Журналист ҳам фуқаро ёҳуд 5 йил олдин ким эдим? (2-қисм)

Кечадан бери "Сўнги 4 йилда ҳаётимизда нималар ўзгарди?" сарлавҳали постим тармоқларда кескин муҳокамаларга сабаб бўляпти.

Мен осмондан тушган ёки ердан ўсиб чиқмаганманки, аниқ қилинган ишларни кўрмасам. Журналист ҳам фуқаро!

"Халқ ичига кир, асл вазиятни ўрган" деганларга мен бир йилдан бери бутун республика бўйлаб юрибман халқ ичида. Ва кеча мен санаб ўтган ҳар бир ўзгаришларни биргина ўзимнинг ҳаётимдаги таъсири ҳақида оддий фуқаро сифатида далиллар билан келтирмоқчиман.

Хуллас, мен 5 йил олдин:
🔹11 йил пахта терган ўқувчи;
🔹Пахта мавсумида яқини касал бўлса, шифокор тополмаган бемор;
🔹Музқаймоқ сотиб, свет йўқлигидан банкрот бўлиб, қарзга ботиб кетган омадсиз тадбиркор;
🔹Тошкент пропискаси сабаб ишга киролмай, Россияга кетган олий маълумотли мигрант;
🔹Имкони борида эса баъзи чет давлатга чиқаман десам, ОВИР олиш учун ойлаб кутиб, ололмаган саёҳатчи;
🔹Яқин-яқингача чегаралар ёпиқлигидан 30-40 кмгина масофада бўла туриб, Душанбени кўролмаган сурхондарёлик,
🔹Ноҳақ қамалиб, оқланолмаганларни ўз кўзи билан кўрган кузатувчи;
🔹41 йил тумани светофор кўрмаган ва бугун ҳокимликлинг ўз ғазнаси борлиги сабаб шаҳари кўркамлашаётган қўмқўрғонлик;
🔹Туман ҳокими ёки прокурорини фақат қора танировкали машинасини кўриб қолса ҳам, дўстларига айтиб кериладиган мақтанчоқ;
🔹Отасини бир ойлигини уч ойлаб кутиб, қишни кузги туфлида ўтказган фарзанд;
🔹Доллар талаб қилинган жойларда қимматига олиб, ярмига сотган аҳмоқ "обнал"чи;
🔹Арзимаган стипендиясини 15 фоизга, момосининг пенсиясини 20 фоизга нақдлаштирган талаба;
🔹Ўзбекистонда яшаб туриб, 25 йиллаб фуқаролиги йўқларни кўрган ўзбекистонлик;
🔹(Айтмасам бўмайди) Узоқ йўлга чиқсам, унитаз тугул анқиб кетган ҳожатхонани кўрса кўзи қувонган йўловчи;
🔹Газ ва электрдан асоссиз қарздорликлар ёзилса, йиғлаб-йиғлаб тўлаган истеъмолчи (хозир шундай қилиб кўришсинчи 😊);
🔹"зато осмонимиз мусаффо"дан бошқасини айтолмасликка тарбияланган авлод;
🔹Бугунга келиб шундай бемалол ёзоламан дея ҳаёл ҳам қилмаган "будущий" журналист эдим.

Айтингчи, сиз юқоридаги муаммоларга дуч келмаганмисиз?

"снос", дабдала йўллар, таълим инқирози, зўр кадрлар муаммоси, нарх-наво, UzAutoMotors инкубацияси, коррупция, электр, газ, сув муаммолари, ишсизлик... Ҳа, булар бор муаммолар. Лекин ричаг тўхтаб қолмаган. У айланяпти. Шунчаси бўлдими, буёғи ҳам бўлади. Муҳими, шу муаммоларни айта оляпмиз. Назорат қила оляпмиз.

Илтимос, салгина норозилик кайфиятидан чиқайлик. Қаердан бунча негатив?

Каналга уланиш. 👉@gazetchi_live

Anons | Alifbo islohi - yangi qulaylikmi yoxud yangi muammolar?

"Lotin yozuviga asoslangan o'zbek alifbosini joriy etish to'g'risida"gi Qonunga o'zgartirish kiritish bo'yicha huquqiy hujjat loyihasining muhokamasi.

