#Qabul2022 #Apellatsiya
Apellatsiya arizalarini ko‘rib chiqish davom etmoqda

📆 2022-yil 7-sentabrdan boshlab test natijasi bo‘yicha apellatsiya bergan talabgorlarning arizalari Apellatsiya komissiyasi tomonidan bevosita talabgor ishtirokida ko‘rib chiqilmoqda.

✅ Bunda har kuni 700 nafar (shanba kuni 400 nafar) talabgorning apellatsiya arizasini ko‘rib chiqish belgilangan:

👉 OTMlarning bakalavriat ta’lim yo‘nalishlariga kirish test sinovlari bo‘yicha — 600 nafar;
👉 Xorijiy va nodavlat OTMlardan o‘qishni ko‘chirish test sinovlari bo‘yicha — 100 nafar.

👨🏻‍🎓 Apellatsiya arizalarini ko‘rib chiqish 4 smenada tashkil etilayotgan bo‘lib, 7-12-sentabr kunlari arizasi ko‘rib chiqilishi belgilangan 3 200 nafar talabgordan 583 nafari (18 %) ishtirok etdi.

Davlat test markazining rasmiy sahifalari:
Telegram | Facebook | Instagram | YouTube

#Qabul2022 #Apellatsiya
Apellatsiya arizalarini ko‘rib chiqishning o‘ninchi kuni yakunlandi

📌 Davlat test markazida 17-sentabr kuniga belgilangan apellatsiya arizalarini ko‘rib chiqish jarayoni yakunlandi.

📆 Apellatsiya arizalari 2022-yil 7-sentabrdan boshlab Apellatsiya komissiyasi tomonidan bevosita talabgor ishtirokida ko‘rib chiqilmoqda.

✅ Bunda 7-17-sentabr kunlari apellatsiya arizalari ko‘rib chiqilishi belgilangan 5 980 nafar talabgordan 889 nafari (14,9 %) ishtirok etdi. Shundan

🔹 OTMlarning bakalavriat ta’lim yo‘nalishlariga kirish test sinovlari bo‘yicha — 744 nafar (4 980 nafar abituriyentdan);
🔹 Xorijiy va nodavlat OTMlardan o‘qishni ko‘chirish test sinovlari bo‘yicha — 145 nafar (1 000 nafar talabgordan).

Davlat test markazining rasmiy sahifalari:
Telegram | Facebook | Instagram | YouTube

#Qabul2022 #Apellatsiya
Apellatsiya arizalarini ko‘rib chiqish jarayoni yakunlandi

📌 Davlat test markazida 26-sentabr kuniga belgilangan apellatsiya arizalarini ko‘rib chiqish jarayoni yakunlandi.

📆 Apellatsiya arizalari ko‘rib chiqish 2022-yil 7-sentabr kuni boshlangan bo‘lib, bugun mazkur jarayon to‘liq o‘z nihoyasiga yetdi.

✅ Arizalar Apellatsiya komissiyasi tomonidan bevosita talabgor ishtirokida ko‘rib chiqildi va unda apellatsiya arizasi bergan jami 9 253 nafar talabgordan 1 185 nafari (12,8 %) ishtirok etdi. Ularning:

👉 975 nafari (7 740 nafardan) — OTMlarning bakalavriat ta’lim yo‘nalishlariga kirish test sinovlariga;

👉 210 nafari (1 513 nafardan) — xorijiy va nodavlat OTMlardan o‘qishni ko‘chirish test sinovlariga taalluqli.

Davlat test markazining rasmiy sahifalari:
Telegram | Facebook | Instagram | YouTube

#Qabul2022 #Apellatsiya
Apellatsiya shikoyatlari professional ta’lim muassasalari tomonidan qabul qilinadi

🔰 Vazirlar Mahkamasining 2020-yil 11-noyabrdagi 715-son qaroriga muvofiq professional ta’lim muassasalariga kirish test sinovlari yuzasidan apellatsiya shikoyatlari professional ta’lim muassasalari tomonidan qabul qilinadi.

🔖 Unga ko‘ra test sinovlari natijasidan norozi bo‘lgan abituriyent yoki uning ota-onasi yoxud ularning o‘rnini bosuvchilar (vasiylar) test sinovlari to‘liq yakunlanib, tanlov natijasi e’lon qilingandan so‘ng ikki kun davomida professional ta’lim muassasasida tashkil etilgan apellatsiya komissiyasiga yozma yoki elektron shaklda apellatsiya shikoyatini berish huquqiga ega.

📋 Bunda apellatsiya shikoyati qabul qilinganligi to‘g‘risida abituriyentga xabarnoma beriladi.

📌 Apellatsiya shikoyatini bergan abituriyent xabarnomada belgilangan kunda o‘zining pasporti (tug‘ilganlik haqida guvohnoma) va abituriyent ruxsatnomasi bilan kelishi shart.

✅ Apellatsiya shikoyati ikki ish kunida apellatsiya komissiyasi tomonidan abituriyentning yozma javoblari asosida ko‘rib chiqiladi.

Davlat test markazining rasmiy sahifalari:
Telegram | Facebook | Instagram | YouTube

#Qabul2023 #Apellatsiya

Apellatsiya arizalarini qabul qilish boshlandi

✅ Oliy ta’lim muassasalarining bakalavriat ta’lim yo‘nalishlariga kirish test sinovlari natijasidan norozi bo‘lgan abituriyentlardan apellatsiya arizalarini qabul qilish boshlandi.

