Вазир ўринбосари Бухорода иқтидорли талабалар билан учрашди

2020 йилнинг 9 ноябрь куни Бухоро давлат университетида Олий ва ўрта махсус таълим вазирининг ахборот технологиялари ва ёшлар бўйича ўринбосари Юсуф Абсоатов вилоят олий таълим муассасаларининг бир гуруҳ иқтидорли талабалари билан учрашув ўтказди. Учрашувни Бухоро давлат университети ректори Обиджон Ҳамидов очиб берди.

Учрашувда вазир ўринбосари бугунги кунда давлат миқёсида қаратилаётган эътибор натижасида ёшларга яратилаётган шароитлардан оқилона фойдаланиб келажакда етук инсон бўлиб етишишлари бўйича ўзининг тавсияларини берди.

Шунингдек, талабалардан физика, кимё, биология фанлари бўйича эришган ютуқлари тўғрисида маълумот олиб келажакда ўз олдиларига қўйган мақсадлари билан қизиқди.

Учрашув давомида талабалар билан физика, математика, кимё, биология фанлари доирасида “Фан ва ҳаёт” мавзусида ўқув қўлланма яратиш доирасида фикр алмашилди ва келажакдаги истиқболли режалар белгилаб олинди.

Тадбир давомида ёшларнинг таклиф, истаклари ва муаммолари тингланди.

📍Lotin alifbosida o‘qing

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​Юсуф Абсоатов иқтидорли талабалар ташаббусини қўллаб-қувватлади

2020 йилнинг 10 ноябрь куни Қарши давлат университетида Олий ва ўрта махсус таълим вазирининг Ахборот технологиялари ва ёшлар бўйича ўринбосари Юсуф Абсоатов вилоят олий таълим муассасаларининг бир гуруҳ иқтидорли талабалари билан учрашди.

Мулоқот давомида Ю.Абсоатов талабаларнинг физика, математика, кимё, биология фанлари доирасида «Фан ва ҳаёт» мавзусида ўқув қўлланма яратиш бўйича фикр-мулоҳазаларини тинглади. Айтиш жоизки, бу ғоя илк бор вазир ўринбосарининг Бухоро давлат университети талабалари билан учрашуви чоғида муҳокама қилинган, ёш олимлар томонидан илиқ қарши олинган эди. Қашқадарёда уни қўллаб-қувватловчилар сонида янада кўпайганига гувоҳ бўлиш мумкин.

Тадбир давомида вазир ўринбосари вилоятнинг чекка ҳудудларида жойлашган мактабларда физика, математика, кимё, биология фанлари ҳамда ахборот технологиялари соҳасида олийгоҳда ўрганаётган билимларини мактаб ўқувчилари билан бўлишиш истагида бўлган талабаларнинг ташаббусларини тўла қўллаб-қувватлашга тайёр эканини билдирди.

Учрашув якунида иқтидорли ёшлар билан доимий мулоқотни таъминлаш, уларнинг таклиф, истак ва муаммоларидан бохабар бўлиш мақсадида телеграм ижтимоий тармоғида алоҳида гуруҳ очишга келишиб олинди. Табиийки, ушбу мулоқот ёш вазир ўринбосарининг муваффақиятлари асносида иқтидорли ёшларни мақсад сари одимлаш учун янада руҳлантирди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

Талабалар ўртасида илғор мобиль иловалар яратиш бўйича ўтказилган «mGovAward» танлови ғолиблари аниқланди

Бугун, 11 ноябрь куни талабалар ўртасида “mGovAward” давлат хизматлари мобил иловаларини яратиш бўйича танлов ғолибларини тантанали тақдирлаш маросими онлайн тарзда ўтказилди. Унда Ўзбекистон Республикаси Бош вазири Абдулла Орипов иштирок этди.

Ўзбекистон Республикаси ва Бирлашган Aраб Aмирликлари ҳамкорлигида ўтказилган мукофот жамғармаси 100 минг АҚШ долларига тенг бўлган танловда талабалар 5 та йўналишда ўзлари ишлаб чиққан мобил иловалар билан иштирок этди.

Танлов якунларига кўра, масофавий таълимга мўлжаллаган “Roboteach” андроид иловасини яратган жамоа фахрли биринчи ўринни эгаллади.

“Roboteach” масофавий таълимга оид андроид илова бўлиб, унда инглиз тилини ўрганиш учун видео дастур ва тестлар юкланган. Иловада инглиз тилининг бошланғич босиқчдаги дарслари ўзбек тилида тушунтирилган бўлиб, мавзулар мураккаблашгани сари дарслар инглиз тилида тушунтирилади.

