#планерка

✅ Улуустааҕы үөрэх салаатын үлэтин туһунан салайааччы Спиридон Борбуев иһитиннэрдэ.

⭐️ Баһылык олимпиадатыгар Тамалакаан орто оскуолатын үөрэнээччилэрэ бастаан, Санкт-Петербург куоракка сынньана барар путевканы ыллылар.

Үөрэх салататыгар Грант систиэмэтигэр үлэлиир үлэһит штата аһаҕас турар, манна үлэһит көрдүүллэр.

Барыллааһын куоластааһыҥҥа (праймериз) кыттарга бэлэмнэнэн, уопсайа улуус үрдүнэн 570 киһи регистрацияны ааспыт.

"Үөһээ Бүлүү" хаһыат

#планерка

✅ Улуустааҕы үөрэх управлениетын салайааччыта Спиридон Борбуев нэдиэлэтээҕи үлэ хаамыытын билиһиннэрдэ.

9-с, 11-c кылаастарга ыытыллыбыт апробация, атын улуустарга холоотоххо, этэҥҥэ, туох да итэҕэһэ, харгыһа суох ааста.

Оскуолаларга тиһэх чуораан ыам ыйын 23 күнүгэр ыытыллыаҕа.

Ыам ыйын 26 күнүгэр география, литература, химия прелметтэригэр БКЭ ыытыллар.

Ыам ыйын 24 күнүгэр история, физика, биология предметтэригэр ОГЭ турда.

Үөрэх эйгэтин үлэһиттэрэ бэс ыйын 14-15 күннэригэр Үөһээ Бүлүүгэ "Түгэхтэй" алааһыгар ыытыллыахтаах эбии үөрэхтээһин педагогтарын форумугар бэлэмнэнэллэр. Улууспутугар 1500 педагог ыалдьыт быһыытынан кэлэрэ күүтүллэр.

10-с кылаас уолаттарыгар сылын аайы ыытыллар "Пятидневка", өрүс суола хаһан арылларыттан көрөн, ыам ыйын бүтүүтүгэр былааннанан турар.

ОГЭ, БКЭ боппуруостарыгар, эксээмэннэр бэрээдэктэрин туһунан төрөппүттэргэ аналлаах сүбэ-мунньах видеоконференция ньыматынан кэлэр нэдиэлэҕэ ыытыллыаҕа.

Бу нэдиэлэҕэ Украинаҕа анал байыаннай дьайыыга сылдьар 2 байыаска улуус тэрилтэлэрин салайааччыларын фондатыттан көмө бэлэмнээн ыыттылар. Бу фонда үлэтин Спиридон Борбуев сүрүннүүр. Чуолаан баһыылка аадырыһыгар тиийэрин туһугар Дьокуускай, Москва куоракка үлэлиир волонтердары кытта быһа сибээскэ тахсан кэпсэтэр. Уопсайа күн бүгүнүгэр диэри 20 байыаска аадырыстаах көмөнү оҥоһулунна.

"Үөһээ Бүлүү" хаһыат

#планерка

✅ Улуус дьаһалтатын аактабай саалатыгар тэрилтэлэр салайааччылара, нэһилиэктэр баһылыктара кыттыылаах былаанныыр мунньах саҕаланна.

2023-2024 сс үөрэх дьылыгар бэлэмнэнии туһунан улуустааҕы үөрэх управлениетын салайааччыта Спиридон Борбуев кэпсээтэ.

Улуус оскуолалара уонна 14 оҕо уһуйаана кырачааннары көрсөрдүү бэлэм олороллор. Нам оскуолатыгар өрөмүөн барда. И.Барахов аатынан 1-кы нүөмэрдээх орто оскуолаҕа улахан өрөмүөн үлэтэ бу күннэргэ түмүктэниэҕэ.

Билиилээх түөлбэтигэр 240 миэстэлээх "Теремок" оҕо уһуйаана бүгүҥҥү күҥҥэ 200 оҕолоох. Өссө эбии икки бөлөх арыллара былааннанар.

Сайын устата 10-тан тахса оҕо сайыҥҥы сынньалаҥ лааҕыра үлэлээтэ.

Дьокуускай куоракка үөрэх үлэһиттэрин атырдьах ыйынааҕы сүбэ- мунньахтарыгар улуустан 20-тэн тахса педагог кыттыыны ылла.

Урукку өттүгэр учуутал уруогун былаанын бэйэтэ оҥостор эбит буоллаҕына, 2023 сыл балаҕан ыйын 1 күнүттэн судаарыстыбаннай биир халыыпка киирии оҥоһуллан, өрөспүүбүлүкэ бары оскуолаларыгар учууталлар биир былаанынан үөрэтэр буолуохтара.

