#Расмий

Олий ва ўрта махсус таълим вазирлиги ахбороти

Ижтимоий тармоқларда олий таълим муассасаларида 2019/2020-ўқув йилининг баҳорги семестри жорий йилнинг 1 июль кунига қадар тўлиқ якунланиши ҳақида навбатдаги нотўғри хабарлар тарқатилмоқда.

Олий ва ўрта махсус таълим муассасаларидаги ўқув жараёнига киритиладиган ўзгаришлар ҳақида вазирлик ўз расмий саҳифалари ва ОАВ орқали расмий маълумот эълон қилади.

Шу сабаб талаба-ёшлар ва уларнинг ота-оналаридан ҳамда кенг жамоатчиликдан олий ва ўрта махсус таълим тизимига оид маълумотлар билан вазирликнинг расмий сайти ва унинг ижтимоий тармоқлардаги саҳифаларида танишиб боришни тавсия қиламиз.

Талабалар ва ўқувчилардан эса диққат-эътиборларини карантин қоидаларига қатъий риоя қилган ҳолда саломатликларини сақлаш ва масофадан таълим олиш бўйича вазирлик томонидан яратилган ресурслардан унумли фойдаланиб, ўз устида ишлашга қаратишларини сўраймиз.

Олий ва ўрта махсус таълим вазирлиги
Ахборот хизмати

Олий ва ўрта махсус таълим вазирлигининг расмий телеграм каналига уланиш👇👇👇
https://t.iss.one/joinchat/AAAAAEX5-AvPsYY6S0TbOQ

Hayot senga limon (limon kislota) bersa, sen undan limonad (limon kislota+shakar+suv) tayyorla

@yusufabsoatov

Излаган имкон, изламаган баҳона топади

Куни кеча ёзилган постдаги эълонга upwork орқали 5 нафар ҳамюртимиз топшириб, улардан 2 нафари билан видеодарс тайёрлаш бўйича онлайн шартнома туздик (мана, рақамли иқтисодиётга ҳам яққол мисол). Яқин кунларда видеодарс тайёр бўлса, бошқа ёшларимиз учун ҳам онлайн иш топишга ёрдами тегади деб умид қиламиз.

Ҳозирги кунда битта шу upwork.com ни ўзида 200 дан ортиқ одам Ўзбекистонда яшаб, интернет орқали даромад олган экан. 400 дан ортиғи яна рўйхатдан ўтган, лекин энди даромад олади.

Ушбу мавзу кўтарилгандан сўнг кўпгина онлайн даромад топаётган мутахассислар ҳам яхши таклифлар билдиришди, Кўпчилиги ўз тажрибаси билан ўртоқлашишга ҳаракат қилган, уларга ҳам албатта катта раҳмат. Уларни фикрларини ўрганиб, тегишли мутасаддиларга етказишга ҳамда бу соҳадаги тажрибани янада кенгроқ оммалаштиришга ҳаракат қиламиз.
Batafsil: https://bit.ly/2ykBCEh

Тадбиркор ёки тадбиркорлик қилиш истагида бўлган ҳамюртларимиз ўз фаолиятларини онлайнга ўтказиш жараёнида дуч келган юридик ва техник муаммолар ёки электрон имзони ишлатиш билан боғлиқ масалалар юзасидан саволларини махсус бот орқали юборишлари мумкин бўлади. Шунингдек, масофавий ишлашда ўз ходимлари ва шериклари билан ҳужжатлар алмашиш, мижозлари билан муносабатларни қайдлаб бориш ва сотувни бошқариш бўйича ҳам тавсиялар берилади.

Фаолиятни онлайнга ўтказиш – ҳужжатларни электрон кўринишда имзолаш, савдо ва мижозлар билан амалга оширилган операциялар бўйича ҳисобот юритиш, тўловларни Payme ва Click каби дастурлар ёрдамида қабул қилиш ва ҳамкорлар билан ўзаро ҳужжат алмашиш ҳамда энг муҳими тўхтаб қолган айрим хизмат турлари бўйича карантинга қарамай даромад олишни давом эттириш имконини беради.