Yozuv asriy an'ana. Argumentlar qarama-qarshiligi. "Yoshlar" press klubining navbatdagi soni aynan shu mavzu haqida bo'lib o'tadi.

25-mart kuni soat 20:20 da, "Yoshlar" telekanalida tomosha qiling.

Bizning manzil:
Veb-sahifa | Telegram | Facebook

#Юқори_Чирчиқ
#ёшларга_велосипедлар_тақдим_этилди

🔰Ўзбекистон Республикаси "Ёшларга оид давлат сиёсати тўғрисида"ги қонун ижросини таъминлаш мақсадида, Юқори Чирчиқ туманида қатор ишлар амалга оширилмоқда.

📍Жумладан, жорий йилнинг феврал ойида ёшларни жисмоний чиниқтириш, спорт соҳасидаги қобилиятларини ривожлантириб, намоён этиш мақсадида туман ҳокими У.Атемов томонидан Юқори Чирчиқ туман Болалар ва Ўсмирлар спорт мактаби қошидаги Велоспорт МТВ спортчиларига 10 дона велосипедлар тақдим этилди.

Юқори Чирчиқ туман ҳокимлиги Ахборот хизмати
👉:https://t.iss.one/yuqorichirchiq_hokimiyat

​Тақдим этилаётган алифбо лойиҳасини бир оз таҳрирлаш керак

«O‘o‘ » ва «G‘g‘» ҳарфлари ўрнига — «Ōō» ва «Ḡḡ» ҳарфлари таклиф қилинмоқда. Бу яхши, нима бўлганда ҳам, мазкур ҳарфларнинг ёзма кўринишига яқинлаштирилган.

Бироқ «Ōō» символи шу пайтгача фойдаланишда бўлган кўплаб шрифтларда акс этса-да, «Ḡḡ» символи ҳақида ундай деб бўлмайди. Машҳур халқлардан бирортаси бу ҳарфдан фойдаланмагани учун у учинчи дунё мамлакатлари кодировкасидан ўрин олган. «Ḡḡ» — Times, Arial каби стандарт шрифтлардагина аксланади.

Лекин ўзбек тилида фақат ана шу стандарт 3–4 та шрифтдан фойдаланилмайди. «Ḡḡ»нинг аксарият шрифтларда акс этмаслиги дизайнерлар ва турли соҳа ходимларига катта қийинчилик келтириб чиқаради. Янги шрифтни ҳеч ким бизга ясаб бермайди. Шунинг учун мавжуд бўлган, кўп тарқалган, Юникоднинг асосий базасидан ўрин олган символлардан фойдаланавериш керак.

Мисол учун, «Ḡḡ» ўрнига туркий халқлар фойдаланадиган «Ğğ» символини олавериш керак. Бехавотир. Ахир, туркий халқларга хос бўлган «Şş» ва «Çç»ни олмоқчимиз-ку.

Фақат, «Ḡḡ» ўрнига «Ğğ» олингач, визуал бирхилликка эришиш учун «Ōō» ўрнига ҳам «бревисли о» — «Ŏŏ»ни қабул қилишимиз лозим.

Биринчидан, кириллча «Ўзбекистон», «ўзбек» сўзларида ҳам «бревисли у»дан фойдаланамиз. Бу «шапка» биз учун қадрдон, таниш. Агарда, туркий халқлар фойдаланадиган «Öö» символларидан фойдаланиш керак, дейилса, мазкур ҳарф айрим сўзларни ёзишда яна бир қатор визуал ноқулайликларни келтириб чиқаради:
Mö’tabar 👎
Mŏ’tabar 👌

Töğri 👎
Tŏğri 👌

Фикримча, Ŏ ҳарфини ўзбек тилининг махсус рамзи, логотипига айлантириш ҳам мумкин. Ҳаттоки, ўзбек сўми символини ифодалашда ҳам шу ҳарфни асос қилиб олса бўлади.

