#andijon #turizm_tashrif

Avvalroq Qirg‘iziston Respublikasi O‘sh shahar hokimining birinchi o‘rinbosari boshchiligidagi bir guruh delegatsiya viloyatimizga tashrif buyurgani haqida aytgan edik.
Ular Andijon viloyati hokimi o‘rinbosari A.Maksumov bilan birgalikda Marhamat tumaniga ham tashrif buyurdilar.
Dastlab, tumandagi "Boboxuroson" MFY hududidagi Dorbozlar sulolasidan bo‘lmish Yunusali tog‘a G‘oziyevlar xonadoni mehmonlarni kutib olib, ularga dorbozlarning dor ustidagi san'atlari namoyish etildi.
Shundan so‘ng, "Paxtakor" MFYning "Buyuk Maskan" aholi dam olish, ko‘ngilochar bog‘iga sayr uyushtirildi.
Tashrif yakunida esa, "Alitepa" MFYda bunyod etilgan hashamatli "Ziyo nuri" Xalq kutubxonasida kitobxonlar uchun yaratilgan qulay sharoitlar delegatsiya a'zolarida iliq taassurot qoldirdi.

https://t.iss.one/Andijon_Turizm_official

#andijon #madaniy_meros
#marhamat_tumani

Kuni kecha "Yodgorliklar va tarixiy joylarni asrash" xalqaro bayrami munosabati bilan Marhamat tumanida yodgorliklar va tarixiy joylar, buyuk ajdodlarimiz merosini asrab-avaylash, ularning hayotimizdagi ahamiyatini targʻib etish va ichki turizmni rivojlantirishga bagʻishlangan ilmiy-maʼrifiy tadbir boʻlib oʻtdi.
“Mingtepa - madaniy meros” jamoat fondi Oʻzbekiston Respublikasi Oliy Majlis huzuridagi NNT va fuqarolik jamiyatining boshqa institutlarini qoʻllab-quvvatlash jamoat fondi grant loyihasi asosida qator tashkilotlar hamkorligida yettinchi marotaba o‘tkazilgan ushbu tadbirda keng jamoatchilik vakillari ishtirok etdi.
Tadbir doirasida tashkil etilgan tanlovda barcha yoʻnalishlar boʻyicha gʻolib va sovrindorlar tashkilotchilarning diplom va esdalik sovgʻalari bilan taqdirlandi.

https://t.iss.one/Andijon_Turizm_official