Электрон тижорат билан шуғулланиш учун шартномалар лойиҳаси, электрон рақамли имзони провайдер кабинетида созлаш, CRM (Customer Relationship Management, яъни мижозлар билан муносабатларни бошқариш тизими) ва айрим технологик ечимлар керак бўлиб ўзида бундай мутахассилари йўқ тадбиркорлар учун уларни алоҳида ёллаш қийин масала бўлиши мумкин.

Инқироз вақтида ҳаражатларни қисқартириш талаби бор экан, буни ходимлар маошини қисқартириш орқали эмас, балки бизнес жараёнларни тафтиш қилиб, уларни мувофиқлаштириш ва барча амалиётларни онлайнга ўтказиш билан ҳам эришиш мумкин.

Яқин орада ўзаро ёрдам фаолияти доирасида онлайнга ўтказиш мумкин бўлган йўналишлар таҳлил асосида эълон қилиниб борилиши ва намунавий ечимлар тақдим қилиниши ҳам режалаштирилган.

Хозирги кунда UZARO ўз фаолиятини, яъни юридик шахслар билан шартномалар тузишни тўлиқ электрон имзо орқали амалга ошира бошлади, апрел ойини охирига бориб жисмоний шахслар билан ҳам бу жараён ишга тушиши кутилмоқда.

Бепул маслаҳат олиш учун @uzaro_bot га кириб “Ёрдам олиш” тугмасини босинг ва керакли бўлимни танлаб саволларингизни юборинг.

“UZARO”нинг мақсади – жамиятда содда ва қулай ўзаро ёрдам ва раҳмдиллик хислатини шакллантириш.

ЁРДАМ КЕРАК БЎЛГАН ЯҚИНЛАРИНГИЗГА ҲАМ ЮБОРИНГ!

Мурожаат учун: @uzaro_bot
Каналга уланиш | Facebook

⚡️🔥 Тадбиркорлар ўз фаолиятини онлайнга ўтказиш бўйича UZARO Бот ёрдамида бепул маслаҳат олишлари мумкин.

Биргаликда жамиятда содда ва қулай ўзаро ёрдам ва раҳмдиллик хислатини шакллантирамиз.

ЁРДАМ КЕРАК БЎЛГАН ЯҚИНЛАРИНГИЗГА ҲАМ ЮБОРИНГ!

Мурожаат учун: @uzaro_bot
Каналга уланиш | Facebook

#Қонунчилик_янгиликлари

Тошкент давлат шарқшунослик университети ташкил этилди

“Шарқшунослик соҳасида кадрлар тайёрлаш тизимини тубдан такомиллаштириш ва илмий салоҳиятни ошириш чора-тадбирлари тўғрисида”ги Президент қарори эълон қилинди.

Қарор билан Тошкент давлат шарқшунослик институти негизида Тошкент давлат шарқшунослик университети ташкил этилди.

✅ 2020/2021 ўқув йилидан бошлаб,

👉 Университетга талабаларнинг билимини баҳолаш ҳамда ўқув жараёнининг амалиёт билан интеграциялашувини таъминлаш тизимини ишлаб чиқиш ва тасдиқлаш ҳуқуқи берилади;

👉 таълим жараёни босқичма-босқич кредит-модуль тизими асосида амалга оширилади;

👉 хорижий олий таълим муассасалари билан ҳамкорликда ташкил этиладиган қўшма таълим дастурларининг ўқув режалари ва фан дастурлари Университет томонидан хорижий ҳамкорлар билан келишилган ҳолда мустақил тасдиқланади;

👉 Университетда шарқ тиллари ўқитиладиган таълим муассасалари ўқитувчилари учун доимий фаолият юритувчи қайта тайёрлаш ва малака ошириш курслари ташкил этилади ҳамда курслардан муваффақиятли ўтган педагог кадрларга белгиланган намунадаги сертификат берилади;

👉 Университетга ўқишга қабул қилишда шарқ тилларидан (турк, араб, форс, дари, ҳинд, урду, хитой, корейс, уйғур, япон тиллари) топшириладиган кўп балли тизим бўйича имтиҳонлар ўрнига тест синовлари ўтказилади;

👉 ушбу тажриба бошқа тиллар (испан, итальян, тожик, қозоқ, туркман, қирғиз тиллари ва бошқалар) бўйича республикадаги барча давлат олий таълим муассасаларига ўқишга қабул қилишда жорий этилади.