Шуҳрат Шокиржонов,
журналист
Манба

@xatoliklar

#Юқори_Чирчиқ
#маънавият__соати

Қарор ижроси амалда

📌Президент Шавкат Мирзиёев раислигида 19 январь куни маънавий-маърифий ишлар тизимини тубдан такомиллаштиришга бағишланган видеоселектор йиғилишида белгилаб берилган вазифалар ижроси бугун жойларда амалда жорий этилмоқда.

📍Жумладан жорий йилнинг 25 март куни Юқори Чирчиқ тумани "Тумангаз" унитар корхонасида тарғибот тадбири ўтказилди.

🔰Тадбирда "Ҳудудгаз Тошкент" газ таъминоти филиали касаба уюшма қўмита раиси Н.Исмоилова, Моддий ресурслардан оқилона фойдаланиш ва коррупцияга қарши сиёсатни амалга ошириш бўлими бошлиғи Т.Исламов, етакчи мутахассис А.Тўлқинов, Республика маънавият ва маърифат маркази туман бўлинмаси раҳбари Д.Назирова, "Тумангаз" Унитар корхонаси раҳбари Ш.Ҳудойбергановлар иштирок этди.

✅Тадбир аввалида, Республика маънавият ва маърифат маркази туман бўлинмаси раҳбари Д.Назирова сўз олиб бугунги ислохотлар хақида хамда туманда маънавий маърифий масалага бўлган эътиборга алохида тўхталиб ўтди.

⚖️Сўнгра "Ҳудудгаз Тошкент" газ таъминоти филиали касаба уюшма қўмита раиси Н.Исмоилова юртбошимиз томонидан илгари сурилаётган порахўрлик каби иллатга қарши курашиш энг олий мақсад эканлиги хусусида фикр алмашилди.

📈Қизғин бахс ва мунозараларга бой тарзда ўтказилган ушбу тадбир келгусида хам давом эттирилиши белгиланиб олинди.

Юқори Чирчиқ туман ҳокимлиги Ахборот хизмати
👉:https://t.iss.one/yuqorichirchiq_hokimiyat

Тошкент вилоятида бир кунда 20 кишида коронавирус аниқланди

2021 йил 24 март ҳолатига кўра, Ўзбекистонда коронавирус инфекцияси қайд этилганлар сони 81816 (+138) нафарни ташкил этмоқда. Бу ҳақда Соғлиқни сақлаш вазирлиги ахборот хизмати хабар берди.

Қайд этилишича, Тошкент вилоятида бир кунда 20 кишида коронавирус аниқланган. Вирусга чалинганларнинг ҳаммаси коронавирусга чалинган беморлар билан мулоқотда бўлгани сабабли намуна олинган фуқаролар орасида аниқланган.

⬇️ Тошкент вилояти хабарлари
👉 @KunuzToshvil

Ижтимоий тармоқда президент номидан аккаунт очиб, фуқароларни чув туширган шахс ушланди

Facebook'да президент Шавкат Мирзиёев номидан сохта аккаунт очиб, фуқароларга уй-жой ва банк кредитлари ажратишда ёрдам беришни ваъда қилиб, уларни чув туширган шахс қўлга олинди.

👉 https://kun.uz/62041187

⬇️ Тошкент вилояти хабарлари
👉 @KunuzToshvil

Вилоятда чиқиндидан электр энергияси ишлаб чиқариш режалаштирилмоқда

Тошкент вилояти ҳокими Даврон Ҳидоятов ҳамда Италиянинг “ENERGY from WASTE” компанияси вакиллари иштирокида музокара ўтказилди.

Мулоқот чоғида вилоят ҳудудида мазкур компания томонидан маиший чиқиндиларни қайта ишлаш технологияси асосида электр энергияси, иссиқлик таъминоти ишлаб чиқарувчи корхона бунёд этиш учун ер майдони ажратиш хусусида сўз борган.

Лойиҳанинг умумий қиймати 412 миллион еврога тенг бўлиб, бино қурилиши 14 гектар майдонни эгаллайди. Чиқиндини қайта ишлаш натижасида соатига 40 МВт қувватли электр энергияси, 80 МВт қувватли иссиқлик таъминоти аҳолига етказиб берилади.

⬇️ Тошкент вилояти хабарлари
👉 @KunuzToshvil