⚙️O‘zTMK Huate bilan laboratoriya bosqichiga o‘tdi

📌O‘zTMK delegatsiyasining Xitoyga safari davom etmoqda. Kecha O‘zTMK vakillari Weifang shahrida joylashgan Huate magnit separator ishlab chiqarish zavodida bo‘lib, ish jarayonlari bilan tanishdi.

📌Shundan so‘ng, Shandong Huate Magnet Technology kompaniyasi bilan Angren va Yangi Angren issiqlik elektr stansiyalarining texnogen chiqindilari (kul-shlak)ni qayta ishlash bo‘yicha muzokara olib borildi.

🔝Uchrashuv chog‘ida kul-shlakdan olingan namunalar Huate kompaniyasiga taqdim etildi va ulardan kerakli metallarni ajratib olishga qaratilgan dastlabki laboratoriya ishlari boshlandi.

⏺Ma'lumot uchun, Huate magnit ajratish texnologiyalari va uskunalari ishlab chiqarishga ixtisoslashgan yetakchi xalqaro kompaniyalardan biri bo‘lib, mahsulotlarini 30 dan ortiq davlatlarga eksport qiladi hamda dunyo bo‘ylab 20 000 dan ortiq mijozlarga xizmat ko‘rsatadi.

🔹 🔹 🔹
🔗На русском языке

🔗In English

🗄🗄🗄🗄
✅OʻzTMK matbuot xizmati

🌐Web-site |🔵Facebook | 📷Instagram | 🎰LinkedIn|🎬Youtube | 🚀Telegram

⚡️TMK va Uzauto Motors Powertrain o‘rtasida hamkorlik memorandumi imzolandi

✅ Bugun O‘zbekiston texnologik metallar kombinatida “Uzavtosanoat” AJ va “Uzauto Motors Powertrain” AJ vakillari ishtirokida muhim uchrashuv bo‘lib o‘tdi.

🤝Uchrashuv davomida TMK va Uzauto Motors Powertrain o‘rtasida kukun metallurgiyasi asosida ishlab chiqariladigan mahsulotlardan avtomobil sanoatida foydalanish va ishlab chiqarilgan mahsulotlarni mahalliylashtirish maqsadida hamkorlik va anglashuv to‘g‘risida memorandum imzolandi.

💠 Memorandum doirasida kukun metallurgiyasi asosida avtomobil sanoatiga mos mahsulotlar ishlab chiqarish va mahalliylashtirish, xalqaro sertifikatlarni olish kabi bir qator yo'nalishlarda hamkorlik qilishga kelishildi.

✅Ushbu memorandum O‘zbekiston sanoatini texnologik modernizatsiyalash, mahalliy xomashyodan samarali foydalanish hamda global ta’minot zanjiriga integratsiyalashish yo‘lida xizmat qiladi.

🔹 🔹 🔹
📎На русском языке

📎In English

🗄🗄🗄🗄
✅OʻzTMK matbuot xizmati

🌐Web-site |🔵Facebook | 📷Instagram | 🎰LinkedIn|🎬Youtube | 🚀Telegram

#TIIF2025 #TMK #Memorandum

⚡️TMK va SGS Markaziy Osiyoda nano-tadqiqotlar uchun yangi bosqichni boshlaydi

✅Bugun Toshkent xalqaro investitsiya forumining muhim voqealaridan biri – TMK va Shveysariyaning SGS kompaniyasi o‘rtasida Anglashuv memorandumi imzolandi.

🔬Hamkorlikda ko'zlangan asosiy maqsad TMK tomonidan tashkil etilayotgan Markaziy nano-analitik laboratoriyani SGS bilan hamkorlikda tizimli yo‘lga qo‘yishdir.

Xususan, hamkorlik quyidagi yo‘nalishlarni o‘z ichiga oladi:
🔘 Laboratoriyada zamonaviy menejment tizimini joriy etish;
🔘 Yuqori malakali laboratoriya mutaxassislarini tayyorlash;
🔘 Ilg‘or dasturiy ta’minotlarni joriy qilish;
🔘 Laboratoriyaning xalqaro akkreditatsiyasini ta’minlash.

TMK — yetarlicha ambitsiyali va yirik kompaniya, umid qilamanki, yaqin kelajakda u jahon bozorida tanilgan brendga aylanadi. SGS va TMK o‘rtasida memorandum imzolanishi ilmiy-tadqiqot sohasida yangi bosqichga chiqishga imkon beradi, - deydi SGS kompaniyasining biznesni rivojlantirish bo‘yicha menejeri Valeriy Kim.

🤝Tomonlar o'rtasida oldin ham uchrashuvlar tashkil etilgan va kritik minerallar konlarini o‘zlashtirish, geologiya-qidiruv va loyihalashtirish ishlari hamda TMK Oliy maktabi bilan ilmiy-amaliy hamkorlik bo‘yicha kelishuvlarga erishilgan.

🔹 🔹 🔹
🔗На русском языке

🔗In English

🗄🗄🗄🗄
✅TMK matbuot xizmati

🌐Web-site |🔵Facebook | 📷Instagram | 🎰LinkedIn|🎬Youtube | 🚀Telegram

🟦🟦🟦🟦🟦🟦🟦
🇺🇿🤝🇨🇳TMK va Chalieco: Volframni qayta ishlashda yangi texnologik bosqich

✍️“O‘zbekiston texnologik metallar kombinati” AJ va Xitoyning yetakchi muhandislik-injiniring kompaniyasi - China Aluminum International Engineering Co., Ltd. (Chalieco) o‘rtasida strategik ahamiyatga ega yangi hujjatlar imzolandi.

💠Tomonlar o‘rtasida volfram gidrometallurgiya sehini modernizatsiya qilish bo‘yicha shartnoma, shuningdek, ilg‘or innovatsion texnologiyalarni joriy etish yuzasidan hamkorlik memorandumi tuzildi.

📌Ma'lumot uchun, China Aluminum International Engineering Co., Ltd. (Chalieco) — bu Xitoyning yirik davlat korporatsiyasi Aluminum Corporation of China (Chinalco) tarkibiga kiruvchi kompaniya hisoblanadi. 2003-yilda tashkil etilgan ushbu kompaniya bugungi kunda u EPC xizmatlaridan tortib, innovatsion texnologiyalarni joriy etish, uskunalar ishlab chiqarishgacha bo‘lgan keng ko‘lamli yo‘nalishlarni qamrab olgan.

🗄🗄🗄🗄
✅TMK matbuot xizmati

🌐Web-site |🔵Facebook | 📷Instagram | 🎰LinkedIn|🎬Youtube | 🚀Telegram