Олий ва ўрта махсус таълим вазирлигининг расмий телеграм каналига уланиш👇👇👇
https://t.iss.one/joinchat/AAAAAEX5-AvPsYY6S0TbOQ

Копенгаген университети профессори Бекзод Ҳакимов кимё йўналиши ва мутахассислиги талабалари учун “Газ хроматографияси-масс спектрометрия” мавзусида онлайн семинар ўтказади

Бекзод Ҳакимов Ўзбекистон Миллий университети кимё факультети битирувчиси ҳисобланади. Магистратурани Буюк Британиянинг Лондон университетида ўқиган. Ҳозирги кунда Копенгаген университети профессори (Дания) лавозимида ишлаб келмоқда.

Онлайн семинар 17 апрель соат 14:00да бошланади.

ZOOM ID: https://us02web.zoom.us/j/5025430952

Meeting ID: 502-543-0952

Олий ва ўрта махсус таълим вазирлигининг расмий телеграм каналига уланиш👇👇👇
https://t.iss.one/joinchat/AAAAAEX5-AvPsYY6S0TbOQ

​​АОКА ҳузуридаги штабда Таълим сифатини назорат қилиш инспекцияси Матбуот котиби Феруза Мадраҳимова иштирокида брифинг ўтказилди.

❓Ўқишга қабул жараёнлари бошланмоқда. Карантин муносабати билан қабуллар одатдагидек бўлмаслиги эҳтимоли юқори, шундай пайтда чет элда ва онлайн таълим бўйича қабулларни таклиф қилаётган фирмаларнинг таклифлари қонуний эканлигини қандай ажратиш мумкин?

Албатта бугунги кунда юртимизда нодавлат таълим ташкилотлари сони ва йўналишлари ошгани, улар фаолиятини ташкил этишда, халқаро ташкилотлар, хорижий ОТМлари билан фаол ҳамкорлик қилинаётганлигини эътироф этиб ўтиш лозим. Бироқ айрим ҳолатларда мазкур муассасалар фаолияти, вазифаси ва ваколати билан боғлиқ масалаларнинг нотўғри тушунилиши ёки талқин қилиниши сабабли фуқароларимизда айрим нодавлат таълим ташкилотлари ҳақида холис ахборот олишга бўлган эҳтиёж пайдо бўлмоқда.

Аввало, ўқишга қабулни таклиф этаётган хорижий таълим ташкилоти (муассасаси) ўз давлатида таълим фаолияти лицензияланган ва ваколатли орган томонидан аккредитацияланган бўлиши лозим.

Шунингдек, Ўзбекистонда ҳам олий таълимни таклиф қилаётган нодавлат таълим муассасаси лицензияга эга бўлиши керак. Нодавлат таълим ташкилотларига лицензия бериш Вазирлар Маҳкамаси ҳузуридаги Таълим сифатини назорат қилиш давлат инспекцияси томонидан амалга оширилади. Шуни ёдда тутиш муҳимки, тегишли лицензияга эга бўлмаган ёки белгиланган тартибда аккредитациядан ўтмаган таълим ташкилотлари томонидан берилган олий маълумот тўғрисидаги дипломлар нафақат Ўзбекистон Республикасида балки бошқа давлатлар томонидан ҳам тан олинмайди.

Таълим сифатини назорат қилиш давлат инспекцияси каналига уланиш👇👇👇
https://t.iss.one/joinchat/AAAAAEm4cpr_D6kNejJ68A

#Соҳа_ислоҳотлари

Олий ва ўрта махсус таълим тизимида масофадан ўқитиш тизими самарали жорий этилмоқда

Бугунги кунда талабалар билим олиш фаолиятини узлуксизлигини таъминлаш мақсадида ўқув жараёни мутлақо янги форматга ўтказилди, яъни ўқув жараёни рақамли технологиялар асосида виртуал муҳитда талабалар ва ўқитувчи аудиториясини ташкил этиш орқали олиб борилмоқда.

