O‘zbekiston Respublikasi Prezidentining 2024-yil 21-fevraldagi PF-37-son Farmonining 27-bandiga koʻra ekologiyaga avtomobillar chiqindi gazlarining zararli ta'sirini kamaytirish maqsadida Toshkent shahri hamda viloyatlarda har oyning bir ish kuni davomida avtomobillar harakatlanishini (jamoat transportlari, maxsus va shoshilinch yordam xizmatlaridan tashqari) qisqartirishga qaratilgan “Avtomobilsiz kun” jamoatchilik loyihasini amalga oshirish maqsadida Andijon viloyati Turizm boshqarmasi xodimlari tomonidan ham ish joyiga jamoat transporti va piyoda kelish orqali shaxsiy namuna ko‘rsatildi.

Ma’lumki viloyatimizda barcha sohalar qatori turizm sohasi ham jadallik bilan rivojlanib bormoqda. Prezidentimiz tomonidan turizm sohasiga xalqaro grand mablag‘larini jalb qilish, jahon tajribasini hududlarga joriy qilish, kadrlar malakasini oshirish bo‘yicha muhim topshiriqlar berilgan.
Mazkur topshiriqlar ijrosini ta’minlash maqsadida, joriy yil 31-yanvar kuni Andijon viloyati Turizm boshqarmasida Germaniya hamkorlik tashkiloti (GIZ) bilan birgalikda Farg‘ona vodiysida Turizmni rivojlantirish bo‘yicha seminar trening o‘tkazildi.
Ushbu seminarda tinglovchilarga Germaniyalik taniqli ekspert Nicole Haeusler 2024-yildagi CTNning GIZ bilan hamkorlikdagi yutuqlariga va 2025-yil uchun belgilangan maqsadlarga bag‘ishlangan ma’ruzani so‘zlab o‘tdi.