ТАТУ Қарши филиали, Қарши давлат университети, Тошкент давлат юридик университети ва Тошкент транспорт университети талабларидан ташкил топган жамоа 50 минг АҚШ доллари миқдорида пул мукофоти билан тақдирланади.

ТАТУ ўқитувчи ва талабалари томонидан иборат жамоа томонидан имконияти чекланган инсонлар ҳаётини енгиллаштириш йўлида ишлаб чиқилган “Sahiya” иловаси 3-ўринга сазовор бўлди. Дастурчилар 20 минг АҚШ доллари миқдорида мукофот билан тақдирланади.

“Sahiya” – ногирон кишиларга, шунингдек, соғлом одамларга ҳаётининг турли жабҳаларида ёрдам беришга мўлжалланган универсал тизим. У кўп қирралилиги, созлаш осонлиги учун ҳам ёш ва кекса одамларга мос келади.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

#Muhim_xabar

Республика комиссиясининг 2020 йил 12 ноябрдаги йиғилиши қарорига мувофиқ барча олий таълим муассасаларида жорий йилнинг 16 ноябридан олий таълим муассасаси томонидан ишлаб чиқилган чора-тадбирлар ва режа-график асосида ўқув жараёнини анъанавий шаклда давом эттириш белгиланди.

📍Lotin alifbosida o‘qing

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

Олий ва ўрта махсус таълим вазирлиги ахбороти

Ҳурматли ота-оналар, талабалар!

Олий таълим тизими олдига юқори малакали кадрларни тайёрлашдек масъулиятли вазифа қўйилаётган бугунги кунда талаба-ёшларда амалий кўникмаларни ривожлантиришга алоҳида эътибор қаратилмоқда.

Пандемия туфайли кўплаб режаларимизни ўзгартиришга, таълим муассасаларида анъанавий таълимни масофавий (онлайн) таълим шаклига ўтказишга тўғри келди. Аммо таълимнинг анъанавий ва илғор технологияларига ўтишга бўлган тайёргарлик ишлари бир лаҳза ҳам тўхтамади.

Олий ва ўрта махсус таълим вазирлиги томонидан талабалар ва уларнинг ота-оналари орасида ўқув жараёнини анъанавий шаклда бошлаш бўйича жамоатчилик фикри ўрганилди.

Талабалар ва уларнинг ота-оналари билдирган таклифларни инобатга олган ҳолда ҳар бир олий таълим муассасасининг, таълим йўналишининг хусусиятидан келиб чиқиб, ҳозирги вақтда ўқув жараёнини босқичма-босқич 2020 йил 16 ноябрь – душанба кунидан анъанавий таълим шаклида давом эттиришга қарор қилинди.

Таълимнинг анъанавий шаклда ташкил этилиши, албатта, олий таълим муассасаси жамоасига қўшимча масъулият ва вазифалар юклайди. Шу боис ҳам, авваламбор талабаларнинг соғлиғини асраш, уларнинг сифатли таълим олиши учун етарли шарт-шароит яратиш мақсадида:

- ҳар бир олий таълим муассасасида ҳудудий Соғлиқни сақлаш бирлашмалари, Санитария-эпидемиологик осойишталик ва жамоат саломатлиги хизмати вакиллари жалб қилинган ҳолда тезкор Штаб ташкил этилади;

- аудитория ва хоналар ўқув жараёнига Санитария-эпидемиологик осойишталик ва жамоат саломатлиги хизмати ҳудудий бўлинмалари билан биргаликда тайёрланади;

- курслар кесимида ўқув жараёнини ташкил этиш схемаси ишлаб чиқилиб, табақалаштирилган вақт соатлари асосида дарс жадваллари тузилади;

- талабалар турар жойлари фаолияти санитария-гигиена ва дезинфекция талабларига қатъий жавоб берадиган нормаларда ташкил этилиб, жиҳозланган ҳолатда талабаларнинг яшашларига босқичма-босқич рухсат берилади;

- олий таълим муассасалари ва талабалар турар жойларида Тиббиёт пунктлари ташкил этилади;
- талабалар саломатлиги назоратини таъминлаш мақсадида ҳар бир олий таълим муассасасига тиббиёт муассасалари бириктирилади.

Бугунги пандемия шароитида яшашга, меҳнат қилишга ва ўқишга кўникишимиз, энг асосийси – фарзандларимиз сифатли таълим олишни давом эттиришлари учун барча имкониятларни яратишимиз лозим.

