#Yangi_yil
#Tabriknoma

Aziz yurtdoshlar!

Go‘zal va betakror yurtimizga yangi yil kirib kelmoqda.

Sizlarni ushbu bayram bilan chin qalbimizdan tabriklab, xonadonlaringizga qut-baraka, ishlaringizga rivoj tilaymiz.

Yangi yil yangi yutuqlar, zafar va muvaffaqiyatlar yili bo‘lib, yurtimiz tinch, osmonimiz musaffo bo‘lsin!

Yangi yil barchamizga muborak bo‘lsin!

Hurmat bilan,
Prezident ta'lim muassasalari agentligi jamoasi

#Tabriknoma

Aziz vatandoshlar, yurtimiz himoyachilari!

Sizlarni 14-yanvar - Vatan himoyachilari kuni va O‘zbekiston Respublikasi Qurolli kuchlari tashkil topganining 30 yilligi bilan samimiy qutlaymiz.

Vatanimiz sarhadlari daxlsizligini ta'minlash, mamlakatimiz tinchligini saqlash yo'lida amalga oshirayotgan ishlaringiz tahsinga sazovor.

Sizlarga mustahkam sog‘lik, oilaviy xotirjamlik, sharafli faoliyatingizda ulkan zafarlar tilaymiz!

Hilola Umarova,
Prezident ta'lim muassasalari agentligi direktori

#Tabriknoma

Aziz yurtdoshlar!

Sizlarni muborak ayyom — Ramazon hayiti bilan chin qalbdan samimiy tabriklaymiz.

Niyati pok, maqsadlari ulug’ yurtdoshlarimizning shunday ulug' ayyomda qilayotgan barcha ezgu tilaklarining ijobatini tilaymiz.

Xonadonlaringizni fayz-u baraka va osoyishtalik aslo tark etmasin! Ramazon hayiti muborak bo'lsin!

Hurmat bilan,
Prezident ta'lim muassasalari agentligi jamoasi

#Tabriknoma

Prezident ta’lim muassasalari agentligi jamoasi 27-iyun – Matbuot va ommaviy axborot vositalari xodimlari kuni bilan barcha jurnalistlarni chin qalbdan tabriklaydi.

Sizga mustahkam sog’lik va xonadonlaringizga qut-baraka tilaymiz.

Xalqimizni xolis va haqqoniy axborot bilan ta'minlashdek mas'uliyatli vazifangizda sizga kuch-quvvat yor bo’lsin!

Kasb bayramingiz muborak bo’lsin!

⬇️ Biz ijtimoiy tarmoqlarda:
Veb-sayt | Telegram | Instagram | YouTube

#Tabriknoma

Aziz yurtdoshlar!

Sizlarni shukronalik va mehr-oqibat ayyomi – Qurbon hayiti bilan chin qalbdan samimiy muborakbod etamiz.

Oilangizga tinchlik va xotirjamlik, dasturxonlaringizga to'kinlik hamda barcha ezgu orzu-niyatlaringizning ijobatini tilaymiz.

Ezgu ishlaringizda muvaffaqiyat va zafarlar yor bo'lsin!

Ayyom muborak!

Hilola Umarova,
Prezident ta'lim muassasalari agentligi direktori

#Tabriknoma

Hurmatli vatandoshlar!

Prezident taʼlim muassasalari agentligi jamoasi barchangizni Qurbon hayiti bayrami bilan tabriklaydi.

Ezgu ishlaringizda muvaffaqiyatlar, oilaviy baxt, farovonlik, omad, sihat-salomatlik, shaxsiy faoliyatingizda rivoj tilaymiz!

#Tabriknoma
#Mustaqillik_31_yil

Aziz yurtdoshlar!

Prezident ta'lim muassasalari agentligi jamoasi sizlarni O‘zbekiston Respublikasi mustaqilligining 31 yillik bayrami bilan chin qalbdan muborakbod etadi.

1-sentabr— Vatanimiz tarixida yangi bir davrni boshlab bergan kundir. Bu kun har bir yurtdoshimiz qalbida ulkan faxr va ehtirom tuyg'ularini uyg'otadi.

Barchangizni ayyom bilan yana bir bor tabriklab, sizlarga mustahkam sog'liq, tinchlik-xotirjamlik va ishlaringizga rivoj tilaymiz!

