#Qabul2021
⚡️ Klinik ordinatura uchun chet tilidan test natijalari e’lon qilindi

✅ 2021-yil 30-sentabr kuni klinik ordinatura mutaxassisliklariga kirish uchun chet tili fanidan o‘tkazilgan test sinovi natijalari e’lon qilindi.

👨🏻‍💻 30-sentabr kuni test sinovida ishtirok etgan talabgorlar o‘z natijalarini magistr.dtm.uz sayti orqali bilishlari mumkin.

🖥 Bunda natijani bilish uchun magistr.dtm.uz saytiga talabgorning pasport seriyasi va raqami hamda shaxsiy identifikatsiya raqamini kiritish lozim.

Davlat test markazining rasmiy sahifalari:
Telegram | Facebook | Instagram | YouTube

​​Talabgorlarning to‘lovlarini qaytarish yuzasidan

Ma’lumki, 2021-yil 10-iyun kuni biologiya fanidan milliy sertifikat uchun o‘tkazilgan test sinovida ishtirok etgan barcha talabgorlarning to‘lovi to‘liq qaytarilishi haqida xabar berilgan edi.

Buning uchun Davlat test markazi tomonidan alohida platforma (tq.dtm.uz sayti) ishga tushirilgan bo‘lib, talabgorlarning arizalari onlayn tarzda mazkur platforma orqali qabul qilinmoqda.

Hozirga qadar mazkur platforma orqali 897 nafar va yozma ravishda 105 nafar talabgor to‘lovni qaytarish bo‘yicha murojaat qilgan bo‘lib, ularning 865 nafariga to‘lov to‘liq qaytarilgan.

137 nafarida esa talabgor tomonidan kiritilgan ma’lumotlar xato ekanligi, ya’ni plastik karta raqami yoki bank rekvizitlari xato kiritlganligi sababli qaytarilgan to‘lovlar Davlat test markaziga qaytib kelgan.

Hozirda mazkur 137 nafar talabgorning ma’lumotlari (plastik karta raqami va bank rekvizitlari) ga aniqlik kiritish va to‘lovni to‘liq qaytarish uchun talabgorlar bilan telefon orqali bog‘lanib chiqilmoqda.

Shu o‘rinda talabgorlardan to‘lovni qaytarish uchun ariza bilan murojaat qilganda plastik karta raqami va bank rekvizitlarini to‘g‘ri kiritishlarini so‘raymiz.

Davlat test markazining rasmiy sahifalari:
Telegram | Facebook | Instagram | YouTube

​​Davlat test markazi matematika, kimyo va biologiya fanlaridan malakali mutaxassislarni ishga taklif qiladi

Davlat test markazi umumta’lim fanlaridan test topshiriqlarini shakllantirish uchun matematika, kimyo va biologiya (o‘zbek va rus tillarida) fanlari bo‘yicha oliy ma’lumotga ega bo‘lgan malakali mutaxassislarni ishga taklif qiladi.

✅ Nomzodlarga qo‘yiladigan talablar:

👉 mutaxassisligi bo‘yicha pedagogik tajribaga ega bo‘lish;
👉 ta’limga oid me’yoriy-huquqiy hujjatlar (“Ta’lim to‘g‘risida”gi qonun, davlat ta’lim standartlari, o‘quv dasturlar, amaldagi darsliklar) bilan ishlay olish;
👉 mutaxassislik fanidan test topshiriqlarini shakllantirish va ekspertiza qila olish;
👉 pedagogik o‘lchovlar va testologiyaga oid nazariy bilimlarga ega bo‘lish;
👉 sohaga oid xalqaro tajribalardan xabardor bo‘lish;
👉 test topshiriqlarini tuzish metodikasi va uning turlari haqida ma’lumotga ega bo‘lish.

📥 Talabgorlardan o‘zlari to‘g‘risidagi ma’lumotnoma (obyektivka)ni telefon raqamlarini ko‘rsatgan holda [email protected] elektron pochta manziliga yuborishlari so‘raladi.

📆 Hujjatlar 15-oktabrga qadar qabul qilinadi.

❕ Ishga qabul qilingan mutaxassislar uchun Davlat test markazi huzuridagi Ilmiy-o‘quv amaliy markazi tomonidan “Bilimlarni baholash testlarini ishlab chiqish nazariyasi va amaliyoti” bo‘yicha 36 soatga mo‘ljallangan malaka oshirish kurslari tashkil etiladi.