Фарзандларимизнинг сифатли таълим олиши ва етук кадрлар бўлиб етишиши учун барчамиз бирдай масъулдирмиз.

Олий ва ўрта махсус таълим вазирлиги

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

​​Юсуф Абсоатов ОТМ раҳбарлари ва олимлари билан суҳбатлашди

Кеча Қарши муҳандислик-иқтисодиёт институтида Олий ва ўрта махсус таълим вазирининг Ахборот технологиялари ва ёшлар бўйича ўринбосари Юсуф Абсоатов вилоят олий таълим муассасаларининг раҳбарлари ва олимлари билан учрашди.

Мулоқот аввалида вазир ўринбосари Ўзбекистон Республикаси Президенти Шавкат Мирзиёевнинг Қашқадарё вилоятига ташрифи ҳақида ўз фикрларини билдирди. Мамлакатимизда дастурий маҳсулотлар ва ахборот технологиялари технологик парки филиаллари ташкил этилиб, соҳа мутахассисларига яхши шароитлар яратилганлиги, Қарши шаҳрида барпо этилган IT-технопаркда ҳам веб-дизайнерлар, дастурчилар ва робототехниклар ўз фаолиятини бошлаганлигини алоҳида эътироф этди.

“Бир миллион дастурчи” лойиҳаси доирасида ўқув курслари ташкил этилгани натижасида ахборот технологияларига қизиқувчи ёшларга кенг имконият яратилганлиги ҳақида ҳам гапирар экан, вазир ўринбосари ОТМ масъуллари ҳам бугунги кунда бўлаётган ўзгаришларга кузатувчи бўлмасдан, IT-парклар билан ҳамкорликни кенгайтириш зарурлигини қайд этди.

Тадбир давомида Ю.Абсоатов ОТМ профессор-ўқитувчилари ва ходимлари ахборот-технологияларини чуқур ўрганишлари учун қилиниши лозим бўлган ишлардан биттаси ОТМда IT-технопарклар ташкил қилиб профессор-ўқитувчилар ҳамда ходимларни жалб қилиш кераклигини алоҳида таъкидлади.

- Бугун биров сиздан ўқишни биласизми деб сўраса, кулгили туюлади. Ҳали кўрасиз: 5-10 йил ўтиб профессор-ўқитувчиларимиз ахборот технологияларини шундай ўзлаштирадики, бу соҳа ҳам ўқиш ва ёзиш каби оддий кўникмага айланиб қолади, - дейди Ю.Абсоатов.

Учрашув давомида профессор-ўқитувчилар, олимлар ва тадқиқотчилар ҳам ўз фикр-мулоҳазалари, муаммолар ва уларнинг ечими юзасидан ўз таклифларини билдирдилар.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

Bugun davlat bayrog‘imiz 29 yoshga to‘lmoqda.

1-sinfda rasm darsida eng birinchi chizgan rasmimiz bayrog‘imiz edi. Ba'zan yashil va moviy ranglarning o‘rnini alishtirib qo‘yardik: yashil tepaga, moviy pastga bo‘lib qolardi. Shunda ustozimiz: "Tepada ko‘m-ko-k osmon, pastda yam-yashil yer", - degan edilar. O‘shandan keyin sira adashmaydigan bo‘lganmiz.

Davlatimiz bayrog‘i doim hilpirab tursin, Hazrat Navoiy ta'biri bilan aytganda, avjdan quyi inmasin.

Bayram muborak!

@yusufabsoatov

​​Вазир ўринбосари Хоразмда: иқтидорли талабалар билан учрашув

2020 йилнинг 23 ноябрь куни Урганч давлат университетида Олий ва ўрта махсус таълим вазирининг ахборот технологиялари ва ёшлар бўйича ўринбосари Юсуф Aбсоатов вилоят ОТМларининг бир гуруҳ иқтидорли талабалари билан учрашув ўтказди. Учрашувни Урганч давлат университети ректори Баҳром Абдуллаев очиб берди.

Учрашувда вазир ўринбосари бугунги кунда мамлакатимиз ёшларига яратилаётган имкониятлар, фан ва таълим интеграциясида ёшларнинг тутган ўрни масалалари хусусида ўз фикр-мулоҳазаларини билдириб, ёшларнинг мақсад ва интилишлари, таклифлари билан қизиқди.