#Ayyom_muborak

✔️Biz ijtimoiy tarmoqlarda:
Veb-sayt | Telegram | Instagram | YouTube

#Tabriknoma
#Xalqaro_talabalar_kuni

Aziz yoshlar!
Bilimga chanqoq talabalar!

17-noyabr - Xalqaro talabalar kuni munosabati bilan barcha talabalarni chin yurakdan tabriklayman.

Aytish joiz, bugungi kunda yurtimizda davlatimiz rahbari tomonidan ta'lim tizimiga qaratilayotgan yuksak e'tibor natijasi o'laroq ilm istagida bo'lgan talabalarimizga ko'plab imkoniyatlar yaratib berilmoqda.

Xususan, Agentligimiz tizimidagi "Yangi O'zbekiston" universitetida talabalarimiz xorijlik yetuk mutaxassislardan ta'lim olishmoqda. Chet eldagi tengdoshlari kabi nufuzli xorijiy korxonalar va universitetlarda amaliyot o'tashmoqda.

Mazkur universitet talabalarining Germaniya va Janubiy Koreya davlatlarida bo'lib o'tgan amaliyotlari fikrimizga yorqin dalildir.

Ishonamanki, yaratilgan sharoitlardan oqilona foydalangan holda Sizlar yurtimiz ravnaqiga o'z hissasini qo'shadigan yetuk kadrlar bo'lib yetishasiz.

Unutmang, Siz yurtimizning ertasi, bizning kelajagimizsiz. Tanlagan yo'nalishingizda va ilm yo'lida omad hamda zafar yor bo'lsin, aziz talabalar!

Bayram muborak!

Hilola Umarova,
Prezident ta'lim muassasalari agentligi direktori

Bizni kuzatishda davom eting👇
Telegram| Instagram| Facebook| Twitter

#Tabriknoma
#Konstitutsiya_30_yil

Muhtaram yurtdoshlar!

Konstitutsiya – xalqimizning irodasi, ruhiyati, siyosiy-huquqiy tafakkurining yuksak namunasi aks etgan asosiy qonundir.

Sizni ushbu ayyom - O’zbekiston Respublikasi Konstitutsiyasi qabul qilinganligining 30 yilligi bilan samimiy muborakbod etib, kelgusi faoliyatingizda ulkan zafarlar tilayman.

Yurtimiz tinch, xalqimiz doimo birdam bo'lsin!

Bayram muborak bo'lsin!

Hilola Umarova,
Prezident ta’lim muassasalari agentligi direktori

Bizni kuzatishda davom eting👇
Telegram| Instagram| Facebook| Twitter

#Tabriknoma

Hurmatli hamyurtlar!

Sizni go‘zallik va yasharish fasli — Navro‘zi olam ayyomi bilan muborakbod etamiz. Hayotingiz bahor tongidek tiniq, baxtli va farovon bo‘lsin!

Sharqona Yangi yilimiz — Navro‘zi olamning qadami qutlug‘ va barakali kelsin!

Bayram muborak bo‘lsin!

Hurmat bilan,
Ixtisoslashtirilgan ta’lim muassasalari agentligi jamoasi

Agentlikning rasmiy sahifalariga ulanish:
Telegram | Veb-sayt | Instagram | YouTube

#Tabriknoma

Hurmatli yurtdoshlar,
Aziz o‘qituvchilar, ta’lim sohasi fidoyilari!
 
Avvalo, barchangizni mehr-oqibat va ezgulik ayyomi – muborak Ramazon hayiti bilan chin qalbimdan tabriklayman hamda o‘zimning eng ezgu tilaklarimni bildiraman.

Barchamiz shu kunlarda Ramazon hayiti ayyomini katta xursandchilik bilan o‘tkazmoqdamiz. Cheksiz shukronalik bilan dildagi yaxshi niyatlarimizning amalga oshishini Yaratgandan so‘rab, yurtimiz ravnaqi va farzandlarimiz baxtu kamoli uchun bir-birimizga ezgu tilaklar bildiryapmiz.

O‘tgan Ramazon oyi bir-birimizga mehr va e’tibor ko‘rsatish, beg‘araz yordam berish, yaxshilik, sabru qanoat kabi ezgu fazilatlari bilan ham qadrlidir.
 
