@mujavvid курсимда ўқигандилар, бугун яхши хабар билан келибдилар. Битта пост учун 80 минг сўм бошланишига яхши натижа.

Копирайтинг, таҳрир ва тасҳиҳ ишлари бўйича мурожаат қилаверасизлар.

@Abduazim_uz

Таклифлар борми?

2-3 кунга 3 соатдан ишлаш учун тинч жой керак. Муаллиф билан китоб ўқиб, таҳрир қиламиз (2 киши). Коворкинг марказлари сал қимматлик қиляпти. Арзонроқ вариантлар бўлса, далолат қилиб юборинглар. Сокин бирор уй ҳам бўлади ҳатто.

P. S. Жой топилди, ҳаммага раҳмат

🔥 Qabul ochildi

Ancha vaqt kopirayting kursiga qabul ochmadik. Hozir esa kursda o‘qishni istovchilar ko‘p ekan.

Shu bois yangi guruhga qabul ochamiz.

🧐 Darslarda yangilik bormi?
Avval videodarslar 1 soatdan 2 soatgacha davom etardi. Bu esa:
— uzoq vaqt bir darsni tinglash charchatib qo‘yardi;
— diqqatni shuncha vaqt ushlab turish imkonsiz bo‘lardi;
— natijada o‘quvchilar darslarni o‘zlashtirishda qiynalishardi.

Shu sababli biz darslarni qismlarga bo‘lib taqdim etishga qaror qildik.

Endi har bir dars bitta rolikdan emas, bir nechta qismlardan iborat bo‘ladi. Bu darslarni o‘zlashtirishga ancha yengillik beradi.

Kurs narxi o‘zgarmagan: 1 100 000 so‘m.

Kurs bo‘yicha filolog, pedagog, ijodkor va malakali kopirayter — shogirdim Nilufar Obidova kuratoringiz bo‘ladilar.

Qo‘shimcha savollar bilan shaxsan men (Abduazim)ga ham murojaat qilishingiz mumkin bo‘ladi.

📲 Kursga yozilish: @Copywriting_Support

Бу китобни барча копирайтерлар билади

Максим Ильяховнинг "Пиши, сокращай" номли китоби яқинда ўзбек тилига ўгирилди. Қўлимга нақ 4 нусха келиб тушди. Китоб сифати ва таржима борасида дастлабки таассуротларим жуда зўр. Қаердан яхши нархда буюртма қилиш мумкинлиги ҳақида сал кейинроқ маълум қиламан, шошиб қўйманглар.

Бу 4 нусхани эса танлов қилиб, ютуққа қўяйми, нима дейсизлар?

@Abduazim_uz

Ўқувчиларимдан шунақа хабарлар келса, курс орқали билганларимни бошқаларга улашиш тўғри қарор бўлганига амин бўлиб боравераман.

@Abduazim_uz

Humans'га бойкот эълон қилиш керак

Humans ҳақида сал аввалроқ яхши фикрда эдим. Ҳар қалай, тарифлари анча арзон. Лекин тахминан 10 кунлардан бери пул ўтказмаси ишламаяпти, тўғрироғи, ўзлари ўчириб қўйишган.

Бундай дейишимга бир қанча сабаблар бор.
Қисқаси, махсус карталарига пул солиб қўйиб, кунлик 35% кешбек олиш мумкин. Мен бу кешбекни ўзларидан пакет сотиб олишга ишлатаман. Аммо пул ўтказмаси ишламаётгани сабабли картага солинган пулларни керак бўлганда ечиб бўлмайди, фақат харидлар учун ишлатиш мумкин.

Улар шу 10 кундан буён кунлик 35% кешбек олишимиз мумкинлиги ҳақида ҳар куни СМС жўнатишади. Қачон пул ўтказмаси хизмати ишлаши ҳақида сўралса, "муддати аниқ эмас, тез орада ишлайди" деган жавобдан уёғига ўтишмайди. Яъни картага пул солиш мумкин, лекин ечиб олиб бўлмайди. Ҳар кунлик СМС-хабарномада эса бу ҳақда лом-мим дейилмайди.

Бу ишларнинг ортидан битта хулоса келади — менимча, улар бу пулларни айлантириш билан машғул. Тўлиқ маълумот берилмаётгани ва фактлар яширилаётганини эса қайсидир маънода фирибгарликка йўйиш мумкин.