Тохсунньу 1 күнүттэн оскуолалар дириэктэрдэрэ, оҕо уһуйаанын сэбиэдиссэйдэрэ аттестацияларын Үөрэх министиэристибэтигэр туттарыахтара.

Улуус үөрэҕин үлэһиттэрин атырдьах ыйынааҕы сүбэ-мунньаҕа атырдьах ыйын 30 күнүгэр ыытыллыаҕа.

"Үөһээ Бүлүү" хаһыат

#планерка

✅ "Хаарбах дьиэттэн дьону көһөрүү" бырагыраама үлэтин туһунан Үөһээ Бүлүү нэһилиэгин баһылыгын солбуйааччыта Егор Михайлов иһитиннэрдэ.

2024 сылга 57 квартира үлэҕэ киирээри турар.

2021 сыллаахха Барахов аатынан уулусса 13а нүөмэригэр 28 квартиралаах таас дьиэ, 2022 с. Строительнай уулуссаҕа 24 квартиралаах, Ленин аатынан уулусса 57 нүөмэрдээх дьиэтигэр 27 квартира, Ленин аат.уул. 1/4 аадырыһыгар 68 квартира, Интернациональнай уул. 25 квартира, Строительнай уул. 52 квартира аадырыстаммыт хаһаайыттарын булбута.

2023 сылга Барахов аатынан уулусса 7/1 нүөмэрдээх таас дьиэтигэр 32 квартира үлэҕэ киирдэ.

Күн бүгүн Школьная уулуссаҕа 5-с нүөмэрдээх дьиэҕэ 36 квартира, 3-с нүөмэрдээххэ - 47 уонна 27 квартира, Интернацианальнай 5а аадырыһынан 37 квартиралаах таас дьиэ, эмиэ бу уулуссаҕа 3/2 нүөмэригэр 25 квартира үлэҕэ киирээри бэлэмнэнэ тураллар.

Бу тутууларга "Тутуу Саха", "ВВК Групп" уонна "Строймонтажкомплект" хаарчахтаммыт эппиэтинэстээх тэрилтэлэр ылсан үлэлии сылдьаллар.

Бу туһунан үгүстүк улуус хаһыатыгар сырдатыллыбыта.

Бырагыраама үлэлиэҕиттэн, 2021 сылтан саҕалаан 2024 сылга диэри уопсайа 499 квартира хаарбах дьиэттэн көһөр дьоҥҥо ананан тутуллан бүтэн, күлүүстэрэ туттарыллыаҕа.

"Үөһээ Бүлүү" хаһыат

#планерка

✅ Быыбар түмүктэрин туһунан "Биир ньыгыл Арассыыйа" баартыйа Үөһээ Бүлүүтээҕи исполкомун салайааччыта Спиридон Борбуев иһитиннэрдэ.

Ил Дархан дуоһунаһыгар хандьыдаат Айсен Николаевы биир дойдулаахтара өйөөн, 94% куолаһы биэрдилэр.

"Биир Ньыгыл Арассыыйаҕа" республика көрдөрүүтүттэн үрдүгү көрдөрдүбүт - 66,03%. Бэрт кыранан 10 бастыҥ иһигэр киирбэтибит, 11-с миэстэ буоллубут. Горнай улууһа 62% биэрэн, 21-с миэстэҕэ сылдьар.

Үөһээ Бүлүү - Горнай быыбардыыр уокурукка Ил Түмэн дьокутаатынан, туох да мөккүөрэ суох, Владимир Семенович Поскачин талылынна.

Үөһээ Бүлүү улууһугар:
Поскачин В.С. - 5833
Габышева Ф.В. - 1800

Горнай улууһугар:
Поскачин В.С. - 2486
Габышева Ф.В. - 2343

Уопсай түмүккэ:
Поскачин В.С. - 8320 (66,75%)
Габышева Ф.В. - 4143 (33,42%)

"Үөһээ Бүлүү" хаһыат

#планерка

✅ Улуустааҕы үөрэх управлениетын начальнига Спиридон Борбуев үөрэх эйгэтигэр үлэ хаамыытын билиһиннэрдэ.

Ааспыт нэдиэлэҕэ үөрэх тэрилтэлэрин салайааччыларын аттестацията буолла. Бу ааспыт өрөбүллэргэ оскуолалар дириэктэрдэрэ, уһуйааннар сэбиэдиссэйдэрэ Трудовой учаастагар тахсан семинарга кытыннылар.

"Движение первых" оҕо хамсааһыныгар күүстээх үлэ күүтэр. ОГЭ күһүҥҥү туттарыыта бу нэдиэлэнэн түмүктэниэҕэ.