Бундай виртуал аудиторияда ўқитувчи талабаларга дарс мазмунини етказиш, тегишли топшириқларни бериш, ўзлаштирилган билимларни назорат қилиш имкониятига эга бўлади, яъни тўлақонли ўқув жараёнига яқинлаштирилган фаолият ташкил этилди.

✅ Таълим йўналишлари ва мутахассисликлар ўқув режалари асосида жорий семестрдаги фанларнинг дастурлари бўйича ўқув ресурсларини яратишга эътибор қаратилди, 6102 фандан масофавий таълим ресурслари яратилди ва ҳар бир ОТМнинг масофавий ўқитиш платформаларига жойлаштирилди;

✅ Барча ОТМларнинг масофавий ўқитиш платформалари вазирликнинг https://dist.edu.uz/ ягона порталига бирлаштирилди. Бу эса ОТМлар ўртасида ресурслардан ҳамкорликда фойдаланиш имкониятини берди, яъни талабага бошқа ОТМ ўқитувчисининг ўқув материалларидан фойдаланиш имкониятини яратди;

Ҳозирда ушбу тизимда 113 та ОТМнинг таълим ресурсларидан фойдаланиш учун 293 255 (81,4 %) нафар кундузги таълим талабалари ва 22 375 (66,5 %) нафар профессор-ўқитувчи рўйхатдан ўтди.

✅ Таълим йўналишлари ўқув режасидаги барча учун умумий бўлган фанлардан видеомаърузалар жойлаштириб борилмоқда. Бунинг учун телеграмм ижтимоий тармоғида @eduuz_online канали очилди ва унга ўқитувчилар томонидан яратилган видеомаърузалар жойлаштирилмоқда;

✅ Ҳамма учун очиқ таълим ресурсларини яратиш мақсадида TAS-IX тамоғида https://tube.edu.uz видеопортали ишга туширилди. Ҳозирги кунга қадар ушбу видеопорталга 200 дан ортиқ видеодарс жойлаштирилди;

✅ Талабаларнинг китобхонлик маданиятини юксалтириш мақсадида вазирлик портали таркибида аудиокитоблар электрон кутубхонаси https://audiobook.edu.uz ташкил этилди;

✅ ЎзМТРК билан ҳамкорликда 3 та, шунингдек, Фарғона, Сурхондарё ва Самарқанд вилоятлари телеканаллари орқали фанлар бўйича теледарслар ўтказиш тизимли йўлга қўйилди. Жумладан,

👉 “Менинг юртим” (MY5) телеканалида ҳафтанинг душанбадан жума кунига қадар соат 10.30 дан 12.00 га қадар талабалар тучун Психология ва Инглиз тили фанларидан маъруза машғулотлари ўтказиш йўлга қўйилди;

👉 «UzReport» телеканали билан ҳамкорликда академик лицей ўқувчилари учун мўлжалланган «Теледарс» лойиҳаси йўлга қўйилди. «Теледарс» дастури дам олиш кунларидан ташқари ҳар куни соат 9:25, 10:25,11:25да эфирга узатилиб, унда математика, инглиз тили, физика, информатика, рус тили, география, оила психологияси, математика инглиз тилида SAT фанларидан дарслар ўтилмоқда;

👉 Педагогика таълим соҳасининг барча бакалавриат таълим йўналишларида таҳсил олувчи талабалари учун Тошкент давлат педагогика университети ва ZO'R TV телеканали ҳамкорлигида теледарслар йўлга қўйилди;

👉 "Сурхондарё" телеканалида ҳар куни соат 17:00дан бошлаб Термиз давлат университети профессор-ўқитувчилари иштирокида барча фанлардан видео дарсларнинг намойиши бошланади;

👉 “Самарқанд” телеканали орқали Самарқанд давлат чет тиллари институти профессор-ўқитувчилари чет тилларини ўрганиш бўйича теледарсларни йўлга қўйишди;

👉 “Фарғона” телеканали орқали Қўқон давлат педагогика институти профессор-ўқитувчилари водий вилоятларидаги талабалар учун фанлардан теледарслар ўтилишини йўлга қўйишди;

👉 «Ўзбекистон 24» канали ҳамкорлигида янги – “Онлайн интеврвью” лойиҳаси амалга оширилмоқда. Унда ректорлар ўзи раҳбарлик қилаётган ОТМда талабаларнинг масофадан туриб билим олиши учун яратилган имкониятлар ҳақида берган интервьюлари эфирга узатилмоқда.