Davlat test markazining rasmiy sahifalari:
Telegram | Facebook | Instagram | YouTube

​​7-oktabr talabgorlarni ro‘yxatga olishning so‘nggi kuni

✅ 2021-yil 25-sentabr kuni oktabr oyida bo‘lib o‘tadigan chet tilini bilish va egallash darajasini aniqlash test sinovlari uchun talabgorlarni ro‘yxatga olish boshlangan edi.

📆 Talabgorlarni ro‘yxatga olish my.dtm.uz sayti orqali 7-oktabr (payshanba) kuni 18:00 ga qadar davom etadi.

👨🏻‍💻 Test sinovida ishtirok etish istagini bildirgan talabgorlar mazkur muddat davomida onlayn ro‘yxatdan o‘tib, to‘lovni amalga oshirishlari mumkin.

❕ Bunda talabgorlar 8-oktabr kuni 18:00 ga qadar Davlat test markazi yoki uning hududiy bo‘limiga shaxsini tasdiqlovchi hujjat bilan borgan holda barmoq izi topshirishlari lozim.

⏳ Test sinovlari 26-oktabr kunidan boshlab, ingliz, nemis, fransuz, ispan, italyan, koreys, xitoy, yapon, turk, arab, fors, pushtu va hindiy tillaridan B1, B2 va C1 tilni bilish darajalari bo‘yicha o‘tkaziladi.

📚 Tilni bilish darajasi B2 yoki undan yuqori bo‘lgan sertifikatga ega abituriyentlarga oliy ta’lim muassasalariga kirishda chet tili fanidan imtihonlarsiz belgilangan maksimal ball beriladi.

❇️ Shuningdek, ta’lim muassasalarining C1 darajadagi sertifikatga ega xorijiy tillar o‘qituvchilariga ularning bazaviy tarif stavkasiga nisbatan har oylik 50 foiz miqdorida qo‘shimcha ustama haqi to‘lanadi.

Davlat test markazining rasmiy sahifalari:
Telegram | Facebook | Instagram | YouTube

“O‘qituvchilar uchun Aptis” test sinovi o‘tkazildi

⏳ 2021-yil 5-oktabr kuni Nukus shahrida navbatdagi “O‘qituvchilar uchun Aptis” test sinovi bo‘lib o‘tdi.

🖥 Test sinovi Britaniya Kengashi (British Council) bilan hamkorlikda kompyuterda o‘tkazildi.

📆 Test sinovida ishtirok etgan talabgorlarning test natijalari 72 soat ichida shaxsiy kabinetida e’lon qilinadi.

🔖 Ma’lumot uchun, “O‘qituvchilar uchun Aptis” ingliz tili fani o‘qituvchilariga mo‘ljallangan malaka test sinovi bo‘lib, har oyda o‘tkazib kelinmoqda.

✅ Keyingi test sinovlari Navoiy, Andijon, Namangan va Toshkent shaharlarida quyidagi muddatlarda o‘tkaziladi:

👉 Navoiy shahri - 7-oktabr;
👉 Andijon shahri - 12-oktabr;
👉 Namangan shahri - 13-oktabr;
👉 Toshkent shahri - 20-oktabr.

👨🏻‍💻 Test sinovida ishtirok etish istagini bildirgan talabgorlar my.dtm.uz sayti orqali onlayn ro‘yxatdan o‘tishlari mumkin.

Ilmiy markazning telegram kanali:
👉 @dtmilmiymarkaz 👈

Test sinovlari bo‘yicha takliflaringiz bormi?

✅ Davlat test markazi tomonidan test sinovi jarayonlariga oid takliflarni qabul qilish uchun maxsus bot ishga tushirildi.

👨🏻‍💻 Agar sizda Davlat test markazi tomonidan o‘tkaziladigan test sinovlari bo‘yicha aniq takliflar bo‘lsa, @dtmga_takliflar_bot telegram boti orqali yuborishingiz mumkin.

📋 Yuborilgan takliflar Davlat test markazi mutaxassislari tomonidan o‘rganib chiqiladi va takliflar asosida test sinovi jarayonlari takomillashtiriladi.

Davlat test markazining rasmiy sahifalari:
Telegram | Facebook | Instagram | YouTube