Qadrli ustozlar hamda jonkuyar hamkasblar!
 
Barchangizni yana bir bor Ramazon hayiti ayyomi bilan qutlagan holda, ona yurtimizga tinchlik, sizlarga sihat-salomatlik, baxt-saodat, xonadonlaringizga fayzu baraka va xotirjamlik tilab qolaman.

#Tabriknoma

Aziz bolajonlar!

Sizlarni Xalqaro bolalarni himoya qilish kuni bilan tabriklayman! Yurtimizning har bir o‘g‘il-qizi tinch-osuda vatanda, ota-onasi bag‘rida, baxtiyor bo‘lib ulg‘ayishini, ilm olishini tilayman.

Siz ko‘zimiz quvonchi, bizning ertamiz va hayotimiz mazmunisiz!
Sizning sifatli ta’lim olishingiz va o‘zingiz tanlagan sohaning yetuk mutaxassisi bo‘lib yetishingiz uchun yurtimizda barcha sharoitlar yaratib berilgan.

Mamlakatimizda Sizga, sizning qiziqishlaringiz, huquq va manfaatlaringizga alohida e’tibor qaratiladi. "Bola huquqlari" to‘g‘risidagi konvensiya ratifikasiya qilinishi, "Bola huquqlarining kafolatlari" to‘g‘risidagi qonun qabul qilinishi, Bolalar ombudsmani institutini ta’sis etilishi buning yaqqol namunasi sifatida e’tirof etishimiz mumkun.

Qadrli bolajonlar, siz ertamiz egalarisiz, sizni barkamol inson etib tarbiyalash esa baxtli va farovon kelajagimiz kafolatidir.

Bayram muborak bo‘lsin, aziz bolajonlar!

Hilola Umarova,
Maktabgacha va maktab ta'limi vaziri

👇Bizni kuzatishda davom eting:
Telegram| Instagram| Facebook| Twitter

#Tabriknoma

Aziz yoshlar!
Qadrli ertamiz egalari!

Sizni 30-iyun Yoshlar kuni bilan samimiy tabriklaymiz.

Siz bizning ertamiz va ishonchimizsiz. Zero, mamlakatimizning porloq kelajagi sizning qo’llaringiz bilan bunyod etiladi.

Oldingizga qo’ygan maqsadlaringizda zafar hamisha hamrohingiz bo’lishini tilaymiz.

Yo'lingiz doimo ochiq, iqbolingiz porloq bo'lsin, aziz yoshlar!

Hurmat bilan,
Maktabgacha va maktab ta’limi vazirligi jamoasi

Vazirlikning rasmiy sahifalariga ulanish:
📱Telegram | 📹Youtube | 📒Facebook | 📸Instagram

#Tabriknoma

Aziz hamyurtlar!

Barchangizni mamlakatimiz mustaqilligining 32 yillik bayrami bilan chin dildan tabriklayman.

Yuksak faxr bilan aytishim lozim-ki, Davlatimiz rahbari boshchiligida yurtimizda olib borilayotgan sohaga doir islohotlarni amaliyotga joriy etishda sizlarning o‘rningiz va ishtirokingiz juda katta. Yoshlarning ertangi porloq va baxtli hayotini ta’minlash, ularning bilimli, yurtimizga sodiq va fidoyi insonlar bo‘lib voyaga yetishida har biringiz munosib mehnat qilmoqdasiz.

O‘tgan yillar davomida mamlakatimizda yoshlarga ilm cho‘qqilarini egallashlari, o‘zlarining aql-zakovatlari, ijodiy imkoniyatlarini namoyon etishi uchun barcha zarur sharoitlar yaratildi.

O‘quvchilarimiz esa o‘z navbatida jahonning yetakchi oliy ta’lim muassasalariga o‘qishga kirib, xalqaro olimpiadalarda yuqori o‘rinlarni egallab, yaratilayotgan imkoniyatlarga munosib javob qaytarishmoqda. Albatta, bu natijalarga islohotlar amali yo‘lida astoydil harakatlar sabab erishmoqdamiz.

Qadrli va fidoyi hamkasblar!

Sizlarni va siz orqali barcha oila a’zolaringizni eng ulug‘, eng aziz shodiyona — mustaqilligimizning 32 yilligi ayyomi bilan yana bir bor samimiy muborakbod etaman.