✅ Профессор-ўқитувчилар учун “Масофавий таълимни ташкил этиш технологиялари” ва “Инглиз тилини ўрганиш” масофавий курслари йўлга қўйилди;

✅ ОТМларда ўтказиладиган барча илмий конференциялар, семинарлар онлайн ўтказилиши йўлга қўйилди.

Вазирликнинг расмий телеграм каналига уланиш👇👇👇
https://t.iss.one/joinchat/AAAAAEX5-AvPsYY6S0TbOQ

#Қонунчиликдаги_янгиликлар

⚡️ Денов тадбиркорлик ва педагогика институти ташкил этилди

“Сурхондарё вилоятида юқори малакали кадрлар тайёрлаш тизимини кенгайтириш ва янада такомиллаштириш чора-тадбирлари тўғрисида“ Президент қарори (ПҚ-4681-сон, 17.04.2020 й.) қабул қилинди.

Қарорга мувофиқ, Термиз давлат университети Денов филиали негизида Самарқанд давлат университетининг Денов тадбиркорлик ва педагогика институти ташкил этилди.

Институт юридик шахс мақомига эга бўлган давлат олий таълим муассасаси ҳисобланиб, Олий ва ўрта махсус таълим вазирлиги тизимига киради.

Институтнинг таълим фаолияти 2020/2021 ўқув йилидан бошланади.

Қарорга кўра, институт профессор ўқитувчилари ва ходимларига меҳнатга ҳақ тўлашда тариф коэффициентлари ва базавий лавозим маошлари 1,5 баравар миқдорда ҳисобланади.

Қарор билан институт Васийлик кенгаши таркиби тасдиқланди.

❗️Самарқанд давлат университети зиммасига институтни оталиққа олиш вазифаси юкланди.

Каналга уланиш👇👇👇
https://t.iss.one/huquqiyaxborot

#MUTOLAA_VAQTI

Ўз фарзандига бўлган меҳр-муҳаббат билан жамиятга бўлган меҳр-муҳаббатни айри-айри ҳолда кўриб бўлмайди. Ўз боласига меҳри бўлмаган одамда Ватан севгиси бўлиши мумкинми?

Ривоят қилурларким, ҳазрати Умар (р.а.) бир мўътабар одамни шаҳар ҳокими этиб тайинламоқчи бўлдилар. Котиб фармонни ёзишга киришган онда бир гўдак кириб амиралмуслиминнинг тиззаларига чиқиб, ўтириб олди. Халифа болакайни ўпиб, эркаладилар.
Ҳокимликка тайинланаётган киши буни кўриб:

- Бу гўдак ўз ўғлингизми?-деб сўради.

- Йўқ, бу бир камбағалнинг фарзанди. Ота-онаси вафот этган. Болани ўз тарбиямга олганман, - дедилар ҳазрати Умар.

У киши халифанинг мулойим қалбли, шафқат, марҳаматли эканликларига ажабланиб, деди:

- Менинг ўнта фарзандим бор. Мен ўз болаларимни ҳам эркалаб, ўпмайман. Болаларим мени кўришганда зириллаб туришади. Ота шундай бўлиши керак эмасми?

Халифа бу сўзларни эшитиб, ёзилган фармонни олиб йиртиб ташладилар-да дедилар:

- Бу одамни ҳоким этиб тайинлашни истамайман. Ўз фарзандларига тошкўнгил бўлган одам халққа қандай манфаат етказиши мумкин?

Афсусларким, орамизда «бола отадан қўрқиб, зириллаб туриши керак», деган нотўғри қоидага риоя қилувчилар ҳам топилади. Агар умр бўйи болаларини шундай тутишга интилган одам вафот этса, фарзандлари «қутулганимизга шукр», дейишмасмикин?