Юсуф Aбсоатовнинг янги ташаббуси хоразмлик талабаларга жуда манзур бўлди. "Бугун математика бўйича Қоракўл мактаби биринчи ўринда, - дейди вазир ўринбосари. - Лекин Aлгебранинг, алгоритмнинг отаси Мусо ал-Хоразмий мана шу замин - Хоразм фарзанди. Балки, Қоракўл мактабининг рақобатчиси Хоразмда бўлиши керакдир. Роналду ва Месси ўзаро рақобат қилиб, натижада, дунёнинг энг зўрлари бўлди-ку, худди шу каби Хоразм ва Бухоро математика мактаблари ҳам ўзаро рақобатлашса, дунёнинг энг зўр икки мактаби юртимизда бўлиши мумкин. Мен шахсан дунёнинг энг кучли 20 та университетига математика ва инглиз тилидан тайёрлайдиган ўқув даргоҳи Хоразмда бўлиши керак деб ўйлайман. Ҳамма нарсанинг зўри пойтахтда бўлиши - бу бизнинг ютқизиғимиз, кичик фожиамиз. Хоразмда шундай билим даргоҳлари ташкил қилишимиз керакки, пойтахтдан, водийдан, воҳадан, қўшни республикалардан келиб ўқишсин. Бунга салоҳият борми - бор. Биздан нима ёрдам керак бўлса, мана, имкон қадар қўллаб-қувватлаймиз".

Университет қошида математика фанини инглиз тилида ўқитадиган ўқув марказини очиш лойиҳасини амалга оширишга келишиб олинди. Бу иқтидорли ёшларнинг дунёга чиқишига, Ал- Хоразмийнинг муносиб ворислари сифатида фанни ривожлантиришига кўмак бериши таъкидланди.

Эркин мулоқот тарзида ўтган тадбирда иштирок этган талабалар ўз таклиф ва фикр-мулоҳазалари билан қатнашиб, қизиқтирган барча саволларига батафсил жавоб олишди. Кўтаринки руҳда ўтган учрашувда бундай мулоқотларни доимий давом эттиришга келишиб олинди.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

💐Qizlarjonlaruuu🙋‍♀️

Sizni uzoq kuttirmagan holda O‘zbekistonda ilk bor KHISO olimpiada maktabi tashabbusi bilan Yoshlar ishlari agentligi bilan hamkorlikda o‘tkazilayotgan qiziqarli olimpiadamiz davom etadi.
🤩O‘z davrasiga ko‘plab qizlarni yig‘a olgan onlayn "Qizlar Olimpiadasi"ning navbatdagi turiga start beramiz.

💡Bu safar qizlarimiz o‘z bilimlarini xorijiy tillar bo‘yicha sinovdan o‘tkazadilar.✅

🗓29-noyabr kuni soat 09:00 dan 19:00 ga qadar o‘tkaziladigan olimpiada quyidagi fanlar bo‘yicha bo‘lib o‘tadi:

🏴󠁧󠁢󠁥󠁮󠁧󠁿Ingliz tili
🇩🇪Nemis tili
🇷🇺Rus tili
🇫🇷Fransuz tili

Roʻyxatdan oʻtish:

👉@Khiso_uz_bot👈

📌 To‘liq ma'lumotni quyidagi havoladan olishingiz mumkin! 👉 Batafsil tanishing!

ESLATMA: Olimpiadada qatnashish mutlaqo bepul!

🥳 G‘alabaga yaqin qoldi, siz barchasini uddalaysiz!✊

👉 @khiso

Бугун Муқимий номидаги Ўзбекистон давлат мусиқали театрида “Талабалар театр студияси” фестивалининг кўрик-танлови республика босқичи бошланди.

Фестивалнинг финал босқичида Қорақалпоғистон тиббиёт, Қарши муҳандислик иқтисодиёт, Чирчиқ давлат педагогика, Тошкент давлат стоматология институтлари, Тошкент давлат юридик ва Тошкент давлат педагогика университетлари ҳамда Тошкент тиббиёт академияси Фарғона филиали талабаларининг ижодий жамоалари ўзаро беллашадилар.

“Талабалар театр студияси” фестивалининг финал босқичи эртага ҳам давом этади.

Вазирлик телеграм каналига уланиш👇👇👇
https://t.iss.one/joinchat/AAAAAEX5-AsADEDumdCB6g

"Universiada" sport musobaqalarining respublika final bosqichida ba'zi sport turlari pandemiya sababli qoldirilgandi.

Qoldirilgan sport turlari quyidagi jadval bo'yicha o'tkaziladi.

Barcha jamoalarga omad!

@yusufabsoatov