Sizlarga mustahkam sog‘lik, xonadonlaringizga tinchlik-xotirjamlik va fayzu baraka tilayman. Yurtimiz taraqqiyoti va farzandlarimiz kamoloti yo‘lida olib borayotgan ishlaringizda katta muvaffaqiyatlar yor bo‘lsin!

Hilola Umarova,
Maktabgacha va maktab ta’limi vaziri

#Tabriknoma

Qadrli yurtdoshlar, aziz ustoz va murabbiylar!

Barchangizni chinakam milliy tantanamiz, g‘urur va iftixorimiz bo‘lgan O‘zbek tili bayrami bilan samimiy muborakbod etaman.

Insoniyat o‘z milliy tilini “ona tili” deb sharaflashi bejiz emas.

Chunki bunday ulug‘ e’tirof bizga har lahzada o‘z tilimizni onamizdek e’zozlab, qadrlashimiz zarurligini anglatib turadi. Ona tilimiz bizning jahonda alohida xalq, millat sifatida mavjudligimizni belgilovchi muhim asoslardan biridir.

Inson tug‘ilajak Vatani va tilini tanlamaydi – bu unga Yaratgan ato etgan bebaho ne’matlardir. Ana shu ne’matlarni qadrlab, Vatanimiz taraqqiyoti, o‘zbek tili ravnaqi yo‘lida sidqidildan xizmat qilish va mehnatlarimiz samarasini ko‘rish saodati barchamizga nasib etsin!

Ona tilimiz ruhiyatimizga nur, tafakkurimizga yog‘du, qalbimizga g‘urur baxsh etib abadiy gullab yashnasin!

O‘zbek tili bayrami yana bir bor muborak bo‘lsin!

Hilola Umarova,
Maktabgacha va maktab ta’limi vaziri

#Tabriknoma

Hurmatli ustozlar, tizim xodimlari!

Avvalo, barchangizni bugungi unutilmas sana – davlatimiz Konstitutsiyasi qabul qilinganining 31 yilligi bayrami munosabati bilan samimiy tabriklayman!

Shuni faxr bilan aytish lozimki, jonajon Vatanimiz — O‘zbekiston Respublikasida yashayotgan har bir inson, har bir fuqaro uchun bu qutlug‘ sana o‘zgacha intiqlik, cheksiz g‘urur va iftixor bilan nishonlanadigan unutilmas kundir.

Bosh Qomusimiz bizga farzandlarimizni bilimli va barkamol avlod qilib tarbiyalash, ularni shu yurt koriga yaraydigan mustaqil shaxs qilib kamolga yetkazish borasidagi kasbiy faoliyatimizda mustahkam huquqiy tayanch bo‘lib xizmat qiladi.

Ayniqsa, joriy yilning 30-aprel kuni umumxalq referendumi asosida qabul qilingan davlatimizning yangi tahrirdagi Konstitutsiyasi jamiyatimiz rivoji va ta’lim tizimidagi islohotlarni jadal suratlarda amalga oshirishda katta ko‘makchi ekanligi bizga katta g‘urur bag‘ishlaydi.

Fursatdan foydalanib, sizlarni yana bir bor O‘zbekiston Respublikasi Konstitutsiyasi qabul qilinganining 31 yilligi bayrami bilan chin qalbimdan qutlayman. Barchangizga sihat-salomatlik, oilangizga tinchlik-xotirjamlik, baxt-saodat tilayman!

Hilola Umarova,
Maktabgacha va maktab ta'limi vaziri

#Tabriknoma

Qadrli  yurtdoshlar!

Sizlarni ulug' va muborak ayyom — Ramazon hayiti bilan chin qalbdan samimiy tabriklaymiz.

Mana shunday saodatli va duolar ijobat bo'ladigan qutlug' kunda butun xalqimiz, vatandoshlarimizning ezgu niyatlari, xayrli amallari amalga oshishini tilaymiz.

Xalqimizning mehr-oqibati, saxovatpesha, savobli ishlari bardavom bo'lsin. Xonadonlaringizni fayz-u baraka va osoyishtalik tark etmasin!

Andijon shahridagi Prezident maktabi jamoasi

⬇️ Biz ijtimoiy tarmoqlarda:
Veb-sayt|Facebook|Telegram|YouTube