Тоҳир Малик

"Куёв бола, сизга айтар сўзим бор" китобидан

Telegram I Instagram I Facebook

Ўша оддий гапларга амал қилиш оддий иш эмас...☝️

Telegram I Instagram I Facebook

Kimyogarlar/Kimyo o'qituvchilari deydiki...
O'g'lim Muhammad Sodiq ham yordamlashdi...
Yangi 119-element O'zbekiston, 120-element esa tumanimiz nomiga qo'yiladi Xudo xohlasa...
p.s. Hozircha davriy jadvalda 118 ta element mavjud.
@yusufabsoatov

​​#Соҳа_ислоҳотлари

Талабаларга 24 соат давомида хабар қолдириш имконини берувчи махсус бот ишга туширилди

Олий ва ўрта махсус таълим вазирлиги карантин даврида талабалар ва уларнинг ота-оналари, қолаверса, кенг жамоатчилик билан мулоқотни кучайтириш ҳамда юртдошларимизга соҳага оид таклиф-мулоҳаза, муаммолар тўғрисида тезкор хабар қолдириш имконини берувчи махсус ботни ишга туширди.

@otv_murojaat_bot боти орқали ҳамюртларимиз республикадаги барча олий таълим муассасаларига муассаса фаолиятига доир хабар қолдиришлари мумкин. Бунинг учун бот орқали ҳудудлар кесимида керакли олий таълим муассасаси танланади ва хабар қолдирилиши мумкин. Юборилган барча хабарлардан олий таълим муассасаси раҳбарияти хабардор бўлади.

Ушбу бот айнан ҳозир, карантин кунларида олий таълим муассасаларида ўқув жараёнлари масофавий йўлга қўйилиб, вазирлик томонидан талабларнинг масофадан туриб сифатли таълим олишлари учун барча ресурслар сафарбар этилган бир паллада ишга туширилди.

Эндиликда талабалар виртуал муҳитда олиб борилаётган ўқув жараёнлари афзаллиги ва камчилиги, ўзлаштирилган билимларини назорат қилиш ва баҳолаш юзасидан ва таълим жараёни билан боғлиқ бошқа масалаларда олий таълим муассасасини хабардор қила олади.

Олий ва ўрта махсус таълим вазирлиги томонидан @otv_murojaat_bot орқали юборилаётган хабарларнинг олий таълим муассасаларида ўрганилиши мунтазам назорат қилиб борилади.

Энг муҳими, жамоатчиликдан келиб тушаётган хабарлар ва таклиф-мулоҳазалар ОТМларда таълим жараёнларини рақамлаштиришда устувор вазифаларни белгилаб олишда ёрдам беради.

Олий ва ўрта махсус таълим вазирлигининг расмий телеграм каналига уланиш👇👇👇
https://t.iss.one/joinchat/AAAAAEX5-AvPsYY6S0TbOQ

ЭЪЛОН!!!

ОЛИЙ КИМЁ ФАНИДАН ОНЛАЙН ДАРС

Кимёгарлар яхши биладилар, ОЛИЙ КИМЁ фанида “МОЛЕКУЛЯР ОРБИТАЛ” мавзусини ўрганиш кўпчиликка бироз қийин туюлади. Лекин аслида бу мавзуни осон усулда тушунтириш ҳам мумкин.
Қандай қилиб дейсизми? Ундай бўлса, онлайн дарсда иштирок этинг, мавзуни осонгина тушуниб олинг ва ўзингизнинг холис муносабатингизни билдиринг!
ФАН: ОЛИЙ КИМЁ
МАВЗУ: МОЛЕКУЛЯР ОРБИТАЛ
ДАРС ТУРИ: ОНЛАЙН
Дарс ўтиш куни: 23.04.2020 йил
Дарс вақти: соат 14.00 да бошланади
Дарс ўтиш манзили: интернет тизимидаги ZOOM дастури (https://us02web.zoom.us/j/5025430955) орқали бўлиб ўтади.
Маърузачи: Юсуф Қодирович Абсоатов – Олий ва ўрта махсус таълими вазири ўринбосари.
Айтганча, кеч қолганлар дарсга киритилмайди ва қайта топширишга қолдирилади😊.

Шундай экан, шошилинг!

Уйда қолинг!

Superqahramonlar o'zgardi!

(Rasm:internetdan olindi)
@yusufabsoatov

Assalomu alaykum.
Bugungi online darsimizda ishtirok etganlar yana qaysi mavzularni o'tib berishimizni xohlaysizlar?

@yusufabsoatov