@Abduazim_uz

Марказий банк уларни ўчириб қўйган экан. Сабаби мақолада ёзилибди:

https://t.iss.one/gazetauz_ozb/45176

Бу янгилик ҳақида ҳали айтмагандим шекилли.

Топинг-чи нима?

@Abduazim_uz

Ҳозир копирайтингни ўрганиш учун энг қулай пайт. Касбингизни ўзгартиришга нима дейсиз?

📌 Бу ғоялар ва уларни ҳаётга татбиқ қилиш ҳақидаги касб – биз креатив кампаниялар яратамиз, реклама роликлари, ташқи реклама, дигитал фаолликлар ўйлаб топамиз. Замонавий касблар орасида эса копирайтингнинг ўрни бошқача – ким бўлсангиз ҳам, барибир, фикрларингизни аниқ, тушунарли қилиб етказиб бериш муҳим.

Oʻz: https://oyina.uz/uz/article/3098

Ўз: https://oyina.uz/kiril/article/3099

Расмий саҳифаларимиз👇

Telegram | Facebook | X | Instagram

Интервью чиққанини билмай ҳам қолибман.

Соҳага энди кираётганлар учун фойдали бўлади — асосий саволларга жавоблар берилган.

@Abduazim_uz

Бугун 605 Agency раҳбари Отабек ака Najot Ta’lim'да маҳорат дарси ўтиб бердилар

Ўқувчиларим кўп сўрашади: "Рус ва инглиз тилларини билмасак ҳам копирайтинг бўйича иш топсак бўладими?"

Бу саволга ҳар доим ижобий жавоб берганман. Бугун жавобим тўғрилигига яна бир бор амин бўлдим. Энди шунчаки матнчи эмас, креатив, ҳақиқий ижодкор мутахассис бўлиш кераклигини ҳам қўшимча қилиб кетаман.

@Abduazim_uz

Муаллифдан

Кеча ўзбек тили куни эди, аммо каналга ҳеч нарса жойламадим. Вақтим ёки контент йўқлиги учун эмас, шунчаки бошқаларни томоша қилгим келди.

Давлат идораларидан тортиб кўча б/влогерларигача — ҳамма ўзбек тили ҳақида қайғуришини билдирди. Аммо деярли ҳеч бири амалда буни кўрсатиб беролмади. Табиийки, бугун тил масаласи эсдан чиқарилди.

Тил ҳақида фақат бир кун гапирилмайди. Шунинг учун мен шунчаки сукут сақладим.

@xatoliklar

Бугун ишхона (Minim)га брендинг хизматидан фойдаланиш учун бир йигит келган эканлар, кейин мени ҳам сўрабдилар.

Билсам, у йигит копирайтинг курсимда ўқиган эканлар. Ҳозир қуруқ қурилиш маҳсулотлари ишлаб чиқарувчи Juramix брендининг CEO, яъни бошқарув раҳбари сифатида иш юритаётган эканлар.

Кўриб хурсанд бўлдим, улардан курсим ва берган билимларим ҳақида илиқ фикрлар эшитдим. Шунақа, ўқувчиларинг ўз йўлини топиб кетса, худди ота-онадек қувонаркансан киши.

P. S. соч-соқолга аҳамият бермайсизлар 😄

@Abduazim_uz

Баъзан қисқа фурсатга бўлса-да ҳамма ишни четга суриб, шунчаки дам олиш керак. Майли, бутун дунё сизни кутиб турсин.

@Abduazim_uz

Одатда курсимни битирган ҳаммага ҳам иш топиб бермаймиз, бунга имкон ҳам йўқ. Ҳар 10 кишидан 2-3 тасига ҳеч бўлмаганда бир марталик иш олиб берамиз одатда.

Шу боис қолганлар хафа бўлиб қолиши табиий. Жавоҳир дўстимиз ҳам анча вақт ишсиз бўлиб қолган, лекин ҳаракатдан тўхтамаган эканлар. Ҳозир эса Smartbook нашриётида PR-менежер ва яна бир қанча лойиҳаларда онлайн ишлаяптилар.