"Үөһээ Бүлүү" хаһыат

#планерка

✅ Территориальнай быыбардыыр хамыыһыйа бэрэссэдээтэлэ Семен Миронов сэтинньи 19 күнүгэр буолаары турар улуус баһылыгын быыбарын туһунан иһитиннэрдэ.

Кылгатыллыбыт болдьохтоох быыбар буолаары турар. Бүгүҥҥү күҥҥэ 4 хандьыдаат докумуонун туттаран турар. Ол курдук, улуус баһылыгын эбээһинэһин толорооччу Семен Анатольевич, улуус дьокутааттарын Сэбиэтин бэрэссэдээтэлэ Николай Николаевич Николаев, улуус мунньаҕын дьокутаата Василий Иванович Алексеев, Кэнтик нэһилиэгин баһылыга Валерий Валерьевич Николаев.

Алтынньы 22 күнүгэр хандьыдааттар туруорунар, докумуоннарын туттарар болдьохторо түмүктэннэ.

"Үөһээ Бүлүү" хаһыат

#планерка

✅ Улуустааҕы үөрэх салалтатын салайааччыта Спиридон Борбуев үөрэх тэрилтэлэрин үлэлэрин сырдатта.

Оскуолалар сэтинньи 6 күнүттэн үөрэхтэрин саҕалаабыттара. Күһүҥҥү сынньалаҥ кэмигэр, тумуу элбэҕинэн сибээстээн, тохтотуллубуттара.

Нэһилиэк оскуолаларыттан улуус киинигэр көһөн киирии үгүс. Сокуоннай саастарын ситэ туола илик оҕолору эбээ, эһээ көрүүтүгэр туох да докумуона суох ыытан кэбиһэр үс түгэнэ бэлиэтэммитэ. Оҕону көрүү-иистии эппиэтинэһин сокуоннай бэрэстэбиитэлэ - төрөппүт сүгэрин умнуо суохтааххыт. Өр кэмҥэ аймахха көһөн баран олорор түгэнигэр сокуон быһыытынан оҥоһуллубут докумуоннаах буолуохтаах. Ол эбэтэр быстах кэмҥэ иитэ ылбытын туһунан докумуон.

Бу күннэргэ оскуолаларынан докумуон бэрэбиэркэтэ бара турар. Ону тэҥэ СӨ Үпкэ-харчыга министиэристибэтин бэрэбиэркэтэ ыытыллар.

Тиийинэн олоруу алын кээмэйигэр дохуоттара тиийбэт уонна маннык таһымнаах элбэх оҕолоох ыаллар оҕолоро оскуолаҕа ыспыраапкаҕа тирэҕирэн босхо аһыыллар этэ. Билигин оҕо босуобуйатын ылар дьиэ кэргэн эбии бас билэр баайдаах-дуоллаах буоллаҕына, бу ыспыраапкалаах араҥаттан тахсан биэрэр буоллулар. Маныаха босхо аһыыр оҕо ахсаана лаппа аҕыйыыр туруктаах. Оттон билигин алын кылаас оҕолоро итии аһылыгынан босхо хааччыллан олороллор.

Иккис чиэппэр - саамай кылгас үөрэх чиэппэрэ. Оҕолор сыаналарын хаачыстыбатыгар кыһаллан үлэлиэхтэрин наада.

"Үөһээ Бүлүү" хаһыат

#планерка

✅ Улуус дьаһалтатын иһинэн үлэлиир биир кэлим диспетчер сулууспатын салайааччыта Владислав Адамов Бүлүү эбэ туругун туһунан иһитиннэрдэ:

- Өрүс мууһун халыҥа ортотунан 15 см халыҥаата. Сатыы дьоҥҥо туоруур суолларын устатын тухары бэлиэлэр анньыллан тураллар.

Таһаҕастаах дьону буран 200 солк., ону таһынан малларын кээмэйиттэн көрөн сыана быһаллар.

Сэтинньи 10 күнүттэн "Автодор" РИК үлэһиттэрэ мууһу халыҥатыы үлэтигэр тахсыахтара.

"Үөһээ Бүлүү" хаһыат

#планерка

✅ Үөрэх салалтатын салайааччыта Спиридон Борбуев кутурҕана сонунтан саҕалаата.

Ол курдук, Далыр нэһилиэгин, Үөһээ Бүлүү улууһун Ытык Киһитэ, СР үөрэҕириитин үтүөлээх үлэһитэ, Далыр орто оскуолатын өр сылларга салайааччыта Аксаков Анатолий Софроновиһы тиһэх суолугар атаарыы, бырастыылаһыы Далыр нэһилиэгэр сэтинньи 14 күнүгэр нэһилиэктээҕи култуура дьиэтигэр сарсыарда 10 чаастан саҕаланар. Бырастыылаһыыга улуус кииниттэн барааччыларга Эбэ уҥуор автобус кэтэһиэҕэ.

