#УстудьуонКүнэ

⭐️ Дьоро киэһэҕэ Украинаҕа анал байыаннай дьайыыга сулууспалыы сылдьар Техникуму ааспыт сылга үөрэнэн бүтэрбит байыастан, ону сэргэ аармыйата сулууспалыы сылдьар выпускниктарыттан видео нөҥүө тиийжн-тиксэн кэлбит эҕэрдэлэри күөх экраҥҥа таһааран, саалаҕа мустубут дьон олуһун долгуйан, сүһүөхтэригэр туран эрэ көрдүлэр-иһиттилэр.

Оттон үөрүүлээх тэрээһини быйылгы сылга сэргэх хамсааһыны таһаарбыт Техникум устудьуоннара уонна үлэһиттэрэ кыттыылаах "Мэнигийээн телепорт" инсценировканы көрдөрүүнэн түмүктээтилэр.

Санатар буоллахха, бу туруоруулара Иван Семенов аатынан Үөһээ Бүлүүтээҕи норуот тыйаатырын 60 сыллаах, ону тэҥэ Иван Спиридонович Семенов - Кулууп Уйбаан төрөөбүтэ 95 сылыгар анаммыт тэрилтэлэр икки ардыларыгар театрализованнай көрүү- күрэхтэригэр Гран-При үрдүк аатын ылбыта уонна Иван Семенов оҕолоро, сиэннэрэ туруорбут 60 тыһыынча солкуобайы уу харчынан бирииһи бэлэх туппуттара.

Үөрэх-билии, бастакы идэ кыһата - Техникум тэрилтэтигэр хайдахтаах курдук талааннар баалларын киһи эрэ сөҕө көрөр👏👏👏 💐💐💐

"Үөһээ Бүлүү" хаһыат