Joriy yilning 26-oktabr kuni O‘zbekiston tarixi davlat muzeyida Xalqaro tashrif buyuruvchilar uchun yetakchilik dasturi ( #IVLP Impact Award Project) doirasida “Arxeologik kolleksiyalarni muhofaza qilish va saqlash” mavzusida seminar tashkil etildi. Ushbu seminar muzey ilmiy ishlar bo‘yicha direktor o‘rinbosari Otabek Aripdjanovning IVLP loyihasi doirasida amalga oshirilib, arxeologiya, muzeyshunoslik va san’at asarlarini saqlash va ta’mirlash sohasi mutaxassislari tomonidan ma’ruzalar taqdimoti shaklida bo‘lib o‘tdi.

@tarix_muzeyi

#Xalqaro seminar

2023-yilning 16—20-oktabr kunlari Surxondaryo viloyatining Termiz shahrida “Markaziy Osiyo respublikalaridagi madaniy meros obyektlarini asrab-avaylash” mavzusida xalqaro seminar bo‘lib o‘tdi.

Ushbu tadbir Fanlar akademiyasi, Chikago universiteti, Qadimgi madaniyatlarni oʻrganish instituti, Chikago madaniy merosni saqlash markazi, AQSh Davlat departamenti hamda AQSHning Oʻzbekistondagi elchixonasi bilan hamkorlikda tashkil etildi.

Bo‘lib o‘tgan xalqaro seminarda Chikago universiteti qoshidagi Qadimgi madaniyatlarni o‘rganish institutining Yaqin Sharq arxeologiyasi professori Jill Stein, YUNESKOning sobiq xalqaro texnik maslahatchisi Devid Mikelmor hamda, London Universitet kolleji Amaliy arxeologiya markazining bosh maslahatchisi va tabiatni muhofaza qilish va saytni boshqarishni rejalashtirish bo'yicha mutaxassisi Gaetano Palumbolarning maruzalari tinglandi.

#Akademiya yoshlari

O'zRFA Umumiy va noorganik kimyo instituti doktoranti PhD Yusupov Suhrob Qahramon o'g'li 2023 yil 10-11 oktyabr kunlari Turkmaniston Respublikasida Turkmaniston Fanlar Akademiyasi, Turkmaniston Ta’lim vazirligi va Turkmaniston Yoshlar tashkiloti markaziy kengashi tomonidan o'tkazilgan “Yuqori texnologiyalar va innovatsion loyihalar” xalqaro tanlovida o'z loyihasi bilan ishtirok etib, faxrli 1 o'rinni egalladi. G'alaba muborak bo'lsin!

Bizni ijtimoiy tarmoqlarda kuzatib boring👇

📌 Telegram|Facebook|Instagram|Youtube