"Күн" оҕо хамсааһына Дьокуускай куораттан кэлэн улуус оҕолорун кытта көрсөн, алтыһан бардылар.

СВОШ олимпиадатын түмүгүнэн оҕолор үрдүк үөрэххэ киирэллэр. Быйыл саха тылын регионнааҕы олимпиадатыгар призер оҕо ДВФУ үөрэххэ киирдэ. Манна БКЭ түмүгүн көрө барбаттар. Онон оҕолору олимпиадаларга кытыннарар туһугар төрөппүт кыһаллыахтаах.

Сэтинньи 15 күнүгэр оскуолалар дириэктэрдэрин Сэбиэтэ буолуоҕа.

"Вконтакте" "Сферум" сыһыарыытыгар маассабай киирии саҕаланыахтаах.

"Үөһээ Бүлүү" хаһыат

#планерка

✅ Улуустааҕы үөрэх салаатын салайааччыта Спиридон Борбуев сылы түмүктүүр үлэ хаамыытын билиһиннэрдэ.

Ааспыт нэдиэлэҕэ БКЭ киирэри быһаарар аахпыттан уонна өйтөн суруйууну толордулар. Эксээмэни туттарыахтаах 178 оҕо баарыттан 173 оҕо туттарда, 165 үөрэнээччи ааста.

Дьокуускай куоракка Ил Дархан харыйатыгар улуустан 25 оҕо ыалдьыттаата.

Улуус баһылыгын харыйата тохсунньу 13 күнүгэр буолуоҕа.

Педагог уонна Аҕа сүбэһит сылын түмүктэрин таһаарар дьоро тэрээһин тохсунньу 20 күнүгэр ыытыллара былааннанан турар.

Оскуола үөрэнээччилэргэ кыһыҥҥы сынньалаҥ ахсынньы 31 күнүттэн тохсунньу 8 күнүгэр диэри буолар.

Үөрэхтээһин тэрилтэлэригэр көрүллүбүт үп-харчы сөптөөхтүк тыырыллан бүттэ.

"Үөһээ Бүлүү" хаһыат

#планерка

✅ Үөрэх управлениетын салайааччыта Спиридон Борбуев үөрэх эйгэтин сонуннарын кылгастык сырдатта.

Труд уонна ОБЖ предметтэр саҥа үөрэх дьылыттан үөрэх бырагырааматыгар киириэхтэрэ.

"Воин" хамсааһыҥҥа болҕомто ууруллан, байыаннай инструктор хас биирдии оскуолаҕа баар буолуохтааҕын, улуус киинигэр бу хамсааһыны салайар дьон ананыахтара.

Үөрэнээччилэр спартакиадалара быйылгыттан сыл ахсын ыытыллар буолуоҕа. Быйыл Нам улууһугар тэриллэрэ былааннанар. Оҕолор 20 араас спорт көрүҥүнэн күрэхтэһиэхтэрэ.

Оҕо сайыҥҥы сынньалаҥар болҕомто ууруллан, сынньалаҥынан хас биирдии оҕону хабан, хааччыйыы 40% хаачыстыбаҕа тахсыахтаах диэн сорудах туруоруллубут.

"Үөрэҕирии" национальнай бырайыак 2024 сылынан түмүктэнэр.

Методическай үлэҕэ болҕомто ууруллан, үлэ күүһүрүөхтээх диэн. "Методическая сеть" пилотнай бырайыак Бүлүү бөлөх улуустарыттан саҕаланыаҕа.

СГО (Сетевой город. Образование) электроннай сурунаалга Үөһээ Бүлүү улууһа 100% киирэн олорор.

Ааспыт нэдиэлэҕэ улууска Чурапчы улууһуттан делегация кэлэн ыалдьыттаан барда.

Олунньу 1 күнүгэр киэһэ 18:00 чааска БКЭ талар сайабылыанньаны тутуу түмүктэнэн, уопсай база сабыллыаҕа. Бу кэннэ эбии ханнык да предмети талар кыаллыбат.

Коронавирус хамсык хаарчахтара 2024 сыл саҕаланыытыттан өһүлүннүлэр. Биир бастакынан, хас биирдии оҕо уһуйааныгар төрөппүттэр оҕолорун бэйэлэрэ киирэн таҥаһын уларытан хаалларар, ылалларыгар таҥыннаран ылар буоллулар. Хамсык хаарчаҕа суох олох саҕаламмытынан эҕэрдэлиибит!

"Үөһээ Бүлүү" хаһыат