🟦🟦🟩🟩

Chorshanba - Investitsiya, eksport masalalarini oʻrganish va sanoat zonalarida olib borilayotgan ishlar bilan tanishish kuni.

🔘Statistika boshqarmasi. 2022-yilning yanvar-dekabr oylarida Toshkent viloyatida oziq-ovqat mahsulotlarining asosiy qismidan biri boʻlgan 168,9 mln. dollar qiymatga ega 240 ming tonnadan ziyod qishloq xoʻjaligi va bogʻdorchilik mahsulotlari eksport qilingan.

🔘Oqqoʻrgʻon tumani. “Jamshid Abzalbek” MCHJ “Hamzaobod” mahallasida un ishlab chiqarishni yoʻlga qoʻygan boʻlib, hozirda bu yerda yangi investitsiya loyihasi hayotga tadbiq etilmoqda.

🔘Yangiyoʻl shahri. Yangiyoʻl shahar hokimi oʻrinbosari, Investitsiyalar va tashqi savdo boʻlimi boshligʻi “Baxt” mahallasi hududida joylashgan masʼuliyati cheklangan jamiyat shaklidagi xorijiy investitsiya ishtirokidagi korxona faoliyati bilan tanishdi.

🔘Yuqori Chirchiq tumani. “Mirobod” mahalla fuqarolar yigʻinida “AZIYA TASHKENT TEXTILE” MCHJ tomonidan ip kalava mahsulotlarini ishlab chiqarish loyihasi hayotga tadbiq etilmoqda.

🔘Piskent tumani. Vengriyaning “Bonofarm Group” va “Kite Group” kompaniyalari delegatsiyalari Oʻzbekistonga rasmiy tashrifi doirasida Piskent tumanida ham boʻlishdi.

🔘Chirchiq shahri. Bugun Chirchiq shahar hokimi D.Xidoyatov rahbarligidagi masʼullar hududiy Investitsiya dasturiga asosan ishga tushirilgan “ALKIM TEKSTIL” MCHJ tomonidan “Bosma mahsulotlarini ishlab chiqarishni tashkil etish” loyihasi bilan tanishdilar.

🔘Qibray tumani. Tuman hokimi oʻrinbosari B.Yusupxanov tumandagi issiqxona egalari bilan uchrashib, ular tomonidan yetishtirilayotgan mahsulotlar va eksport imkoniyatlarini oʻrgandi.

📹DAYJEST VIDEOSINI FACEBOOKDA KO'RISH

#Dolzarb

Maishiy chiqindilar tashish xizmati: sohada nimalar boʻlyapti oʻzi?

Prezident huzurida 2022-yilning 2-fevralida oʻtkazilgan videoselektor yigʻilishida maishiy chiqindilarni toʻplash va qayta ishlash sohasiga davlat-xususiy sherikchilik asosida tadbirkorlarni jalb etish, bu borada tadbirkorlarni tanlash boʻyicha tenderlarni 2022-yilning 1-sentyabriga qadar yakunlash vazifasi topshirilgan edi.

Shunga koʻra, tender tanlovi gʻolibiga “Toza hudud” DUKning barcha mol-mulki va maxsus texnikalari oʻzaro bitim asosida oʻtkazib berilgan. Shuningdek, korxonaning debitor va kreditor qarzdorligi ham gʻolib tadbirkorga biriktiriladi. Tadbirkorlarga oʻtkazilgan mol-mulk va texnikalarning hisoblangan bahosi 10 yil muddat davomida davlatga boʻlib toʻlab berish majburiyati yuklanadi. Umuman, viloyat boʻyicha korxonaga qarashli 7 ta maishiy chiqindi poligonlari (umumiy yer maydoni 115 gektar) mavjud boʻlib, mazkur poligonlar ham xususiy sektorga topshirildi.

Ammo keyingi ikki-uch oyda bu borada jiddiy muammolar va aholining haqli noroziligi vujudga keldi. Sababi, maishiy chiqindilarni olib ketish, qayta ishlash faoliyati qoniqarsiz ahvolda. Ayniqsa, koʻp qavatli uylarda bu borada vaziyat ancha xunuk. Viloyat hokimligida soha mutasaddilari, tadbirkorlar ishtirokida oʻtgan yigʻilishda vaziyat tanqidiy koʻrib chiqildi.

Zoyir Mirzayev Toshkent viloyatda aholi yashash joylari, chiqindixonalarga toʻplangan maishiy chiqindilarni zudlik bilan tozalash, bunda mavjud kuch va vositalarni safarbar etish, favqulodda tartibda ishlash boʻyicha topshiriq berdi. Vaziyatni shu darajaga keltirgan tadbirkorlik subyektlari va davlat xizmatchilarining faoliyati yoki faoliyatsizligiga huquqiy baho berish yuzasidan huquq-tartibot organlari oʻrganishni boshlagani qayd etildi.  

Xoʻsh, tadbirkorlar oʻz majburiyatlariga amal qilyaptimi? Lavhamiz shu haqida.

✉️Telegram 🌐Website 🌐YouTube 📱Instagram 📱Facebook 📱Twitter