Үөһээ Бүлүүтээҕи "ООО Верхневилюйский" пищекомбинат ойуур баһаардарын умуруора сылдьар этэрээттэргэ көмө баһыылканы ыытта.

Көмө баһыылканы ГАУ РС(Я) "Якутлесресурс" салайааччытыгар Захаров Алексей Владимировичка тыа хаһаайыстыбатын салайааччыта Кирилл Васильевич Гаврильев туттарда.

Ол курдук, ойуур баһаарын умуруорааһыҥҥа сылдьар этэрээттэргэ 5 литэрэлээх 20 устуука морс, 5 литэрэлээх 10 устуука иһэр уу, 4 куул макарон уонна 2 дьааһык сироп айаннаата.

Ойуур баһаардарын умуруора сылдьар дьоммутугар көмөлөһөр биир дойдулаахтарбытыгар истиҥник махтанабыт. Түмсэммит турбут баһаардары тохтоторго бары күүһү ууруоҕуҥ.

#БукаБарыБаһаарыУмуруорууга
#ЛесныеПожары
#ВерхневилюйскийУлус

Үөһээ Бүлүү улууһун дьаһалтатын пресс сулууспата.