hokimi Zoyir Mirzayevning tegishli qarori imzolandi.

Mazkur ta'lim dargohi yosh avlodning musiqa va san'at sohasidagi bilimlarini yanada oshirish hamda folklorchilik bo'yicha iste'dodlarini namoyon qilish yo'lida xizmat qiladi.

Shuningdek qarorda, "O'zmetkombinat" OAJ tomonidan ajratilgan 10 milliard so'm homiylik mablag'lari hisobiga "Folklor jamg'armasi"ni ham shakllantirish belgilangan.

✉Telegram 🌐Website 🌐YouTube 📱Instagram 📱Facebook 📱Twitter

#Hokim_qarori

Ekologiya sofligini taʼminlash borasida bir qancha tartiblar joriy qilindi.. Obodonlashtirish sohasi ishchilari farzandlariga kontrakt toʻlovi toʻlab beriladi

Endilikda avtomobil yoʻllarida yoʻl harakati qoidalari buzilganligini tasvirga olish dasturiy-texnik vositalari fuqarolar tomonidan chiqindi tashlash holatlarini ham qayd etadi va bu tegishli tartibda jarimalar qoʻllanilishiga sabab boʻladi. Yaʼni, "Xavfsiz shahar" integratsiyalangan tizimi doirasida kameralar orqali ekologik huquqbuzarliklarni aniqlash tizimi joriy etiladi.

Bundan tashqari, sanitar tozalash korxonalari hamda obodonlashtirish boshqarmalarining tozalash ishlari boʻyicha ishchilari xizmatlarini ragʻbatlantirish, shuningdek, ularga har oy 100 tadan velosiped ajratilishi va boshqa mukofotlar berib borilishini yoʻlga qoʻyish belgilandi.

Shu bilan birga, yuqoridagi sohalarda har yili kamida 10 yil sadoqatli xizmat koʻrsatgan xodimlar uchun "Tabiat uygʻunligi himoyachisi" tanlovi oʻtkaziladi hamda ulardan 100 nafarining davlat oliy taʼlim muassasalariga toʻlov-kontrakt asosida oʻqishga kirgan farzandlari yoki nevaralariga kontraktning toʻliq summasi toʻlab beriladi.

🌐Telegram 🌐Website 🌐YouTube 📱Instagram 📱Facebook 📱Twitter

#Hokim_qarori

Viloyatda "Maxgreen" MChJ tomonidan paxta-toʻqimachilik klasteri faoliyati tashkil etiladi

Toshkent viloyati hokimi Zoyir Mirzayevning tegishli qaroriga muvofiq, viloyatda "Maxgreen" MChJ tomonidan paxta-toʻqimachilik klasteri faoliyati tashkil etiladi.

Klasterlar va boshqa toʻqimachilik korxonalari tomonidan paxta xom ashyosi toʻliq elektron tarozi orqali qabul qilinadi.

Shuningdek, paxta xom ashyosi uni yigʻish, tashish, quritish, saqlash va birlamchi qayta ishlashga qoʻyiladigan yongʻin xavfsizligi talablariga javob beradigan hamda elektron tarozi va texnik jihatdan malakaliligi maʼqullangan sinov laboratoriyasi bilan jihozlangan omborlarda saqlanadi.

Jumladan, mazkur qarorda "Maxgreen" MChJ tomonidan bajariladigan majburiyatlar ham belgilab berilgan.

🌐Telegram 🌐Website 🌐YouTube 📱Instagram 📱Facebook 📱Twitter

#Hokim_qarori

Ehtiyojmand oilalarga kommunal toʻlovlarda yordam beriladi

Viloyatda ehtiyojmand oilalarga tabiiy gaz hamda elektr energiyasi xarajatlarining bazaviy meʼyordan ortiq isteʼmol qilgan qismiga kompensatsiya toʻlab beriladi.

Yilning noyabr-fevral oylarida isitish mavsumida ehtiyojmand oilalarga toʻlovlarda yordam boʻlishi maqsadida, noyabr oyida 270 ming soʻm miqdorida bir martalik moddiy yordam oʻtkazib beriladi.

Shuningdek, 2024-yil 1-iyuldan boshlab yuridik shaxslarga yetkazib beriladigan elektr energiyasi va tabiiy gaz uchun toʻlovlar 100 foiz oldindan amalga oshiriladi.

🌐Telegram 🌐Website 🌐YouTube 📱Instagram 📱Facebook 📱Twitte‌‌