#Тайинлов

Русланбек Давлетов Президент маслаҳатчиси лавозимига тайинланди

Президентнинг тегишли фармони билан адлия вазири Давлетов Русланбек Қуролтайевич Президентнинг ижтимоий-сиёсий ривожланиш масалалари бўйича маслаҳатчиси лавозимига тайинланди.


@BB_Tulyaganov

Зойир Мирзаев Сенат аъзоси этиб сайланди

Тошкент вилояти ҳокими Зойир Мирзаев мутлақ кўпчилик овоз билан Олий Мажлис Сенати аъзоси этиб сайланди.


@BB_Tulyaganov

#Биласизми

✅ Ҳар ким фикрлаш, сўз ва эътиқод эркинлиги ҳуқуқига эга. Ҳар ким ўзи истаган ахборотни излаш, олиш ва уни тарқатиш ҳуқуқига эга, амалдаги конституциявий тузумга қарши қаратилган ахборот ва қонун билан белгиланган бошқа чеклашлар бундан мустаснодир.

Ўзбекистон Республикаси Конституцияси, 29-модда


@BB_Tulyaganov

Тошкент вилоятининг ҳуқуқ-тартибот органларида фаолият юритаётган матбуот котиблари ўртасида ўтказилган «Сўровнома» якунланди.

Сўровнома, тугашидан бир неча соатлар олдин мазмунидан мутлақо ўзгариб кетиб, ижтимоий тармоқлардаги фаол телеграм каналларининг беллашувига айланиб кетди. Бунга барча кузатувчилар гувоҳ бўлганига ишончим комил.

Сўровлар «илтимоснома» шаклига айланиб, кўплаб оммавий каналларда «фалончига овоз бериб юборинг», «каналимиз обуначилари поддержка қиворинглар» қабилида 50 га яқин гуруҳ ва каналларга жойлаштирилди.

Бу энди Тошкент вилояти ёшлари ўртасидаги ижтимоий сўровнома эмас, Ким ўзарга юришни бошлаган каналларнинг натижаларига айланиб қолди.

Бу натижалар билан, бирор номзодни «йилнинг энг яхши матбуот котиби» деб эътирофлаш катта хато бўлади деб ўйлаб тургандим.

Шу вақтда "Yoshlar kundaligi", сўровнома муаллифи бўлган канал муассислари энг тўғри ва адолатли қарорни қабул қилишди. Уларнинг салоҳиятига тан бердим.

Ҳеч қандай таниш билишларни ишга солмаган, борича ҳақиқий қатнашиб, энг кам овоз олган иштирокчи Ҳасанжон Аҳмаджоновни ғолиб деб эълон қилдилар.

Бу энг тўғри иштирок этган номзодга, энг адолатли эътироф бўлди. Ҳ.Аҳмаджоновни ғолиблик билан самимий муборакбод этиб, келгуси фаолиятларида муваффақият тилаймиз.
__________________

❗️Жараёнда, мени хурсанд қилган яна бир жиҳат, кун давомида шахсий ёзишмада минг дан ортиқ кузатувчилар менга боғландилар, қўллаб қувватладилар, омад тиладилар. Бу ҳақиқий мотивация бўлди.

Барчаларига катта раҳмат. Натижа муҳим эмас, мен ўзимга туртки бўлган, керакли бўлган эътирофни, натижани ҳис қилдим.

Ана шу инсонлар ишончи билан, Ўзбекистон Республикасига, Халқига садоқат билан хизмат қиламан!

Бобур Туляганов,
ИИББ Ахборот хизмати раҳбари, капитан.


@BB_Tulyaganov