Яна шахсий блогларини очиб, копирайтинг ва маркетинг бўйича қаймоқли маълумотларни содда тилда бериб боряптилар. Қизиқ бўлса, обуна бўлиб қўйинг: @ashinaqa_gaplar

@Abduazim_uz

Рамазонда ўз устингизда ишланг

«Тўғри копирайтинг» курсига қабул очилганини эълон қиламиз. Рамазон ойи ўз устингизда ишлаб, янги билимларни эгаллаш учун яхши фурсат.

Бу соҳа ўзи кимлар учун?
— ота-онасидан пул сўраш ёшидан ўтиб бораётган йигит-қизлар;
— ойлик маошига қониқмайдиган ва қўшимча даромад манбаи излаётганлар;
— ишсизликдан чарчаган бекорчи ёки декретдаги аёллар;
— копирайтер бўлиб ишлаётган, аммо малакасини оширмоқчи бўлганлар учун.

Курс давомийлиги: 1 ой (12 та видеодарс)
Курс нархи: 1 млн сўм
Устоз назорати (қўшимча хизмат): 250 минг сўм

🔥 Биринчи тўлов қилган 3 кишига курс нархидан 25% чегирма бор, яъни 250 000 сўм қайтариб берилади.

——

*Агар курсда берилган топшириқларни виждонан бажариб, ҳеч қандай натижага эришмасангиз, пулингизни қайтариб берамиз!

Батафсил ушбу ҳаволада: https://teletype.in/@xatoliklar/kurs-noyabr

Курс ҳақида кўпроқ билиш учун ёзинг: @Copywriting_Support

"Бекорчи аёл бўлмайди", деяпти кеннойингиз 😆

Ҳеч бир ҳаракат самарасиз кетмайди

Ҳаракат қилган эртами-кеч натижага эришиши муқаррар. Фақат озгина сабр ва ирода керак.

Ўқувчиларимиздан шунақа хабарлар келиб турса, меҳнатимиз зое кетмаганига яна бир бор амин бўламиз. Юзимиз ёруғ, йўлимиз очиқ.

Қизиқ бўлса, сиз ҳам курсда ўқиб олинг: @Copywriting_Support

@xatoliklar

Ҳатто фирибгарлар ҳам копирайтер хизматидан фойдаланяпти

Яқинда фирибгарлар телефон қилиб, номимга карта очилгани ва ҳар ой 1 700 000 сўмдан пул ювилаётгани ҳақида хабар беришди. Ё Украинча, ё Беласурча акцент билан гаплашишяпти, аммо рақам маҳаллий.

Аввал биттаси ўзини туман ички ишлар бошқармаси ходими сифатида таништирди, кейин гўёки Миллий банк ходимига улаб беришди.

Ҳаммаси тайёр ёзиб олинган сценарий, яъни скриптлар асосида. Ўлжани босқичма-босқич тайёрлашаркан.

Бунақаларни жиғига тегиб, умидвор қилишни ва вақтини ўғрилашни яхши кўраман. Орада биз Ўзбекистонда эканимизни ва ўзбек тилида гаплашишга ҳақли эканимни айтиб, улардан ўзбекча гапиришни талаб қилдим.

Қизиғи, ҳатто шу эътирозга ҳам жавоб тайёрлаб қўйишган экан.

Мен фирибгарларни чалғитиш учун суҳбатда ташаббусни ўз қўлимга ола бошладим — саволларга чалғитувчи савол билан жавоб бердим, фактларни ўзгартириб тақдим этдим. Уларнинг хатоси нотўғри ўлжа танлашганида.

Аммо ҳаётда оператор ҳар доим кутилмаган вазиятларга тайёр бўлиши керак.
Суҳбат ҳар доим ҳам копирайтер ўйлаган кетма-кетликда бўлмаслиги мумкин. Мижоз берган жавоб копирайтер ёзиб берган сценарийсига тўғри келмаса, оператор роботлик қилмасдан, вазиятдан чиқиб кета олиши керак.

Хуллас, бир нарса аниқ: бунақа скриптлар устида кучли копирайтерлар ишлаган, анчагина эътирозларга асосли жавоблар тайёрлаб қўйилган.

Ҳатто фирибгарлар ҳам копирайтерлар хизматидан фойдаланяпти. Сиз бўлсангиз, ҳали ҳам копирайтер ўзи нимага керак, деб юрибсиз.

@Abduazim_uz