🖥 Apellatsiya arizalari my.uzbmb.uz sayti orqali (abituriyentning shaxsiy kabinetida) onlayn tarzda qabul qilinmoqda va 31-avgustga qadar (10 kun) davom etadi.

📌 Abituriyent apellatsiya shikoyati berishi uchun test sinovida ishtirok etgan va test sinovidan chetlatilmagan bo‘lishi lozim.

🔖 Apellatsiya arizasini bergan abituriyentga uni ko‘rib chiqish sanasi va vaqti ko‘rsatilgan xabarnoma beriladi.

🏢 Abituriyent xabarnomada belgilangan vaqtda shaxsini tasdiqlovchi hujjat, xabarnoma va abituriyent ruxsatnomasi bilan Bilimni baholash agentligiga kelishi kerak.

📆 Apellatsiya shikoyatlarini ko‘rib chiqish 2023-yil 24-avgustdan boshlanadi.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Apellatsiya
Apellatsiya shikoyatlarini ko‘rib chiqishning birinchi kuni yakunlandi

📋 Bugun (24-avgust) dan test natijalaridan norozi bo‘lib, apellatsiya shikoyati bergan abituriyentlarning murojaatlarini ko‘rib chiqish boshlandi.

✅ Apellatsiya arizalarini ko‘rib chiqish 4 smenada tashkil etilmoqda.

👨🏻‍🎓 Bugun 438 nafar abituriyentning e’tirozini ko‘rib chiqish rejalashtirilgan edi. Shundan 76 nafari (17,4 %) jarayonda ishtirok etdi, 362 nafari esa ishtirok etmadi.

Agentlikning rasmiy sahifalari:
Telegram | Facebook | Instagram | YouTube

#Apellatsiya
O‘qishni ko‘chirish bo‘yicha o‘tkazilgan test sinovlari yuzasidan apellatsiya arizalarini qabul qilish boshlandi

✅ Talabalar o‘qishini xorijiy va nodavlat OTMlardan davlat OTMlariga ko‘chirish bo‘yicha o‘tkazilgan test sinovi natijasidan norozi bo‘lgan talabgorlardan apellatsiya arizalarini qabul qilish boshlandi.

📆 Apellatsiya arizalari 31-avgustga qadar my.uzbmb.uz sayti orqali (talabgorning shaxsiy kabinetida) onlayn tarzda qabul qilinadi.

📌 Talabgor apellatsiya shikoyati berishi uchun test sinovida ishtirok etgan va test sinovidan chetlatilmagan bo‘lishi lozim.

🔖 Apellatsiya arizasini bergan talabgorga uni ko‘rib chiqish sanasi va vaqti ko‘rsatilgan xabarnoma beriladi.

❗️ Talabgor xabarnomada belgilangan vaqtda shaxsini tasdiqlovchi hujjat, xabarnoma va ruxsatnoma bilan Bilimni baholash agentligiga kelishi lozim.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Apellatsiya

Bugun apellatsiya arizalarini qabul qilishning so‘nggi kuni

✅ 2023-yil 22-avgust kuni oliy ta’lim muassasalarining bakalavriat ta’lim yo‘nalishlariga kirish test sinovi natijasidan norozi bo‘lgan abituriyentlardan apellatsiya arizalarini qabul qilish boshlangan edi.

🖥 Shuningdek, 25-avgust kuni talabalar o‘qishini xorjiy va nodavlat OTMlardan davlat OTMlariga ko‘chirish bo‘yicha test sinovi natijasidan norozi bo‘lgan talabgorlardan apellatsiya arizalarini qabul qilish yo‘lga qo‘yilgan edi.

👨🏻‍💻 Apellatsiya arizalarini qabul qilish my.uzbmb.uz sayti orqali onlayn tarzda amalga oshirilmoqda va bugun (31-avgust) arizalarni qabul qilishning so‘nggi kuni hisoblanadi.

🔖 Apellatsiya arizasini bergan talabgorga uni ko‘rib chiqish sanasi va vaqti ko‘rsatilgan xabarnoma beriladi.

🏢 Abituriyent xabarnomada belgilangan vaqtda shaxsini tasdiqlovchi hujjat, xabarnoma va abituriyent ruxsatnomasi bilan Bilimni baholash agentligiga kelishi lozim.

Agentlikning rasmiy sahifalari:
Telegram | Facebook | Instagram | YouTube

#Qabul2023 #Apellatsiya
Apellatsiya arizalarini ko‘rib chiqish jarayoni yakunlandi

📌 Bilimni baholash agentligi tomonidan 2023-2024-o‘quv yili uchun o‘tkazilgan test sinovlari yuzasidan apellatsiya arizalarini ko‘rib chiqish jarayoni yakunlandi.

✅ Arizalar Apellatsiya komissiyasi tomonidan bevosita talabgor ishtirokida ko‘rib chiqildi va unda apellatsiya arizasi bergan jami 6 052 nafar talabgordan 866 nafari (14,3 %) ishtirok etdi. Ularning:

👉 790 nafari (5 482 nafardan) — OTMlarning bakalavriat ta’lim yo‘nalishlariga kirish test sinovlariga;

👉 76 nafari (570 nafardan) — xorijiy va nodavlat OTMlardan o‘qishni ko‘chirish test sinovlariga taalluqli.

Agentlikning rasmiy sahifalari:
Telegram | Facebook | Instagram | YouTube